P3.4 bilyones gisugyot nga
budget sa probinsiya sa 2020
MOKABAT og P3.4 bilyones ang gisugyot nga budget sa probinsiya sa sunod tuig nga mapunta ra sab sa kaayohan sa mga Bol-anon, ilabina sa mga menos ug hinikawan.
Ang tanang paningkamot itumong sa pagduga’g trabaho ug panginabuhi, pagmugna’g bahandi, ug pagtagad sa daghang kahingawa sa nagkadaiyang sektor.
Kini sumala ni Gob. Arthur Yap sa iyang budget message ngadto sa Sangguniang Panlalawigan pinangulohan ni Bise Gob. Rene Relampagos.
Ang mensahe sa gobernador gibutyag dinhi pinaagi kang Bokal Aldner Damalerio.
Apil sa proposed year 2020 budget sa kapitolyo ang pag-ugmad sa 10 ka mga tambalanan nga gidumala sa kagamhanan sa probinsiya sa kantidad nga P265 milyones.
Pakadak-an usab ang kapasidad sa pag-ayo sa kadalanan pinaagi sa mga bag-ong road construction equipment nga paliton sa kantidad nga P218 milyones.
Sa kinatibuk-ang budget nga P3.446 bilyones, P1.1 bilyones ang mapunta sa social services sector, P965 milyones sa general public sector, P624 milyones sa economic services sector, ug P451 milyones sa 20% Development Fund.
Giplano ang pagmugna og 135 ka mga bag-ong posisyon sa nagkalain-laing departamento sa kagamhanang probinsiyal.
Apil na niini ang 74 ka mga posisyon nga modugang sa pag-ugmad sa serbisyo ug kapasidad sa 10 ka mga tambalanan sa lalawigan. (Ven rebo Arigo)
* Today's Helpful Tip *
Tala app is a fast and easy way to borrow money, and it's used and trusted by many. Download Tala to join millions of Filipino users today! >>>
http://inv.re/9o3vpLinkback:
https://tubagbohol.mikeligalig.com/index.php?topic=91533.0
