Sa balak nga board, nag-wild na si Ma'am Bambi
Ug sa diri sad nga thread ning-bira na si Grazie,
Kinsay mosunod sa mga babaye nga Bol-anon
Nga magpa-ugmad sa ilang kabiling balaknon?
Si Julai, Happy, ug Ginger ang nanguna kanila
Sa way duha-duha sa katilingban nagpaila
Nga nagpadayon pa diay ang kaliwat ni Karyapa
Usa ka babaylan, mamamalak, ug Boholana.
Sa matag pulong inyo kaming gibihag
Giga-id nga way pisi ang kasing-kasing ug kalag
Ug among itanyag kaninyo ang among matag ginhawa
Kay hingpit nga kami inyo nang gipanag-iya.
Linkback:
https://tubagbohol.mikeligalig.com/index.php?topic=5610.0