Author Topic: Managsuong taga Putohan, Tubigon gitulis ug gipatay ang maguwang  (Read 1568 times)

bol-anon nga cebuano

  • DIPLOMAT
  • LUMINARY
  • *****
  • Posts: 6770
  • in true friendship, forgetfulness has no place...
    • View Profile
    • Best Webhost Service
Managsuong taga Putohan, Tubigon gitulis ug gipatay ang maguwang
« on: September 17, 2009, 03:45:47 AM »
Suspek sa tulis, patay nasikop

NASIKOP sa kapulisan sa dakbayan sa Sugbo ang usa sa tulo ka mga suspetsado nga mitulis sa duha ka managsuon ug mipatay sa usa niini sa miaging adlaw.

Grupo sa intelligence branch sa Cebu City Police Office nga pinangulohan ni Chief Insp. George Ylanan ang nisikop sa usa ka Godofredo Pardillo, 19 anyos nga taga B. Rodriguez, dakbayan sa Sugbo.

Si Pardillo mitug-an nga P100 lang ang sulod sa pitaka nga ilang nakuha gikan sa usa sa mga biktima nga ilang gitulis ug maoy ilang gipalit og imnunon human sa krimen.

Si Cebu City Police Director Senior Supt. Patrocinio Comendador nibutyag nga tulo ug di duha (sigon sa unang taho) ang nitulis sa managsuon.

Kahinumdoman, gitulis ang managsuong Vedasto Cursiga, 25 anyos kinsa namatay dihang gipusil kini sa dughan, ug ang manghod nga si Herbert, 21, nga anaa pa sa tambalanan, sa may Arlington Pond, barangay Sta. Cruz mga alas 4:00 pasado niadtong Lunes sa kaadlawon.

Giangkon ni Pardillo nga kuyog siya sa laing duha pa niya ka mga silingan nga sila si Fritz Labora, ug naila lang sa pangan nga Budok.

Positibong giila si Pardillo sa manghod nga maoy usa sa nikapkap kaniya.

Iyang giasoy nga si Fritz maoy nagdalag armas nga .22 revolver samtang si Budok maoy nikapkap ug nikuha sa pitaka ug cellphone sa mga biktima.

Apan sa dihang nisukol ang maguwang, napugos sa pagpusil si Fritz ug dayog sibat.

“Ang kadtong dakog lawas nisukol man iyang gisukmag si Fritz nakalihay mao tong gipusil,” asoy ni Pardillo nga nahinabi sa Sun.Star Superbalita.

Si CCPO Director Patrocinio Comendador niingon nga ilang gikonsiderar nga sulbad na ang maong kaso.

Hinuon di pa una nila ipasaka ang kaso tungod kay aduna pa karon silay gihimong follow-up operation aron masikop ang lain pang duha ka suspek.

Si Chief Insp. Ylanan mibutyag nga gawas sa pagpangita sa duha ila usab karong gisusi ang background niini kon wa ba malambigit sa ubang mga krimen.

Dugang nasayran ni Ylanan nga ang mga suspek sakop sa usa ka gang nga nagbase diha sa barangay Sambag-II.

Kasong robbery with homicide ang giandam na karon sa kapulisan batok sa mga suspek.


Linkback: https://tubagbohol.mikeligalig.com/index.php?topic=22422.0
"The difference between a smart person and a wise person is that a smart person knows what to say and a wise person knows whether or not to say it."

👉👉 www.dreamhost.com - Best Webhosting Company. Start your website with just a few clicks. FREE transfer of Wordpress site.

unionbank online loan application low interest, credit card, easy and fast approval

bol-anon nga cebuano

  • DIPLOMAT
  • LUMINARY
  • *****
  • Posts: 6770
  • in true friendship, forgetfulness has no place...
    • View Profile
    • Best Webhost Service
Re: Managsuong taga Putohan, Tubigon gitulis ug gipatay ang maguwang
« Reply #1 on: September 17, 2009, 03:51:28 AM »
Mao ni ang balita the other day.

