veryhot_post - Kisaw-kisaw sa Politika - Corella - Bohol Author Topic: Kisaw-kisaw sa Politika  (Read 18015 times)

fdaray

  • LUMINARY
  • ***
  • avatar_900_1362291239 - Kisaw-kisaw sa Politika - Corella - Bohol
  • Posts: 5038
  • medal1 - Kisaw-kisaw sa Politika - Corella - Bohol
  • In my twilight days..... I shine still shine..
    • Share Post
xx - Kisaw-kisaw sa Politika - Corella - Bohol
Re: Kisaw-kisaw sa Politika
« Reply #20 on: October 22, 2009, 09:08:38 AM »
brad, ambrosio, asa ka karon, naa ka sa ato. Wa pay mga hungihong kon kinsay modagan pagka mayor?
 
Bolando - Daquipil, maayo  sad ni nga fight.
Life is what you make.
Kon naa kay gisoksok, naa kay makuot.

http://feldarblogspotcom.blogspot.com/
http://darayagrifacts.blogspot.com/

ambrosio hugo tubigbahand

  • STUDENT
  • *
  • Posts: 81
    • Share Post
xx - Kisaw-kisaw sa Politika - Corella - Bohol
Re: Kisaw-kisaw sa Politika
« Reply #21 on: October 22, 2009, 10:07:38 AM »
Bahin ni Bolando-Daquipil nga imong pangutana, ang tao ang maoy mohusga ani.
kabahin ni Bolando, gipa-believe gayud ta niya adtong panahon ni diktador Marcos. isip nagpabilin ng opposisyon nga mayor adtong panahona, usa ka dakung garbo para kanatong corellahanon-kay wala siya mapalit sa salapi,gahum ug mga kabtangan.Mi-longtad gayud siya sa mga harrassment nga gihimo sa pananhong Marcos. pero ang iyang pagka, determinado ug pagka prinsipyo nga pagtawo- gisulayan gayud kay mi-dapig man siya ni Mr. Rapal, sa unang mga pini-liay-kontra man siya sa pamuno-an ni Rapal o ni Tocmo, pero ngano man adtong katapusang election mi-alyansa man siya sa kampo ni Rapal. Unsa may iyang motivo? unsa may iyang maga-nansiya? unsa may iayng tumong ug tinguha.Kay sa englis pa "He who is not with me is against me." Luke 9:50 "He that is not against you if for you" o sa gi-ingogn ni Ninoy "a pact with the devil is no pact at all". Kung duna siya, putli ug limpiyo nga tinguha,nganong wala man siya mobarog ug MUBABAg sa pagpasa sa resolusyon kabahin sa ikaduhang kontrata sa tubig.Nganong wala man siya motuki o mosusi ni-ini, Ilabi na nga usa siya ka abogado-dunay kasinati-an sa mga kontrata,resolusyon ug mga bala-od kabahin ni-ini.Dili ba kaha kay legal counsel man siya ni Rapal-unya mao nga iya kining gi-konsinte? Kinahanglan gayud manubag si Atty. Bolando aning parteha, kung duna siya nawong nga magpapili,unsa may iyang I-SAAD kanatong mga Corellahahnon kabahin sa atong tubig.(padayonon)

bol-anon nga cebuano

  • DIPLOMAT
  • LUMINARY
  • *****
  • avatar_1156 - Kisaw-kisaw sa Politika - Corella - Bohol
  • Posts: 6773
  • medal1 - Kisaw-kisaw sa Politika - Corella - Bohol
  • in true friendship, forgetfulness has no place...
    • Share Post
xx - Kisaw-kisaw sa Politika - Corella - Bohol
Re: Kisaw-kisaw sa Politika
« Reply #22 on: October 23, 2009, 12:38:04 AM »
grabe jud diay nang issue sa tubig sa corella no? murag wala man koy nadunggan balita sa corella bahin ana.
"The difference between a smart person and a wise person is that a smart person knows what to say and a wise person knows whether or not to say it."

Lazada.com.ph Search ProductsBooking.com Hotel Search | SitemapRSS Feeds

ambrosio hugo tubigbahand

  • STUDENT
  • *
  • Posts: 81
    • Share Post
xx - Kisaw-kisaw sa Politika - Corella - Bohol
Re: Kisaw-kisaw sa Politika
« Reply #23 on: October 23, 2009, 04:31:40 AM »
usahay dili man ka makadungog sa mga balita o kakulian ilabi kung dili ka interesado.o ilabi na kung bungol ta sa kamatu-oran.

bol-anon nga cebuano

  • DIPLOMAT
  • LUMINARY
  • *****
  • avatar_1156 - Kisaw-kisaw sa Politika - Corella - Bohol
  • Posts: 6773
  • medal1 - Kisaw-kisaw sa Politika - Corella - Bohol
  • in true friendship, forgetfulness has no place...
    • Share Post
xx - Kisaw-kisaw sa Politika - Corella - Bohol
Re: Kisaw-kisaw sa Politika
« Reply #24 on: October 23, 2009, 04:33:46 AM »
Quote from: bol-anon nga cebuano on Yesterday at 11:38:04 PM
grabe jud diay nang issue sa tubig sa corella no? murag wala man koy nadunggan balita sa corella bahin ana.
syensya na bossing ha pero silingan ra ta ug lungsod. naa sad koy mga paryente nga taga inyo pero wala may kisaw sila. basin nagpakahilom lang or nagpabungol bungol lang bahin aning issue sa inyong tubig.

