MikeLigalig.com

Written by Tubag Bohol admin   
from my column in the Bohol Standard newspaper     

        Niadtong higayon nga giuli ni Iluminado Boc ang US$1,700 nga nahibilin sa traysikol nga iyang gimaniho, sa laing dapit sa kalibotan, dihay miuli ug US$20,000 ngadto sa bangko.

   Aron hisabtan ang kinatibuk-ang sugilanon, ania ang kompletong detalye sa balita nga gimantala sa Associated Press:   

        A woman who works as a makeup artist and grocery store deli clerk found $20,000 at a bank's drive-up depository, then calmly walked into the bank and turned over the cash. Linda Hatch said her mind raced in the seconds after she found the two $10,000 bundles in a plastic deposit tube.
    "Am I in the middle of a bank robbery ... a drug bust, is someone going to pick up the money?" Hatch said of the June 25 find. "I was like, 'Oh my God. What do I do?'"
    Hatch, who owns a permanent makeup business in Lake Havasu City and moonlights at an Albertsons store, said the bank teller she approached was just as confused about what to do.
    "She looked at me like, 'What is this?'" Hatch said.
    Hatch said she filed a police report in the days after turning over the cash, and hasn't been told by the bank if the rightful owner has ever surfaced.
    Bank employees declined to comment.
    Hatch, said she was "shaken for five hours" after the discovery, but has no second thoughts about turning in the cash.
    "It's not enough money to move to Mexico," she said with a laugh.

Wala natapos dinhi ang sugilanon kay dili palang sab dugay, gikataho sa DYRD nga usa ka desi-siete anyos nga taga Guindulman miuli sa usa ka pitaka nga nahagbong sa traysiko. Ang pitaka, matod pa sa taho, may sulod nga salaping mokabat sa P20,000.

Ang nakapunit mao si John Paul Bernales apan matod pa dihay laing hamtong nga nangaresgar nga maoy mouli sa pitaka.

Gikahinabi ni Jerry Pabe ug Kit Bagaipo sa DYRD ang maong batan-on ug madungong mo ang ka-ligdong sa tingog sa maong batan-on.

Para nako, dako ug epekto sa kadaghanang tawo ang gibuhat nga matarong ni Mr. Boc. Ang iyang dalaygon nga buhat namantala sa bisan asang pamantalaan sa kalibotan ug nagkatag ang balita sa Internet mahitungod ni Boc.

Murag si Boc pa seguro ang Bol-anon nga na-headline sa mga inilang newspapers sa tibuok kalibotan.
Gani wa ko kahibalo sa maong balita sa newspaper nato sa Bohol ug didto ko na hisayri ang estorya sa mga online newspapers sa UK, USA, Japan, Australia, India, etc.

Yano lang nga linalang si Mr. Boc ug walay nag-aghat kaniya nga mahimong “Be Honest.”

Angayan lang usab nga pasidunggan si Boc sa mga Who’s Who in Bohol kay lagi nahimong inspirasyon kining atong traysikol drayber sa kadaghanan, apil na si John Paul Bernales.

Ang labing makahinangop mao kung iuli sab sa mga politiko (dili tanan) ang ilang gikawat nga salapi sa katawhan.

Sama pananglit sa nagkondenar nga Talibon Dam nga migasto ug kapin sa P200 milyones ug way bisan usa ka tulo sa tubig nga midagayday paingon sa kaumahan sa mga kabos nga Bol-anong mag-uuma – lami gud pud unta kung kinsay nagkawat adtong kwartaha nga iuli pud nila balik sa katawhan.


Linkback: https://tubagbohol.mikeligalig.com/index.php?topic=2692.0