BOXING:
Ancajas midaug pinaagi sa TKO; Tapales pildi
Nidaug si Jerwin Ancajas (32-1-2, 22KOs) pinaagi sa 6th round TKO batok sa Chilean boksidor, Miguel Gonzalez (31-3, 8KOs) aron depensaan ang iyang International Boxing Federation (IBF) super flyweight title didto sa Puebla, Mexico kagahapon (oras sa Pilipinas) sa buntag.
Ang 27 anyos nga lumad sa Panabo City, Davao del Norte nikontrolar sa enterong away ug wa makasinati og kalisud sa pagdispatsar sa iyang challenger gikan sa Chile.
Gikulata og maayo ni Ancajas ang makalulooy nga si Gonzalez sa 6th round dihang ang away gipaundang sa nahabiling oras nga 1:53.
Samtang didto sa Brooklyn, New York, si kanhi world champion Marlon Tapales napakyas sa iyang tinguha alang sa IBF interim junior featherweight title human gipildi sa 11th round TKO sa iyang kontrang Hapon nga si Ryosuke Iwasa.
Si Iwasa (27-3, 17 KOs) nipatumba kang Tapales pinaagi sa straight left. Bisan pa ang Pinoy nakahimo sa pag-apas sa ihap, tataw nga nanglubay na ang mga bagtak niini. Hinungdan nga gipaundang sa referee ang away sa 1:09 nga oras sa 11th round.
Si Tapales nahagbong sa 33-2 record uban sa 17 KOs.
Sa hulagway sa ubos, gihupay ni Jerwin Ancajas ang iyang kontra nga si Miguel Gonzales. ( ALAN ANDY NALZARO DALAGAN/ Spin.ph)
* Today's Helpful Tip *
Tala app is a fast and easy way to borrow money, and it's used and trusted by many. Download Tala to join millions of Filipino users today! >>>
http://inv.re/9o3vpLinkback:
https://tubagbohol.mikeligalig.com/index.php?topic=91775.0