MikeLigalig.com

By Alan Dalagan
ATM: Sports/ Boxing

Casimero mipatumba kang Tete sa 3rd round aron malabni ang WBO bantamweight title

GIPAKUGANG ni Johnriel 'Quadro Alas' Casimero ang bagang panon sa  Birmingham dihang iyang gipatumba ang  title favorite ug defending champion Zolani Tete sa makaduhang higayon alang sa iyang third round TKO nga kadaugan Sabado sa gabii (kun sa sayong buntag sa Dominggo) o kagahapon didto sa Arena Birmingham sa United Kingdom aron malabni ang full WBO world bantamweight title ug nakamugna pag-usab sa kasaysayan human nahimong usa ka three-division world champion.

Si Tete (28-4-0, 21KOs) kinsa motindog og  5'9"  mas taas og lima ka pulgada kang Casimero, nag-inampingon sa opening rounds ug nigamit sa iyang gitas-on ug kataas sa kamot aron pagdakop kang  Casimero sa pagsud. Apan si Casimero (29-4-0, 20KOs) nisukod sa mga lihok ni Tete diin iyang giestablisar ang distansiya  sa iyang  head ug body attacks human ang duha ka rounds nahuman nga diyutay ra og aksiyon.

Ug sa sayong bahin sa  third, si Casimero kalit lamang nakuha si Tete pinaagi sa tuong tira sa ulo gisundan sa laing duha ka tuong suntok aron patumbahon ang kanhi   two-division world champion ngadto sa canvass nga grabeng nasakitan.

Samtang nakuha ni Tete ang pag-ihap uban sa naglubay nga mga paa, gitiwasan ni Casimero pinaagi sa pagbuhi og sunodsunod nga mga suntok sa ulo ug lawas aron tumbahon pag-usab si Tete. Bisan si  Tete nakahimo sa pagbarog sa ikaduhang knockdown apan tataw na kaayo nga  dili na kini makahimo sa pagtiwas sa maong round kay taas pa oras ang nahabilin. Human gipauwanan og mga komo, niduol si Referee Steve Gray aron ipahunong ang away ug nidagan si Casimero sa iyang korner aron pagsaulog sa iyang kadaugan.

"I worked very hard in Las Vegas for this fight," si Casimero nibutyag sa  Skysports human sa away. "My opponents are very good, they are the favorites. I am not good but I always beat them."

"Come on Inoue, let's fight," si Casimero nagkanayon diin iyang gipunting ang iyang pana ngadto sa nailhan nga "monster" kinsa ginganlan sa kadaghanan nga maoy  top dog sa maong division ug usa ka  top pound for pound fighter sa  planeta.

Kini maoy ikaduhang kadaugan ni Casimero sa England, ang primero batok kang  Charlie Edwards kinsa
 iyang  gipaundang sa   10th round. Ug nadepensahan ang iyang IBF world flyweight title.

Nidaug si Casimero sa  Interim WBO world title niadtong April batok kang  Ricardo Espinoza ug nakadepensa niini sa makausang higayon batok kang  Cesar Ramirez niadtong  Agosto ug karon mao na ang  full fledged WBO champion pinaagi sa pagpalagpot kang Tete. Ug nitapo sa iyang mga kababayan nga sila si Manny Pacquiao, Jerwin Ancajas ug Pedro Taduran isip kasamtangan nga kampeyon sa nasud.

Si Casimero usab nahilakip uban kang
Manny Pacquiao, Nonito Donaire Jr ug Donnie Nietes isip mga three division world champions sa nasud. (Philboxing.com/ALAN ANDY NALZARO DALAGAN)

* Today's Helpful Tip *
Tala app is a fast and easy way to borrow money, and it's used and trusted by many. Download Tala to join millions of Filipino users today! >>> http://inv.re/9o3vp



Linkback: https://tubagbohol.mikeligalig.com/index.php?topic=91668.0