MikeLigalig.com

ORGANISADO AT MABILIS NA ROLLOUT VACCINATION PARA SA FRONTLINERS

Press Release: Alinsunod sa programang isinusulong ni Department of Transportation (DOTr) Secretary Art Tugade  na mabigyang prayoridad sa pagbabakuna kontra COVID-19 ang mga transport frontliners ng kagawaran, nagsagawa ng Roll-out Vaccination Program para sa mga staff na miembro ng One Stop Shop for the Management of Returning Overseas Filipinos (OSS-MROF) ngayon araw, ika- 02 ng Hunyo 2021.

“Maituturing nating bayani ang ating mga transport frontliner, dahil mula umpisa ng pandemya, at kahit na may banta sa kanilang kalusugan, sila ay walang takot na sumasalubong at nag-aasikaso ng mga pangangailangan ng ating mga kababayang bumabalik sa bansa hanggang sila ay makarating sa quarantine facility. Nararapat lamang na bigyang prayoridad natin ang proteksyon nila, dahil una nilang ginawang prayoridad ang kapakanan at kaligtasan ng mga kababayan nating sineserbisyuhan nila,” diin ni Secretary Art Tugade.

Sa pamumuno ni OSS Head and Office for Transportation Security (OTS) Administrator Undersecretary Raul Del Rosario, sinimulan ng maayos at organisado ang roll-out vaccination  program mula sa iba't-ibang terminal ng NAIA (T1, T2, T3) para sa first dose COVID-19 vaccine ng mga OSS frontliners.

"Itong vaccination program for OSS members ay malaking bagay upang mabigyang proteksyon ang ating frontliners na sumasalubong at nagaasikaso sa mga kababayan nating umuuwi galing abroad." Pahayag ni OTS Usec. Del Rosario ukol sa programa.

Dagdag pa aniya, "Pinursige natin na mabigyan kami ng priority sa vaccination. Kautusan ito ni Department of Transportation (DOTr) Secretary Art Tugade na tayong mga directly involve in processing arriving passengers should be vaccinated immediately." 

Katuwang ang Bureau of Quarantine (BOQ), Philippine Coast Guard (PCG), Ninoy Aquino International Airport MIAA  (MIAA) at iba't-ibang ahensyang ng  gobyerno ang naki-isa sa malawakang pagpapabakuna kontra COVID-19.

Maaga din nag-ikot sa NAIA Terminal 4 si MIAA General Manager Eddie Monreal para siguraduhin napapatupad ang Health at Safety protocols sa pasilidad.

Tinatayang nasa 1,500 OSS frontliners ang mabilis na mababakunahan ngayong araw ng Sinovac COVID-19 Vaccine.

Kasama din programa sina Department of Foreign Affairs (DFA) Assistant Secretary for Migrant Workers Affairs Enrico Fos, PCG Chief of Staff for Operations Capt. Ferdinan Picar, PCG Rear Admiral Rolando Punzalan ng Task Force Bayanihan for Returning Overseas Filipinos, PCG Commander Capt. Eli Ibarrientos ng Task Force Group Airport OSS, at MARINA OIC Deputy Administrator for Planning Captain Jeffrey Solon.

#DOTrPH #BeatCOVID19 #WeHealAsOne


*Work from HOME and launch your own Wordpress blog, business or personal website, or online store at www.dreamhost.com Yes, FREE Wordpress migration from your existing web host.

START your OWN blog site, business or personal website, or e-commerce store at www.bluehost.com - FREE website transfer..

Latest Tubag Bohol Topics



Linkback: https://tubagbohol.mikeligalig.com/index.php?topic=121353.0