Nagmahay
Si Mary Grace, dihang gihinabi sud sa selda, nagsulti nga nagmahay siya nga wa niya gibadlong ang bana.
"Ako gyud dawaton ang silot kay wala man gyud nako siya gipugngan," pahayag sa inahan.
Dihang gipangutana kung tinuod nga gibasa sa suspek ang bata og tubig aron ingnon nga nalumos, si Mary Grace nagsulti nga di kini tinuod.
"Nabasa lang siya sa singot kay gisulod man sa sako," depensa sa inahan.
Ang kamagulangan nga anak nagsulti sa pulis nga di molaban kanila ang iyang inahan tungod kay dako ang gugma sa iyang bana.
Itunol sa CSSDO
Ang kamagwangan nga anak ni Mary Grace uban ang mga ig-agaw nga saksi sa hitabo gitakdang itunol sa City Social Services and Development Office (CSSDO).
"Ang CSSDO na ang mag-assess kung asa sila ibutang," sulti sa opisyal sa Women and Children Protection Desk.
Ang opisyal nagkanayon nga sayo sa buntag ila nang gikuha ang testimonya sa mga bata aron maapil sa pagpasaka og kaso sa korte niadtong Huybes, Agosto 25.
Corporal punishment
Ang nahitabo sa biktima maoy usa sa dautang epekto sa corporal punishment nga paagi sa pagdisiplina nga mopasakit sa bata, sukwahi sa positive discipline nga giduso karon sa mga child rights advocates.
Suma sa 2011 study nga gihimo sa Pulse Asia, 67 porsiyento sa mga ginikanan migamit sa pisikal nga pagsilot sa mga bata, 83 porsiyento sa mga ginikanan nakasinati og pagpasakit sa ginikanan sa gamay pa silang bata, 41 porsiyento ang mosuporta sa balaod nga nagdili sa pagpasakit sa bata, samtang 21 porsyento ang undecided.
Gipatik sa mantalaang Superbalita Davao Agosto 26, 2016.
Linkback:
https://tubagbohol.mikeligalig.com/index.php?topic=82694.0
Topic: 3-anyos gibunalan gikulata sa ama-ama, gisulod sako sa humay, gilingkoran, patay (Read 1511 times)