Ni KRIS C. SIALANA
ANG kamingaw sa mga anak ang gituohang hinungdan paghikog sa 67-anyos niadtong Lunes sa hapon sa Indahag, Dakbayan sa Cagayan de Oro.
Napalgang nagbitay og wala nay kinabuhi si Manuel Bernasol gikan sa pagkahikot sa iyang liog.
Sa nakuha nga impormasiyon sa Sun.Star SuperBalita sa Police Station 2 (PS2) sa Cogon, nasayran nga sa pag-responde nila, anaa na sa salog ang biktima ug giputos na sa puti nga habol.
Napalgan si Bernasol sa anak niini nga si Angelo, construction worker, hinungdan nga iya na lamang giputol ang pisi nga gigamit sa paghikot diha sa duyan ginamit ang kutsilyo.
Gi-ingong taod-taod na nga nagkabulag ang iyang mga ginikanan ug naghambin og pagmahay ang iyang amahan tungod kay buot niini nga ipasaka ang lima ka anak diha sa panimalay tungod sa pagkamingaw.
Girespondehan usab sa Scene of the Crime Operatives – Northern Mindanao, sa pagpangulo ni Police Senior Inspector Christian Caballes, ang insidente.
Gipatik sa mantalaang SuperBalita Cagayan de Oro Hulyo 01, 2015.
Linkback:
https://tubagbohol.mikeligalig.com/index.php?topic=80325.0
