By Rey Tutas
KAPITOLYO MIDAYEG KANG BARAJAN
Gidayeg sa kagamhanang probinsiyal sa Bohol ang bol-anong sakop sa Philiipine Coast Guard nga si Seaman First Class Ralph Barajan kinsa nahimong bayani tungod sa pagluwas sa 62 kinabuhi sa mga pasahero ug tripulante sa nalunod nga barkong M/V Siarago Princess sa nakalabay’ng semana.
Giila ni Gob. Art Yap ang bayanihong buhat ni Barajan nga misakripisyo sa iyang kanabuhi alang sa kaluwasan sa uban.
Gipasigarbo ni Yap si Barajan tungod sa kaisog ug dalaygong buhat niini nga mihatag sa iyang tinuoray nga tabang sa iyang isigkatawo ug sa nasud ilabina ang pagluwas og kinabuhi bisan nga off-duty kini adtong higayona.
Matud sa gobernador, swerte usab kaayo ang mga pasahero sa fastcraft nga diha sa Barajan sa dihang nahitabo ang trahedya sa kadagatan.
Uban sa iyang asawa nga si Mary Ann Joy, gidawat ni Barajan ang usa ka plaque of recognition nga gitunol sa gobernador atul sa simpleng seremonya kaganihang buntag, Nob. 14, didto sa buhatan sa gobernador sa bag-ong Kapitolyo.
Giseguro usab ni Yap nga hatagan og pasidungog ang bol-anong coast guard, kinsa lumad nga taga Barangay La Paz sa lungsod sa Cortes, sa sunod nga pagsaulog sa Bohol Day sa 2020.
Giubanan si Barajan sa mga sakop sa Philippine Coast Guard dinhi sa Bohol sa pagpanguna sa commanding officer nga si Lt. Patrick John Cabasag.
Kahinumdoman, karon lang bag-o, ang Sangguniang Panlalawigan nagpasar og resolusyon midayeg usab kang Barajan sa bayanihong buhat niini. (ReyTuts)
Book online travel tickets in Asia, Australia and New Zealand at:
https://12go.asia/?z=3467325Linkback:
https://tubagbohol.mikeligalig.com/index.php?topic=91437.0
Topic: Barajan the Hero (Read 500 times)