ambrosio hugo tubigbahand

  • STUDENT
  • *
  • Posts: 81
    • Share Post
xx - Kisaw-kisaw sa Politika - Corella - Bohol
Re: Kisaw-kisaw sa Politika
« Reply #25 on: October 23, 2009, 04:59:09 AM »
Bahin ni Bolando-Daquipil nga imong pangutana, ang tao ang maoy mohusga ani.
kabahin ni Bolando, gipa-believe gayud ta niya adtong panahon ni diktador Marcos. isip nagpabilin ng opposisyon nga mayor adtong panahona, usa ka dakung garbo para kanatong corellahanon-kay wala siya mapalit sa salapi,gahum ug mga kabtangan.Mi-longtad gayud siya sa mga harrassment nga gihimo sa pananhong Marcos. pero ang iyang pagka, determinado ug pagka prinsipyo nga pagtawo- gisulayan gayud kay mi-dapig man siya ni Mr. Rapal, sa unang mga pini-liay-kontra man siya sa pamuno-an ni Rapal o ni Tocmo, pero ngano man adtong katapusang election mi-alyansa man siya sa kampo ni Rapal. Unsa may iyang motivo? unsa may iyang maga-nansiya? unsa may iayng tumong ug tinguha.Kay sa englis pa "He who is not with me is against me." Luke 9:50 "He that is not against you if for you" o sa gi-ingogn ni Ninoy "a pact with the devil is no pact at all". Kung duna siya, putli ug limpiyo nga tinguha,nganong wala man siya mobarog ug MUBABAg sa pagpasa sa resolusyon kabahin sa ikaduhang kontrata sa tubig.Nganong wala man siya motuki o mosusi ni-ini, Ilabi na nga usa siya ka abogado-dunay kasinati-an sa mga kontrata,resolusyon ug mga bala-od kabahin ni-ini.Dili ba kaha kay legal counsel man siya ni Rapal-unya mao nga iya kining gi-konsinte? Kinahanglan gayud manubag si Atty. Bolando aning parteha, kung duna siya nawong nga magpapili,unsa may iyang I-SAAD kanatong mga Corellahahnon kabahin sa atong tubig.(padayonon)


Kabahin Ni Daquipil (Billy?) Usa siya sa mi-witness the kasabutan sa kontrata bahin sa tubig sa administrasyon ni  Mr. Rapal, isip usa ka piniling opisyal sa atong lungsod, dunay siyay'y responsibilidad nga protektohan ang atong lungsod.Kay sila man ang atong gitugyanan isip piniliing opisyal nga mo-representar kanato ilabi aning dakung kalambu-an kabahin sa tubig. Apan, milugak gayud siya. Asa man ang iyang baruganan, asa man ang iyang prinsipyo, asa man ang iyang pakibaka alang kanatong mga corellahanon.Sa panahon ni tocmo adto siya, sa panahon ni rapal adto pud siya, karon kay wala na man siyay ma-adto-an asa na man kaha siya?

Kitang mga lungsuranon ang giduwa-duwa-an aning mga tawhana,dali lang pagbalhin-balhin sa mga partido para sa ilang kaugalingon nga mga interes.Usa lamang ang tumong mao nga makarga sa bando aron maka-seguro nga mapili sa eleksiyon.
Kay unta dili kinahanglan ang partido para ikaw mapili, kung dili ang imong maaayong tumong ug tinguha ug mahadlukon sa gino-o.dili mapagsamantala,dili mangilad ,garboso,arogante ug ilabi dili mangilad o  mangawat sa kaban.

ang mga tawo nga magpapili ilabi na ang magpapili ug utro sa sunod nga pinili-ay. Ang atong pangutana kanila, duna ba sa silay maayong programa para sa atong lungsod, duna ba sila nawong nga ipakita pa para sa atong lungsod. Ug ilabi na, unsa may ilang posisyon kabahin sa tubig sa Corella. Kay kung wala na, kay kung modawat na lang sila ug limpyo-unta dili na angay silang mopakita pa ug motibo para magpapili.Kay kini usa ka dakung sala nga mortal sa mata sa Gino-o ug sa mata sa tawo
.[/size]
sa panultihon pa sa latin  "beneficium accipere libertatem est vendere" To accept a favour is to sell one's freedom

ambrosio hugo tubigbahand

  • STUDENT
  • *
  • Posts: 81
    • Share Post
xx - Kisaw-kisaw sa Politika - Corella - Bohol
Re: Kisaw-kisaw sa Politika
« Reply #26 on: October 23, 2009, 06:31:37 AM »
ANG TUBIG SA CORELLA
(25 CENTAVOS SA 25 KA TUIG[/b])

Nasayud ka ba sa mga nahitabo sa atong lungsod? Nagpakabana ka ba sa imong mga nasayran? Nagtuki ka ba sa mga butang nga adunay kalabutan ug makaapekto sa atong lungsod?

Nan, mao kini ang mga hitabo sa nanglabay nang mga adlaw, kabahin sa tubig sa Corella nga gidala ngadto sa syudad sa Tagbilaran ug uban pang silingan natong kalungsuran:

1)   Agosto 9, 2004, nagpasar ug usa ka Resolusyon ang Sangguniang Bayan sa Corella (Mun. Res. No. 30-04) nga naga-hatag ug awtoridad o pagtugot kang Mayor Vito Rapal nga mopirma ug kontrata o Memorandum of Agreement  (MOA) uban sa Bohol Water Utilities, Inc. (BWUI) nga magtugot niini sa pagkuha ug tubig gikan sa lungsod sa Corella paingon sa reservoir sa BWUI didto sa syudad sa Tagbilaran.

