MikeLigalig.com

Presscon at Dao Diamond Hotel in Tagbilaran City, Bohol

2018 News File: Bisan pa og mahimo na sa Bohol nga si-akon ngadto na sa upat ngadto sa lima ka distrito gikan sa kasamtangan nga tulo, kinahanglan pa gihapon kining ikonsulta sa katawhan.

Kini maoy piho nga tubag ni kanhi tsirman sa komitiba sa senado sa Local Government, Ferdinand Bongbong Marcos, isip tubag dihang gigkuha ang iyang hunahuna sa posible nga pagdugang sa Congressional Districts sa Bohol.

Sa usa ka Press Conference didto sa Dao Diamond Hotel Mayo 1, gibutyag ni Marcos, kinsa bag-o lang mipahural sa mga nagpasakop sa Nacionalista Party, nga 250,000 ra ang gikinahanglan aron makamugna og usa ka distrito.

Kasamtangan nga naa na sa dul-an sa usa ka milyon ug 300,000 ka Bol-anon, sumala sa labing bag-ong opisyal nga census sa Philippine Statistics Authority.

Sa kasamtangan, aduna lamay tulo ka Congressional Districts and Bohol, bisan pa nga mahimo na dayon kini sa upat ka distrito.

Apan, gipahinumdom ni Marcos, segun sa ilang sumbanan alang niini, simple lamang.

Kadtong mga Distrito nga maapektohan sa pagsi-ak, lakip na kadtong kasamtangang Kongresista nga apektado, kinahangalang makonsulta.

Ikonsulta usab kini sa kinatibuk-ang Local Government Unit nga inahan sa gisi-akan nga distrito og kon mosugot ang katawhan, ang Kongresista, ug ang lokal nga mga opisyales sa lalawigan, sayon ra kini himoon.

Apan, kinahanglang maapil gayud ang katawhan nga apektado sa pakighinabi-an sa gitawag og redistricting consultation, dayag ni Marcos.   

Gidugang sa kanhi senador kinsa midagan pagka bise Presidente ug kasamtangang miprotesta sa iyang gituohang panikas nga maoy kina-ingnan sa iyang kapildehan, nga maapektohan ang kinatibuk-ang lalawigan sa pagsi-ak.
 
Sa kabahin sa pagsi-ak aron pun-an ang distrito sa Bohol, matud ni Marcos nga mahimong apektado ang LGUs dala sa mas daghan na nga Priority Development Assistance Funds.

Gawas pa, mahimo nga apektado usab ang bahinan sa Internal Revenue Allotment, ang pagkatibulaag unya sa mga lungsod, segun pas mga tigpaniid.

Ang Senate Committee on Local Governments, wala pa usab mag estrikto sa 250,00 nga populasyon alang sa usa ka distrito, padayong gipamulong ni Marcos.

Sa kanunay, naa lang gihapon ang desisyon sa lokal nga mga opisyales, sa mga katawhan kon ila ba nga subayon ang minimum nga 250 mil o magsugod  na bag lain pa nga distrito.

Gilikayan usab sa pagsiak sa mga distrito, ang gikahadlokan nga gerrymandering: usa ka lakang sa pag-usab sa mga politikanhong utlanan sa mga distrito aron paghatag og bentaha sa usa ka partido, o paghatag og disbentaha nga moresulta sa pagka-alkanse sa usa ka bahan. (rahc/PIA-7/Bohol)

Best Website Host: www.bluehost.com



Linkback: https://tubagbohol.mikeligalig.com/index.php?topic=120889.0