Press Release
Gob. Arthur Yap: Oplan Exodus andamon
alang sa mga stranded nga mga Bol-anon
NANGANDAM ang probinsiya sa gitawag ni Gob. Arthur Yap og Oplan Exodus alang sa inanay apan dinaghang pagpapauli sa mga Bol- anong natanggong sa Sugbo ug ubang dapit sa Central Visayas ug nasud.
Matud ni Yap sa press briefing sa kapitolyo karong hapon, ang pagbalik og abli sa Bohol moabot ra sa tukmang panahon ug kini posibleng di madugay agad sa kahimtang.
Aduna nay mga isolation center bisan sa kabarangayan sa tibuok lalawigan, apan paspasan pa ang pagmugna og igong gidaghanon ug kapasidad sa mga quarantine center sa mga LGU.
Matud ni Yap, bisag pabalikon pa karon ang mga standed nga mga Bol-anon apan nagpadayon gihaoon ang istriktong "no sail" policy sa nasudnong kagamhanan pinaagi sa Philippine Coast Guard tungod sa pagkatap sa COVID-19.
Mentras giandam ang Oplan Exodus, dugang 3,000 ka mga natanggong nga mga Bol-anon ang padad-an sa kapitolyo og P2,000 nga ayuda matag usa ning semanaha, matud ni Yap.
Dugang nga koordinasyon ang himoon sa gobernador tali sa mga medical adviser sa probinsiya ug mga mayor aron mapahiluna og maayo ang pagpabalik sa mga Bol-anong gusto nang manguli. (Via/Ven rebo Arigo)
*WORK from HOME and START YOUR OWN blog site, business or personal website, or e-commerce store at
www.dreamhost.comLinkback:
https://tubagbohol.mikeligalig.com/index.php?topic=93522.0