Ang resulta sa botohan didto sa Sangguniang Bayan, para sa pag-apruba sa Resolusyon nga magtugot sa BWUI sa pagsuyop ug tubig gikan sa atong kayutaan, mao kini:

YES VOTES (Uyon)                                   NO VOTES (supak)
1. KAG. BOYEE LUMAIN                        1. KAG. DODONG TOCMO, ABC
2. KAG. TEO EJERA                                  2. KAG. ALEX SALANG
3. KAG. PAUL LOGARTA                        3. KAG. DEOGENES BUAGAS
4. KAG. MARISON DAQUIO    
5. KAG. LOLONG ADO                           4. KAG. PATRING CURSO

Ang mga wala makaboto: 1. Vice-Mayor Billy Daquipil, Presiding Officer
2.   Kag. Deo Tajantajan, absent

Sa boto nga lima(5) ka ning uyon kontra upat (4) ka ning supak, midaug ang mayoriya sa SB, maoy hinungdan nga ang atong tubig sa lungsod sa Corella gidala ngadto sa reservoir sa BWUI didto sa Tagbilaran.

2) Setyembre 2004, pinasikad sa maong Resolusyon, mipirma si Mayor Vito Rapal ug kontrata o MOA tali sa lungsod sa Corella ug BWUI, nga girepresentahan usab ni Mr. Hamelito Quiokeles. Ang maong kontrata o MOA maghatag ug katungod sa BWUI sa pagsuyop sa tubig nga nahisakop sa atong mga kayutaan ug pagadalhon ngadto sa ilang reservoir.
3) Gumikan sa panagsabot ni Mayor Rapal ug Mr.Quiokeles namugna kining mga detalye o Unod sa kontrata o MOA, diin kitang mga lungsuranon maoy direktang naapektuhan:

a) Matag bulan, libre ang lungsod sa Corella ug 15,000 cubic meters sa tubig nga gikan sa mga pumping units sa BWUI nga nahimutang sulod sa atong teritoryo.

b). matag metro cubico sa tubig nga masuyop sa BWUI gikan sa atong kayutaan, pagapaliton nila kini gikan kanato sa kantidad nga biente singko (P 0.25) centavos.
c). apan, kung kita mopalit ug tubig gikan sa reservoir sa BWUI pagapaliton nato kini kanila, sa kantidad nga otso (P8.00) pesos matag metro cubico.

d) gipangayo usab sa maong kontrata ang pagsugot kanunay sa lungsod sa Corella, sa panahon nga magdugang ug tukod ug mga pumping units ang BWUI dinhi sa atong lungsod.

e) Ang gidugayon sa kasabutan o mga probisyon sa MOA ipatuman sulod sa biente singko (25) ka tuig o hangtud sa tuig 2028. dugang pa, puwede pa kining ipalawig ug lain pang biente singko (25) ka tuig o hangtud sa tuig 2053.

KOMENTARYO:
“ ANG LUNGSOD NGA NAGPAKABANA MAOY MAKAPALIG-ON SA ATONG DEMOKRASYA, APAN, ANG LUNGSOD NGA MAPASAGARON MAOY MAKAPAPUKAN NIINI”

Kaming mga kauban sa ASSOCIATION OF CONCERNED CORELLAHANON (ACC), nabalaka ug daku gumikan niining mga hitabo sa atong lungsod, kabahin sa tubig nga gikuha gikan sa atong mga kayutaan, nga gidala ngadto sa syudad sa Tagbilaran.
Kining mga mosunod, mao kini ang mga butang nga nagahatag kanamo ug KALIBOG, PAGKA DISMAYA, KASUKO UG MGA PAGDUDA  sa KAKAYAHAN ug MOTIBO sa mga hingtungdang opisyales:

Ang Resolusyon sa Sangguniang Bayan:

Una, aduna kami namatikdan nga iregularidad sa proseso sa pagpasar sa maong resolusyon, base sa among nabasa diha sa minutes sa session sa SB niadtong Agosto 9, 2004, diin mao kinin ang adlaw kung kanus-a gi-aprubahan sa SB ang resolusyon nga nagahatag kang Mayor Rapal ug katungod sa pagpirma sa kontrata o MOA.

Nakita namo nga GIDALI-DALI O GI-RATSADA O GIPASPASAN ang pag-apruba sa maong resolusyon, gumikan kay sa among nahisayran, ang usa ka balaod –non sa dili pa mahimong usa ka Municipal Resolusyon dapat moagi kini sa tulo ka pagbasa; First, Second ug third and Final reading.

SA AMONG PANGUTANA: unsa kahay nagtulak ug nakapa-aghat sa mayoriya nga mga miyembro sa SB nga ila mang gi-dali-dali ang pagpasar sa maong resolusyon, nga kini unta daku man kayo nga hisgotanan, tungod kay dunay dakung kalambigitan ang mga katawhan sa atong lungsod sa Corella?

Nganong wala man sila maghimo ug mga konsultasyon o pagpananghid sa katawhan saw ala pa nila tuguti ang BWUI nga magkuhag tubig sa atong lungsod?

