Mura ning istoryaha sa amoa pud. Niadtong bata pa ko (nga hangtod karon mao man gihapon bata pa, ug pangisip) dihay nadungiog nga naa kono MANGLAPLAPAY ug kinatawo sa mga bata kay mura to ug kulto ba nga mangdakop ug mga bata. Kami sauna intawon mahadlok ug magabii na kay manglaplapay lagi kono ang maong mga tawo.
Diha toy istorya sa usa kono ka bata nga gikuhaan ug kinatawo didto sa Liloan, Southern Leyte unja wa na konoy mga tinae mura pud ba ug gibalbal. Sus, kami sauna mahadlok ug panel kay mao kono toy manguha ug bata, basta may panel na sa karsada managan sa kasagbutan kay mahadlok. ingon pas uban may mga panel man daw nga gikit-an nga manguha ug bata.
Dihay usa ka gabii nga nagubot ang tibuok namo baryo sa dihang dihay gigukod ang mga tawo ug tanod nga tawo lagi konong manglaplapay tunga tos gabii pero tanang tawo nakamata tungod sa kagubot ug gukod pero nakaikyas ang mao nga tawo didto sa kabasakan.
Alas 7 pa sa gabii hilom na ang barangay ug wa nay mga bata maglatagaw gawas sa mga palahubog nga manggilala kada gabii.
Kami kung manukad sauna ug bukid basta naay makit-ang tawo nga wa mi kaila mag unahay ug dinagan kay mahadlok lagi, pero kahibawo mo mga sano, kadtong istoryaha tanan hinimo ra.
KAY ARON ANG MGA GINABAS NGA KAHOY SA AMOANG KALASANGAN MANAUG UG ILANG MATRANSPORT INIG KA GABII KAY WA NAMAY TAWO. Giduwa duwaan ra intawon ang among mga huna huna ato. Mao nang kanang nahitabo sa injoha tan-awa ug maajo ug sutaa jud ang mga ebidensiya.
Kaning aho tampo ra ba kay basin pud diay ug pareha ra ta. Duha ra ra ba ang nawong sa sinsiyo, ang tawo ug ang korona sama sa tinuod ug ilad ra pud.
Linkback:
https://tubagbohol.mikeligalig.com/index.php?topic=26422.0