TUBAGBOHOL.com with Ligalig Mike Ortega

Into Your Heart => Family & Parenting => Topic started by: hubag bohol on September 14, 2016, 08:36:09 AM

Title: Misis nakasuot og pinapuok nakig-inom sa lain gihapak og bato sa bana nakuyapan
Post by: hubag bohol on September 14, 2016, 08:36:09 AM
Ni JEEPY P. COMPIO


USA ka misis nga nakasuot og pinakigol nga short pants ug naka-sleeveless ang nakuyapan human gihapak og bato sa iyang mister tumong sa dughan kay nasakpan nga nakig-table sa laing lalaki.

Ang insidente nahitabo alas 10 sa gabii niadtong Lunes, Setyembre 12, sa Barangay Catalunan Pequeño, Talomo District, dakbayan sa Davao.

Subay sa blotter nga natala sa Talomo Police Station, usa ka Maricel (bansagon gitago), 31, nagpuyo sa maong barangay, girespondehan sa kapulisan human gihapak og bato sa iyang bana nga si Pepeng, 35, usa ka driver.

Human naulian gikan sa pagkakuyap, nagpaka-martir lang gihapon ang misis, giapungan sa prisohan ang iyang napriso nga bana nga buot niyang pagawason.

Nagsugod ang istorya human nagtagay si misis og ilimnong makahubog uban sa usa ka lalaki sa balay sa iyang ig-agaw sa Catalunan Pequeño nga nagsuot og pakigol nga short pants ug sleeveless.

Nag-uros-uros ang kasuko ni Pepeng human iyang nakita nga naay kaistorya ug katagay iyang asawa hinungdan nga sa iyang kasuko, mikuha siya og bato ug gihapak sa dughan.

Miangkon si Maricel nga iyang nahimo ang pag-table og laing lalaki gumikan nakulangan siya sa perpormans sa iyang bana sa kama. Masabot sa maong pamahayag nga gitinguha ni Maricel nga mahaylo ang iyang kainom ug sa maong paagi matambalan ang iyang kauhaw ug makatilaw na usab siya og lawasnong palami nga dugay na niyang wala matagamtam.

Tungod sa hitabo, buot kuno unta ni Maricel nga maghikog gamit ang iyang bra sulod sa Talomo Police Station samtang nag-atubang sa iyang mister nga anaa sulod sa selda niadtong Martes sa kaadlawon, Setyembre 13.


Gipatik sa mantalaang Superbalita Davao Septembre 14, 2016.
Title: Re: Misis nakasuot og pinapuok nakig-inom sa lain gihapak og bato sa bana nakuyapan
Post by: hubag bohol on June 13, 2018, 06:15:39 AM
Tagam... :P
Title: Re: Misis nakasuot og pinapuok nakig-inom sa lain gihapak og bato sa bana nakuyapan
Post by: islander on June 13, 2018, 12:50:34 PM

ang news reporter and medyo kuwang sa utok ani. >:(
Title: Re: Misis nakasuot og pinapuok nakig-inom sa lain gihapak og bato sa bana nakuyapan
Post by: hubag bohol on July 13, 2018, 09:09:49 AM
He he, nihit tingali og balita tong adlawa... ;D
Powered by SMFPacks SEO Pro Mod | Sitemap
Mobile View
SimplePortal 2.3.7 © 2008-2019, SimplePortal