Sa ilang pagpasar sa maong resolusyon, nganong wala man sila  maghimo daan ug mga lakang aron ma-proteksyonan ang interes sa atong lungsod, ug aron dili kini maabusaran sa Mayor inig pakigsabot niya sa BWUI.

Dinhing dapita nagkulang ang mga konsehal nga mibotar ug YES,sa ilang katungdanan sa pagpanalipud sa atong interes. Wala nila malantaw daan, o kaha kulang ang ilang kahibalo ug kakayahan nga mangagpas kung unsay mga implikasyon sa ilang mga desisyon.

ANG MOA:
Dili gayud namo ikatago ang among pagka dismaya kang Mayor Rapal nga maoy mipirma ug nag-apruba sa MOA, tungod kay among nakita nga hapit ang tanang probisyon sa MOA pabor kini sa BWUI. Kulang-kulang n lang hasta ang atong lungsod ibaligya ug apil aning kontrataha.

UNA, nganong misugot man ang Mayor nga hatagan lang ta ug 15,000 cubic meters  nga libreng tubig kada bulan? Dili ba diay unta kita ang magdiktar  ngadto sa BWUI kung pila ra ang atong ipaambit kanila tungod kay kita man ang tag-iya sa maong tubig?

IKADUHA, nganong tag biente singko centavos (P0.25) ra man matag metro cubico ang atong baligya sa tubig ngadto sa BWUI, pero kung kita ang mopalit ug tubig gikan sa BWUI pagabayran man nato kini sa kantidad nga otso (P8.00) pesos matag metro cubico? GIUNSA MAN NIMO NI PAGKWENTA MAYOR RAPAL?

Ang konsumo sa tubig sa tibuok lungsod matag bulan milapas na ug 15,000 metro cubico. Sa laktud nga pagka sulti, mopalit na kita ug tubig gikan sa BWUI nag tag P8.00 pesos matag metro cubico. Mao rang tubiga nga una natong gibaligya ngadto kanila sa kantidad nga P0.25 centavos. NA-UNSA NA MAN NING PAGKABUTANGA MAYOR RAPAL? GILUTO RA KAMI SA AMONG KAUGALINGONG MANTIKA!

Kung atong ikumpara sa MOA sa ubang lungsod, ang DAUIS tigapliatn ug tubig gikan sa reservoir sa BWUI sa presyo nga tag P6.00 pesos lang matag metro cubico. Gani, walay pumping units ang BWUI nga nahimutang didto. Pero kita hinuon nga maoy tag-iya sa tubig, unya naa pa dinhi ang mga pumping units sa BWUI, mopalit na hinuon sa kantidad nga P8.00 pesos matag metro cubico?

IKATULO, nganong wala my probisyon sa MOA nga nag-limit sa gidaghanon  sa tubig nga pwedeng suyopon sa BWUI gikansa atong kayutaan? Dili madugay moabot ang adlaw nga hasta kita wala nay masuyop nga tubig para sa atong kaugalingong panginahanglanon. Asa man ta mopalit ug tubig anang panahona? Sa Dauis ba kay mas barato?

IKAUPAT, nganong misugot man ang Mayor nga pagalakipan ug probisyon ang MOA nga ang lungsod sa Corella adunay pagsugot kanunay kung magdugang ug tukod ang BWUI ug mga pumping units sa atong teritoryo.
Sa umaabot nga adlaw, malukop na unya ang atong lungsod ug mga pumping units nga dili nato panag-iya, mauga ang atong mga kabasakan ug maapektuhan ang atong kinaiyahan. MAYOR, giapil ba nimo ug huna-huna ang kaugmaon sa sunod nga henerasyon? (kung sabagay dili man diay ka puro o lehitimo nga corellahanon, dali kang paghanaw daw aso!!!!!!!!)

IKALIMA, unsay puwersa nga NAGTULAK O NAG-AGHAT KANG  Mayor Rapal sa pag-uyon o pagapruba sa probisyon sa MOA nga naghatag ug katungod sa BWUI sa pagsuyop sa atong tubig sa hataas kayo nga panahon: biente singko (25) ka tuig o hangtud sa tuig 2028 nga puwede pang palawigon ug lain pang biente singko (25) ka tuig o hangtud 2053?
Gilaliman ba kag 25-50 ka tuig? Hadloka naman intawon na!!! Dili na kinahanglan pag mga eksperto aron atong masayran nga nalugi o nabentahaan gayud ang atong lungsod aning kontrataha. Ang balor sa P0.25 centavos sa tuig 2004, parehas pa ba ug balor inig abot sa tuig 2028 o 2053 ba kaha?


IKA UNOM, Mayor Rapal, ug tinuod kang punoan sa atong lungsod, nganong wala man ka mananghid o mokunsolta sa katawhan saw ala pa ka mopirma sa maong kontrata? Nganong wala ka man mosampit ug mangayog tabang o tambag sa mga eksperto aron matimbang nimo ug mayo ang mga detalye sa MOA? Nganong imo mang gipasagdan nga mabentahaan kita sa BWUI nga usa lamang ka pribadong kompaniya?
Sa pagbasa namo sa MOA, dili namo malikayan nga mobati ug KALOOY sa atong lungsod, ug KASUKO ngadto sa mga politico nag amo untang gisaligan nga maoy unang manalipod sa atong mga katungod o interes. Tungod ani, nakapangutana kami sa among kaugalingon, kung gibasa ba gyud ni Mayor Rapal ang sulod sa kontrata saw ala pa kini pirmahi? Ug kon nabasa man niya, nakasabot ba kaha siya kung unsay iyang gibasa? Diin man niya kini pirmahi? Atubangan ba sa atong haring lungsod o atubangan sa mga tawo nga dili sa atong probinsiya?

