MikeLigalig.com

By Gerard Pareja
Cebu Daily News
 
First Posted 14:14:00 09/29/2009
 
Filed Under: Weather, Disasters (general)
 

Samtang nagtan-aw ako sa mga hulagway sa dakong baha nga mihalok sa atop sa mga balay sa Manila, mga payag ug Pajero nga gianud, nasiplatan ko ang usa ka hulagway sa duha ka binuhat nga naglakaw sa usa ka football field sa UST (University of Santo Tomas) diin nagkahubas na ang tubig.

Akong gi-click ang maong picture kay buot kong masayran kon unsa kagrabeha ang katalagman ning maong dapit kay duna man kami uyuan nga nagpuyo mga duha ka eskina gikan sa campus ning maong tulonghaan. Dihang midako na ang thumbnail ning maong hulagway nahibawoan ko nga sa Flickr (usa ka photo sharing site) diay kini na post. Ug sama sa tanang hulagway nga ma-post sa Flickr mahimong maka-comment niani.

Dako ang akong dismaya dihang nabasahan ko ang unang komentayo nga gikan sa usa ka Bisaya nga nanghimaraut sa mga biktima sa baha. Nagkanayon siya nga mga hugawan gyud kuno kining mga tawhana, way panglimpyo ug maong gibaha kay na clog up ang ilang drainage ug modayon lag kinig basol sa gobyerno.

Gingil-aran ako sa maong komentaryo. Apan wa pa matapos dinhi ang akong ka dismaya kay dunay misakay sa iyang panghimaraut. Dunay mitubag kaniya ka miingong maayo kunong mag-usab ang mga taga-Manila kay wa mauyon ang Ginoo sa ilang gipanghimo. Ni mangno pa ang kanahan nga kon di kuno sila mag “change of heart” lagmit matagamtaman nila nahitabo sa Sodom and Gomorrah.

Pagkabugo na man lang gyud intawn aning duha.

Primero, wa tingay kahibaw ning kwanggol daku nga usa ka buwan nga gidaghanon sa uwan mibubo sa NCR (National Capital Region) sulod lang sa unom ka oras. Bisan pag kapanaminan sa kalimpyo ang ilang drainage bahaan gihapon kini. Wa siya mauyon nga gibasul sa mga biktima ang gobyerno. Kinsa man diay ilang basulon? Ang Meralco? Ang Sulpicio? Nga ang pagplano sa pag-atubang sa katalagman ug ingon man sa pag mintinar sa mga suba trabaho man sa gobyerno.

Ang ikaduhang mikomentaryo laing klase sa hangaw. Produkto kining tawhana sa self-righteous inspirational chuva nga pataka lag punting sa sala ug dayog gamit og mga ehemplo gikan sa Bibliya. Kani gong Bibliya mura man nig puspuro nga gamiton dayog pangduslit sa mga way buot ug way punay og panglatus ang alamag. Na stuck-up kining tawhana sa Old Testament diin nagpunayg panglatus ang Ginoong bungoton. Daw wa niya maabti ang Bibliya ni Kristo diin kaluoy, pasaylo ug gugma sa isig katawo maoy nagpatigbabao.

Angay nga moduyog kita sa taga Manila kay di lalim kining ilang naagian. Naagian ko man ang bagyong Ruping ug Nitang pero lahi ra ning kalaki ni Ondoy. Mao nga abrihi na ninyo inyong Facebook ug pangitaa kon asa kamo makahatag sa inyong hinabang. Ayaw kamo pagminaut kay simbakog makasugat kitag kalisud nga sama niani kinsa pa may atong pangayuag tabang?

Nangita kog kulba nga kanta kabahin sa uwan apan puros man love story ang lyrics sa mga kanta nga dunay rain ang title. Ang “Who'll Stop The Rain” ra sa Credence Clear Water Revival maoy kabahin sa usa ka pahimangno sa mga way pagpakaban sa mga hitabo. Ania ilang kanta:

Long as I remember

The rain been coming down

Clouds of myst'ry pouring

Confusion on the ground

Good men through the ages

Trying to find the sun

And I wonder

Still I wonder

Who'll stop the rain

I went down Virginia

Seeking shelter from the storm

Caught up in the fable

I watched the tower grow

Five year plans and new deals

Wrapped in golden chains

And I wonder

Still I wonder

Who'll stop the rain

Heard the singers playing

How we cheered for more

The crowd had rushed together

Trying to keep warm

Still the rain kept pouring

Falling on my ears

And I wonder

Still I wonder

Who'll stop the rain





Linkback: https://tubagbohol.mikeligalig.com/index.php?topic=22634.0