NATIGBASAN sa iyang asawa ang 56-anyos nga bana sa Tulay Semento, Agora, Barangay Lapasan, siyudad sa Cagayan de Oro, pasado alas 2:00 sa kadlawon sa miaging adlaw.
Sa imbestigasyon sa mga otoridad, giila ang biktima nga si Celestino Valiente, minyo sa samang dapit, kinsa nagpabilin pa sa balay tambalanan human matigbasan sa ulo nga bahin.
Nasayran, grabe matod pa ang panaglalis sa magtiayon hangtod wala magdahom ang bana nga kalit lang mikuha og sundang ang asawa niini nga maoy gitigbas ngadto kaniya.
Diha-diha gihatod sa anak nga lalaki ang biktima ngadto sa balay tambalanan, samtang giimbestigahan sa mga otoridad ang kaso. - Brigada News
Linkback:
https://tubagbohol.mikeligalig.com/index.php?topic=51022.0