Paghigugma lamang sa iyang lungsod ang magtulak sa usa ka lider aron siya maga amping kanunay sa iyang mga lihok ug desisyon, nga unta ang interes sa katawhan ang kanunay matuman.
Apan, kung kaugalingong interes sa lider na gain ang mipatigbabaw sa usa ka sitwasyon, unsa kahang butanga ang nagtulak o nakapa-aghat kaniya, nga hasta ang klarong sayop nga desisyon iyaha man ipadayon.

PAGPAKABANA… PALIHUG UG PASA/SABWAG SA UBANG MGA TAGA- CORELLA

ASSOCIATION OF CONCERNED CORELLAHANONS (ACC)

ACCORDING TO A RELIABLE SOURCE, ANG MOA( memorandum of agreement) GIPIRMAHAN  SA SM CEBU.PUWERTENG LAYU-A GAYUD GIKAN SA CORELLA,BOHOL. MAAYO DIDTO KAY BUGNAW UNYA DAGHANG DILI MAKA-ADTO O MAKA-SAKSI SA PAGPIRMAHAY SA MAONG MOA. LABING MAAYO NGA ANG LUNGSOD MAKA-SAKSI SA MAONG PAGPIRMAHAY ARON MALIG-ON ANG PAGSALIG SA MGA TAWO SA ATONG MGA OPISLYALES.

fdaray

  • LUMINARY
  • ***
  • avatar_900_1362291239 - Kisaw-kisaw sa Politika - Corella - Bohol
  • Posts: 5038
  • medal1 - Kisaw-kisaw sa Politika - Corella - Bohol
  • In my twilight days..... I shine still shine..
    • Share Post
xx - Kisaw-kisaw sa Politika - Corella - Bohol
Re: Kisaw-kisaw sa Politika
« Reply #27 on: October 23, 2009, 07:58:28 AM »
brad ambrosio, salamat sa imong pag post diri sa TB sa makatuoran sa issue sa tubig. Hinaot nga masayran sa tanang lungsuranon, mahignata ang mga bag-ong opisyales nga mapili human sa election.

Magpakabana sila ug kitang tanan para sa kalamboan sa Corella.

ambrosio hugo tubigbahand

  • STUDENT
  • *
  • Posts: 81
    • Share Post
xx - Kisaw-kisaw sa Politika - Corella - Bohol
Re: Kisaw-kisaw sa Politika
« Reply #28 on: November 06, 2009, 05:25:35 AM »
aktibo kaayo ang public consultation o public forums sa nga gihimo sa LGU sa Corella kabahin sa pagsaka sa balayronon sa tubig, sumala sa asoy saka-an ug 100% ang balayronon sa tubig sa among lungsod sa Corella.Kini saka-an ug 100% sa kada cubiko sa tubig .
Sa panahon sa kalisud, nganong dako man kaayo ug isaka sa balayronon? Kay matud pa sa asoy ang lungsod sa Corella, dunay utang gikan sa BWUI ug 900,000 pesos plus.Mao na nga mopasaka gayud kuno ang lungsod sa balayronon. Kalo-oy sa atong mga tagi-lungsod,nganong kita may nag-antos ug bayad sa dakung utang nga sa akong gisaysay sa unahan kita mna gayud ang ga-supply ug tubig para sa BWUI. Kini dapat manubag ang mga kagawad sa Corella uban sa Mayor kay sila man ang atong gihatagan ug katungod para i-ugmad ang maong kalambu-an.
Sa uban bang kalihukan, ang lungsod sa Corella mo-loan ug 27 million pesos, ug kini gi-aprobahan na kuno sumala sa asoy.Atu-a na sa Land Bank ang kwarta ni-ini. Ang Katuyu-an ni-ining kwartaha ang 11milyones ipalit ug brand new nga grader ug second nga roller(PISON) ug and 15 milyones i-rehabilitate sa Corella waterworks.
Sumala sa akong gipasaka sa unahan,nganong kinahanglan pa man kita mo-loan para sa atong Corella waterworks.Asa man di-ay ang kita ug abut sa atong tubig.Ang BWUI,milyon-milyon peso ang kantidad sa ilang kita,pero kita utangan pa man gayud kanila.
Kung mo-loan ang corella, asa man usab kitay ibayad ani, nga aduna pa kitay utang sa BWUI nga hapit sa sa 1 milyon, unya dugangan pa ug 27 million.
Ang timing sa pag-loan dili ba kini,  kay hadu-ol na sab ang pili-ay. Dili ba kini gidali-dali nga wala mo-agi sa maayong proseso? Unsa may kaayuhan ang mahatag ni-ini para sa atong lungsod? Dili ba kay kung dunay proyekto o procurement duna sab "grease money",SOP,under the table?
Ang atong lungsod sa Corella, kinahanglan gayud ug ligdong nga mga opisyal,para protektuhan ang atong tagilungsod. Mag-mata na kita!!!