Managsuon gitulis, 1 patay

MANAGSUON nga padulong na untang mouli sa ilang gipuy-an ang gitulis ug wa pa matagbaw, gipamusil pa gyud hinungdan sa kamatayon sa usa niini.

Kini nahitabo sa alas kuwatro sa kaadlawon kagahapon sa dalan Arlington Pond ug Lim Pian Teng, barangay Sta. Cruz, dakbayan sa Sugbo.

Patay dihadiha dayon ang maguwang nga si Vedasto Cursiga, 25 anyos, samtang ang manghod nga si Herbert, 21, anaa pa sa tambalanan.

Ang managsuon lumad nga taga barangay Putohan, lungsod sa Tubigon, Bohol apan nanimuyo sa Junquera Ext., ug pulos kawani sa Suria Korean Restaurant nga anaa sa

Ramos St., barangay Sta. Cruz.

Matod pa, ang duha gikan nangaon og barbeque sa Larsian sa may Fuente Osmeña, ug nanglakaw na paingon sa pagpauli sa dihang ang insidente nahitabo.

Duha ka wa mailhing tawo ang nagbarog kilid sa karsada ug ang usa niini kalit nibunot og armas dayog deklara’g tulis.

Wa maglangay og panahon, ang mga tulisan mikuha gilayon sa cell phone sa manghod ug ingon man sa pitaka sa maguwang.

Human makuha ang mga butang, matod pa ang manghod nangutana sa mga tulisan kon nganong sige pa kini’g tion sa armas nga unta nakuha naman nila ang ilang gusto.

Sa wa damha, gipusil na hinuon siya, apan niadtong tungora wa makabuto ang pistola. Ang maguwang nga nakabantay niini, nisuway kini sa pagsukol ug niilog sa armas.

Niining higayona, napusilan na ang maguwang nga niresulta sa pagkaigo sa dughan niini ug namatay dihadiha dayon.

Ang manghod naigo usab sa iyang walang bilahan ug anaa karon sa pribadong tambalanan sa dakbayan sa Sugbo.

Matod pa, sa nakasaksi nga ang duha ka tulisan daling naglakaw paingon sa Osmeña Blvd. ug nisakay’g taxi paingon na sa downtown area.

Ang kapulisan padayon karon sa dugang pang imbestigasyon.

Si Cebu City Police Director Senior Supt. Patrocinio Comendador niingon nga mga local boys lang ang nitulis sa duha tungod sa ilang gipakitang pamaagi nga gipusil pa

ang mga biktima.

Iyang gibutyag nga aduna na silay idea kon taga diin ang naghimo sa ingon ug mao kini karon ang gitrabaho sa mga sakop sa homicide section, theft and robbery section

ug ingon man sa mga sakop sa IDMB.

Gibutyag ni Comendador nga bag-o lang silang nagtagbo sa mga barangay kapitan sa Santa Cruz, Sambag II,  Ramos  ug mga silingan barangay aron sulbaron ang mga

krimen sa mao nga dapit.

Wa isalikway ni Comendador ang pagtuo nga ang mga tulisan mao kadtong ila nang nadakpan kaniadto apan nakagawas na sa bilanggo. 

Ang hepe sa homicide section nga si Insp. Vicente Velasquez nibutyag nga basi sa ilang imbestigasyon tulis ra gayod ang motibo sa krimen apan nisukol lang ang mga

biktima hinungdan nga napusilan.


Linkback: https://tubagbohol.mikeligalig.com/index.php?topic=22422.0
"The difference between a smart person and a wise person is that a smart person knows what to say and a wise person knows whether or not to say it."

👉👉 www.dreamhost.com - Best Webhosting Company. Start your website with just a few clicks. FREE transfer of Wordpress site.

unionbank online loan application low interest, credit card, easy and fast approval

Tags: