Human sa makuting imbestigasyon ug human sa makuting pagpanukiduki ug human naladlad ang mga ebidensya ning mabuot nga hukmanan ug human sa gihikay nga pakisayod gikan sa nagpakabanang mga katawhan ug human sa paghipos sa uban pang mga dokumento nga may kahilambigitan ning maong "motion for reconsideration" ug human sa pagtuon ug pag-utingkay sa tanang bangag ug buho sa mga papeles nga giduso sa nagtukaw nga husgado, kining maong "motion for reconsideration" nga gisang-at ni Rose ning talahurong hukmanan, napamatud-an nga.......................... (music, maestro...........)
tingg...de..dinnnngggg..... (music, stop)
...napamatud-an nga tulukibon ang iyang katuyuan............... (pakpak ang mga abogado sa Trio)..........
Ug kay lagi ang maong tulo ka mga linalang may kasinatian naman sa natad sa gugma ug sa natad sa kama ......... (ehhhhhkkkkkkkkkkkkk)
.....gipakanaug ang desisyon ning husgado nga ibalhin ang "Sexual and Marital Problems" section ngadto sa "Buko Salad ug Halo-Halo" category...... (pakpak ang mga witness........) (ug dihay nadunggan nga nag-ingon: "take it, take it, take it.....)
Mitindog si Rose, ug nakita ang iyang "fighting form", ug sagol sip-on ug luha ang midagayday sa iyang ilong ug kaapingan, ug siya nagkanayon: "Kadyot lang, kadyot lang, pwede ipautro ug basa nang hukom?"
Nagkaguliyang ang mga tawo.
Ug nadungog ang uban nga nag-ingon: "Naunsa man diay? Naunsa man diay? "Di ba sakto ang pagbasa sa hukom?"
Apan ang uban miingon: "Wa ba diay ka kadungog sa hunghong nga 'take it, take it, take it.'" "Ah kaingon ko ug dihay gipainom ug tiki-tiki."
"Saba diha uy, badlongon gani ta sa judge ani, sige maghilom na ta."
Misulod si Capitan Berong nga nagdala ug sanggot ug milurat ang mga mata sa mga tawo nga diha sa sala ni RTC Judge Kumander Vargas. Dihay mga nakuyapan pagkakita nga bag-o lang gibaid ang sanggot ni Capitan Berong.
Nangigham si Capitan Berong ug sa undanon nga tingog nagkanayon: "Sakto si Rose, kinahanglan nga utrohon ug basa nang maong hukom kay bisan ako nga didto lang sa layo nagtindog nakadungog nga dihay nag-ingon ug 'take it, take it, take it.'"
Misumpay ang mga tawo: "Dah, sakto lagi pud ko sa akong nadungog." Ang uban misupak: "Saba diha uy, wa lang seguro ka kapangatoli."
Ang Judge nakatulog diay taliwala sa kaguliyang nga nahitabo sulod sa iyang hukmanan. "Naunsa man diay ni?"
Si Rose maoy mitubag: "Katulog ug balik, Judge."
Wala motubag si Judge ug misandig pagbalik sa iyang gilingkoran.
Miabot si Paul nga espoting kaayo.
"Kinsa man na sya?"
"Mao nay bana ni Rose."
"Ah mao ba." "Maayo nuon kay nahiabot sya."
"Rose," sangpit ni Paul sa iyang kapikas sa kinabuhi, "manguli na ta kay gikapoy na ko ug panglaba ug way tawo sa balay. Kalimti ning kasoha. Ngano ba diay pud ug dili nila dunggon atong consumisyon for reconsideration di man magsuol atong tiyan."
"Hala, tana, tana, tana, uli na ta."
Miliraw ang mga mata ni Paul: "Yuna pa, asa naman tong imong cellphone? Basin gikawat na pud to - kawaton gani cellphone sulod sa simbahan!"
"Naa ra to diha sulod sa shoulder bag. Kadyot lang gud, Paul, humanon sa gud nato ning kasoha."
Wala nalang pud motingog si Paul. (As usual...)
Dihay kahilom nga mituok sulod sa sala ni RTC Judge Kumander Vargas.
Sa kalit lang, naabli pag-usab ang pultahan ug nahapunting ang mga mata sa mga tawo niadtong batan-ong babaye nga nagduko, nagbakho, naghinay sa paglakaw, ug naa syay gibitbit nga papel, ug iya kining gitunol sa Judge, ug human niya ug tunol sa papel, nagdali siyang mibiya sa maong lugar nga walay bisan usa ka pulong nga nalibkas sa iyang dugam-is nga mga ngabil.
"Kinsa diay to siya?" nakisayod na sab ang mga usosero ug usosera.
"Di ba mao to siya nagpa-advertise sa Bohol Chronicle nga ibaligya niya iyang uterus?"
"Bitaw no, murag mao bitaw to siya."
"Mao gyud."
"Ngano kaha nga nagbakho man to siya ug way tingog-tingog." "Oi, oi, manghilom na ta, namata na pud ang Judge."
"Humana ba ang pagbasa sa hukom?" sagol panghimuta nga misukna ang Judge. Mitindog ang Judge: "Oh, sige, ako nalay basa sa hukom ning Motion for Reconsideration."
Human sa makuting imbestigasyon ug human sa makuting pagpanukiduki ug human naladlad ang mga ebidensya ning mabuot nga hukmanan ug human sa gihikay nga pakisayod gikan sa nagpakabanang mga katawhan ug human sa paghipos sa uban pang mga dokumento nga may kahilambigitan ning maong "motion for reconsideration" ug human sa pagtuon ug pag-utingkay sa tanang bangag ug buho sa mga papeles nga giduso sa mga nagtukaw nga husgado, kining maong "motion for reconsideration" nga gisang-at ni Rose ning talahurong hukmanan, napamatud-an nga ................................... (music, maestro....)
nga ibalhin ang "Sexual ug Marital Problems" ngadto sa "Tubag Warm-up" section." Dihay nadungog nga mga fireworks nga milugapak gawas sa Hall of Justice.
"Hala, pamauli namo," matod sa Judge, "kay magkutaw pa ko ug kape."
Namauli na ang mga tawo ug ang mga empleyado sa RTC Branch 911, apan didto sa suok sa maong lawak hukmanan, matam-is nga nag-inukobay ug nagpinang-itay si Rose ug Paul....
------------------------------------------------
"Hala, pagnga na nang radyo!" "Ikawng bataa ka ha, naa pa ganiy gatas nang imong baba, hilig na ka maminaw anang mga ukob-ukob ug pang-it-pang-it."
"Nanay sab oi."
"Ayawg reklamo, hala, panghugas na ug plato kay ako napud ang maminaw anang radyo."
Kusog ang volume sa radyo...
"Kini Ang Akong Suliran, Kini Ang Akong Suliran...(with background music) ni Doktora, Abogada Lourdes Libres Rosaroso."
"Mga higala, atong saw-an karong hapona kining sulat-tampo suliran sa usa ka Bol-anon nga wa na kasabot sa pamati sa iyang lawas, ug kini siya gikan diay sa lungsod sa Ubay, lalawigan sa Bohol, akong lalawigan, ug
taguon ta lang ang iyang pangalan ug hinganlan nato siya ug
Maricel............."
The EndLinkback:
https://tubagbohol.mikeligalig.com/index.php?topic=1123.0