fdaray

  • LUMINARY
  • ***
  • avatar_900_1362291239 - Kisaw-kisaw sa Politika - Corella - Bohol
  • Posts: 5038
  • medal1 - Kisaw-kisaw sa Politika - Corella - Bohol
  • In my twilight days..... I shine still shine..
    • Share Post
xx - Kisaw-kisaw sa Politika - Corella - Bohol
Re: Kisaw-kisaw sa Politika
« Reply #29 on: November 07, 2009, 02:33:42 PM »
Sa akong nahibaloan, ang tubig, wala diay makadugang ug income sa Corella tungod sa dili masabtan nga panghitabo. Hinaot unta nga makapili tag opisyales nga molantaw sa kaayuhan sa atong lungsuranon.

glacier_71

  • DIPLOMAT
  • GURU
  • *****
  • avatar_1608 - Kisaw-kisaw sa Politika - Corella - Bohol
  • Posts: 9926
  • medal1 - Kisaw-kisaw sa Politika - Corella - Bohol
  • i expand and live in the sun like corn and melon
    • Share Post
xx - Kisaw-kisaw sa Politika - Corella - Bohol
Re: Kisaw-kisaw sa Politika
« Reply #30 on: November 08, 2009, 02:26:01 AM »
klaro jud ni nga pagpahimulos sa katigayonan sa lungsod.
Artificial Intelligence is nothing in comparison to Natural Stupidity.

fdaray

  • LUMINARY
  • ***
  • avatar_900_1362291239 - Kisaw-kisaw sa Politika - Corella - Bohol
  • Posts: 5038
  • medal1 - Kisaw-kisaw sa Politika - Corella - Bohol
  • In my twilight days..... I shine still shine..
    • Share Post
xx - Kisaw-kisaw sa Politika - Corella - Bohol
Re: Kisaw-kisaw sa Politika
« Reply #31 on: November 09, 2009, 09:16:07 AM »
Magpaslamat na lang ang taga ciudad sa Tagbilaran sa lungsod sa Corella nga sila ang nakapahimulos ug maayo sa tubig.
Mao ni giingon, "what counts in life is what we give for others ."

glacier_71

  • DIPLOMAT
  • GURU
  • *****
  • avatar_1608 - Kisaw-kisaw sa Politika - Corella - Bohol
  • Posts: 9926
  • medal1 - Kisaw-kisaw sa Politika - Corella - Bohol
  • i expand and live in the sun like corn and melon
    • Share Post
xx - Kisaw-kisaw sa Politika - Corella - Bohol
Re: Kisaw-kisaw sa Politika
« Reply #32 on: November 10, 2009, 01:32:51 AM »
what would be an honorable thing to do is for Tagbilaran to stare beyond the crystalline water in their glasses and realize the injustice flowing through their pipes and their veins

bol-anon nga cebuano

  • DIPLOMAT
  • LUMINARY
  • *****
  • avatar_1156 - Kisaw-kisaw sa Politika - Corella - Bohol
  • Posts: 6773
  • medal1 - Kisaw-kisaw sa Politika - Corella - Bohol
  • in true friendship, forgetfulness has no place...
    • Share Post
xx - Kisaw-kisaw sa Politika - Corella - Bohol
Re: Kisaw-kisaw sa Politika
« Reply #33 on: November 10, 2009, 02:15:21 AM »
unya botar ba ang taga corella ni relampagos pagka congressman nga mao man kaha ang usa sa mga utok aning water deal sa corella?

glacier_71

  • DIPLOMAT
  • GURU
  • *****
  • avatar_1608 - Kisaw-kisaw sa Politika - Corella - Bohol
  • Posts: 9926
  • medal1 - Kisaw-kisaw sa Politika - Corella - Bohol
  • i expand and live in the sun like corn and melon
    • Share Post
xx - Kisaw-kisaw sa Politika - Corella - Bohol
Re: Kisaw-kisaw sa Politika
« Reply #34 on: November 10, 2009, 03:23:24 AM »

anha na ron maila, bnc...tan-awon nato og naa ba juy dulot ning isyuha sa mga tawo

ambrosio hugo tubigbahand

  • STUDENT
  • *
  • Posts: 81
    • Share Post
xx - Kisaw-kisaw sa Politika - Corella - Bohol
Re: Kisaw-kisaw sa Politika
« Reply #35 on: November 10, 2009, 07:02:38 AM »
Wala gyud laing mabasol ni-ining maong hitabo, ang mga tawo nga mipalayo sa resolution aron pirmahan ang (JVA) joint venture agreement tali Sa kanhi Mayor sa corella ug si kanhi Gov. Relampagos, kani tali sa kanhi (PPUD) Provincial Public Utilites Department/division).Tugutan ta nga nahimugso ang unang sayop, klaro gyud ang pagkahidagma.Na-unsa man hinoon nga ang usa ka dakung sayop,gidugangan man ug usa ka dakung sayop.Kini usab pinasikad sa usa ka resolution nga nagahatag ug katungod sa Mayor aron pag-pirma sa bag-ong kasabutan kababin sa tubig. Dili ba kini ang dakung mabasol kay aning puntoha,makahuna-huna na gayud ang mga piniling opsiyal irregularidad/anomaliya sa maong mga contrata.
hinoon dili man lang ang mayor ang mabasol ni-ini,lakip na ang mga myembro sa Konseho(SB) aning mga panahuna.Pero sa pinulungang latin "RESPONDEAT SUPERIOR" ang Mayor gayud ang mnubag ni-ini kay dili man gayud mahinayon ang usa ka kalambu-an kung walay pirma sa Mayor ug testigo.
Sa atong pagtimbang-timbang sa maong sitwasyon walay duda nga duna gayu'y personal or vested interest ang mipaluyo ni-ining hitabo-a.Kini usa ka sala nga mortal batok kanamong mga corellahanon.ang pagpasagad ug pag-ilad sa katawhan maoy mga buhat nga dili mapasaylo sa tibook nga generasyon. Kung nagsalig nga dunay padrino o mitago sa saya sa administrasyon, mo-abot ra gayud ang panahon nga ma-utingkay kining tanan ug manubag gayud ang tanang mga nahi-apil ni-ini.duna ba kini collaboration,conspiracy ug bureaucratic red tape.kay ang aso dili man gayud makum-kom unysa sa pinolungang tagalog "LINTIK LANG ANG WALANG GANTI..."

ambrosio hugo tubigbahand

  • STUDENT
  • *
  • Posts: 81
    • Share Post
xx - Kisaw-kisaw sa Politika - Corella - Bohol
Re: Kisaw-kisaw sa Politika
« Reply #36 on: November 10, 2009, 07:21:30 AM »
Sa tinood Mr Daray, dili gyud ko katugkad sa imong mga prinsipyo ug baruganan.Sa imong pagka-manhid ilabi na nga wa na ka sa Corella,wala gayud kamatu-oran ang imong pagsimpatiya.ang tawo sa atong lungsod sa corella, nagka-lisod. ang ubang mga laki sa Corella,ilabi na sa Canang-caan mibiya na sa panguma kay nag-panday o nag-mason na lang sa naglaing-laing dapit sa bohol aron mabuhi. unya ang imong gi-ingon "what counts inlife is what we give for others". unsa man ang atong ihatag nga kita man gani kuwang, kita man gani utangan, kita man gani ang na-alkanse.
Ang pag-apod-apod dili usa ka babag,kung dili basi sa ka-ayuhan sa tanan" charity begins at home" Mr. Daray. Wala sa atong bokabolaryo nga mga Corellahanon ang pagka-tihik. Ang atong tubig midagan na sa ubang lungsod,lakip na ang syudad sa tagbilaran. Ang among gipangayo mao ang tukma ug ensakto nga royalty fee or equity sharing bahin ni-ining kita sa tubig. Ang nag-antos ang mga tawo sa lungsod sa Corella,ug uban pang-lungsod,ug ang syudad sa Tagbilaran. Pero kinsa man ang nabulahan ni-ini ang BWUI ug ang iyang private counterpart. dili ba unta apil ta sa makatagamtam sa abot ni-ini para atong i-ugmad sa atong lungsod, kay sa mo-loan para i-rehabilitate sa waterworks,magtahag ug tabang sa atong mag-uuma isip livelihood project.
Isip usa ka dakung supporter ni Mr Rapal, ako kang hagiton kung asa man ang imong konsensiya,pagtimbaya ug pag-tan-aw kanamong mga corellahanon. Isip usa ka propesyonal, nagmata ba ka sa mga panghitabo dire. o nalamanohan,napikpikan o nakasakay ba ka bugnaw nga pick-up ug dili ba sa hanoy nga pajero padulong sa Canang-caan?


fdaray

  • LUMINARY
  • ***
  • avatar_900_1362291239 - Kisaw-kisaw sa Politika - Corella - Bohol
  • Posts: 5038
  • medal1 - Kisaw-kisaw sa Politika - Corella - Bohol
  • In my twilight days..... I shine still shine..
    • Share Post
xx - Kisaw-kisaw sa Politika - Corella - Bohol
Re: Kisaw-kisaw sa Politika
« Reply #37 on: December 02, 2009, 09:41:12 AM »
Diha sa Corella , Tocmo against Bolando. Very good match, for the second time.

fdaray

  • LUMINARY
  • ***
  • avatar_900_1362291239 - Kisaw-kisaw sa Politika - Corella - Bohol
  • Posts: 5038
  • medal1 - Kisaw-kisaw sa Politika - Corella - Bohol
  • In my twilight days..... I shine still shine..
    • Share Post
xx - Kisaw-kisaw sa Politika - Corella - Bohol
Re: Kisaw-kisaw sa Politika
« Reply #38 on: January 29, 2010, 07:29:22 PM »
Kining nahitabo sa Corella water system, wala usa nga mabasol , tungod kay nauyonan man sa mga opisyales sa Corella sa legal nga pamaagi.

Tinuod na Brad nga ang mga batan-on karon dili na hilig sa panguma. Tungod ba kaha sa atong abnormal weather condition, nga panahon sa tingbasak igo rang makatanom ug unya moinit ug nangliki ang mga basakan. Didto na lang sila nanarbaho sa Tagbilaran ug karon kadaghanan mga skilled laborer na sila. Wala sila nagkalisod-lisod kay kugi nangitag tarbaho.

Tinuod na Brad nga segi kog sakay sa service Ni Mayor Rapal. Lisod man balibaran kon nahiagian ka nga nagbagtas unya abnihon ka nga mosakay sa iyang service.

Magpasalamat kita nga nakahatag ta ug dakong bahandi didto sa Tagbilaran City, ang atong tubig.  Sulod sa 20 ka tuid nga kontrata sa BWUI,  dili man tingali mahurot ang tubig. Kon dili man gani ma retract ang maong kontrata sa sunod nga mga opisyales,paabuton na lang nato ang 20 ka tuig.

Ang atong lungsod sa Corella nahimo na karon nga virgin forest. Daghan nang onggoy diri sa Canangcaan didto dapit sa boundary sa Sikatuna ug Balilihan.  

Wala nay nagbaol diha sa among dapit aron tamnan ug ubi. Ang ilang gipananom gemilina kay usa man sad ni nga programa sa DENR. Natinuod gyud ang gi slogan ni DEPEd Secretary Ricardo T. Gloria," Plant trees and bring back the birds." Daghan nang tarseir diha sa Corella, ug uban pang mga langgam.

Komusta diha sa tanang Canangcaanon, si Hon. Vito Rapal ug si Hon. Dodofredo Ado nga akong duol nga silingan.







ambrosio tubigbahandi

  • STUDENT
  • *
  • Posts: 1
    • Share Post
xx - Kisaw-kisaw sa Politika - Corella - Bohol
Re: Kisaw-kisaw sa Politika
« Reply #39 on: January 30, 2010, 05:19:05 AM »
morag dili man seguro maayo kung walay manubag ug walay mabasol sa maong kapalpakan mr. daray. ang ato unta nga i-promote mao and good governance. ato man hino-on gi-konsinte ang ilang mga sayop. labi na dili lang sa corella nahitabo, kung dili halos sa tanang lugar sa atong nasud. unsaon man nato pag-asenso, kung dili nato buyagon ang mga dautang buhat. kahibalo ta sa graft and corruption,bribery, bureacratic red tapes, injustice, ug uban pa.

kining nahitabo gayud sa tubig sa corella, it is purely politically motivated. ang nagdula diha mao ang "tyranny of number" sa sangguniang bayan. unta ang atong napili maoy mobarug para sa kaayuhan sa atong lungsod, nagpadala gayud sa tingog sa ilang gitoho-an nga partido. sayod sila nga depektoso ang maong kontrata, sayud sila nga alkanse ang corella, sayud sila nga pabor sa BWUI ang maong kontrata. Sa usa ka deliberasyon kabahin sa kontrata sa tubig, mopabor pa man hinoon si mr. rapal ug iyang mga alyado sa BWUI kaysa parte sa Corella.Walay igong feasibility studies nga gihimo ang corella, kabahin ni-ini, ang epekto sa atong kayuta-an sa sigig sop-sop sa tubig; ang tubig usa sa mga exhaustible resources, dili nato mahibalo-an kung unsa ka daghan ang tubig nga ana-a sa lungsod. kung ugaling, mahurot na kini, duna ba kitay igo nga pondo, para mo-finance sa bag-ong drilling; duna ba kitay contingency plan kung mo-abot kanang panahona.kay sa pagkakaron daku kaayo ang utang sa lungsod sa Corella sa BWUI. Kini, nga punto, nganong dili man nato sila mabasol, sa imong ubos nga huna-huna,kita mao ang nagsupply sa tubig; kita mao ang legitimate source,nganong kita pa man hinoon ang utangan sa atong gi-supplyan. Dili ba kini dakung kapakyasan sa mga tawo nga atong gitoho-an aron pag-ugmad sa mga grasya sa kina-iyahan.ang BWUI milyon-milyon ang ilang kita,pero ang lungsod sa Corella daku ang deficit. Kinsa may mobayad ni-ini, maayo unta ug ang tibook Konseho sa corella ang mamayad ni-ini. Ngani ang uban nga mga kagawad diha,dili man gani maka-uli sa mga hog-hog. Ang lungsod gihapon ang mag-antos. dugangan pa kini sa 27 milyones nga loan, unsaon na lang kini.
Mr. daray, sa imong pag-tanaw kinsa may mabasol ni-ini. kita ba nga mipili ug mito-o sa panahon sa pinili-ay nga sila mohatag kanato ug maayong serbisyo para sa katawhan, nga dili lamang ang ilang kaugalingon kung dili ang haring lungsod O ang mga napiling opisyal nga nagpasagad aron kita mabentaha-an,ma-alkanse ug malubog sa utang.

ang tubig sa corella, dili pribado nga butang o resources.ang konseho sa corella, maoy gihatagan nato ug katungod sa pagpanalipod sa iyang bili. tinood nakahatag ta ug tubig sa tagbilaran , pero dili ba manos lang  kung maningil usab ta nila sa kompanya nga nag-supply sa moang tubig sa ensakto nga kantidad.



Share via facebook Share via linkedin Share via pinterest Share via reddit Share via twitter
 

Latest Topics

Sakit nga kamatayon by MIKELIGALIG.com
[Today at 08:29:53 PM]


Manny Pacquiao born in Kibawe, Bukidnon by MIKELIGALIG.com
[Today at 05:50:51 PM]


Like father, like son by hubag bohol
[Today at 03:35:55 PM]


Yogabilangkad by hubag bohol
[Today at 03:21:43 PM]


Pure joy by hubag bohol
[Today at 03:17:50 PM]


Belat by hubag bohol
[Today at 03:16:37 PM]


Catzilla by hubag bohol
[Today at 03:15:18 PM]


Life on the edge by hubag bohol
[Today at 03:12:16 PM]


Mount Matutum, South Cotabato by hubag bohol
[Today at 03:09:06 PM]


Phoebus Amusement Park by MIKELIGALIG.com
[Today at 07:37:37 AM]

SMF spam blocked by CleanTalk
Powered by SMFPacks SEO Pro Mod | Sitemap
Mobile View
SimplePortal 2.3.7 © 2008-2019, SimplePortal