MikeLigalig.com

Day Cel, gatoon na siya molakaw. Aktibo siya kay himsog man ug panglawas, what a happy child.Maayo imong atiman Indayon, God bless.

Quote from: Lorenzo on April 27, 2010, 07:49:20 AM
How adorable is your little one! So cute!

Salamat, Dong

Quote from: lumine on April 27, 2010, 11:47:50 AM
kalami awayon sa dagway,cel,hehehe.dugay sya nagngipon ba?

Bisan asa mi molakaw ma'am inse, ang una jud mabantayan sa mga tawo no kay ang iyang mga mata. big brown eyes kuno hahaha

Dugay bitaw siya nagngipon, sige ra laway, pero hubag na kaayo iyang lagos

Quote from: ms da binsi on April 27, 2010, 12:07:06 PM
pagka cute gajud ning bataa!

Salamat, tita Belle

Quote from: Raquelproud boholana on April 27, 2010, 02:24:40 PM
Happy Baby,cute kaayo imong ulitawo Cel. Kabarkada ni Jacob mga wa pay ngipon pero naa rag laway.

Mao jud Quel, nauwaw guro ni ila mga ngipon hehe

Quote from: hofelina on April 27, 2010, 02:33:32 PM
Day Cel, gatoon na siya molakaw. Aktibo siya kay himsog man ug panglawas, what a happy child.Maayo imong atiman Indayon, God bless.

Manay kamang pa lang ni iyaha, nya kung makakita ug kagunitan, mobarog na.
Sus, adto raba jud mopadulong sa mga butang nga gidili para niya.

oi Cel musta na ang baby mo?  ang akoa 8 months na gahapon, naa nay usa ka gamayng ngipon nga nigitli, ang tupad coming na pod.  akong gihinol ganina hait naman pod.  di pa lagi kamaong mukamang pero makadaog na mualsa sa iyang lawas, pormang mukamang pero di diay hehehhe. 

Adunay mga tali-abot nga babies, si Inday Angie Gulle ug si Inday Gelyan. Pag-amping mong mga buntis.

Maam Hofelina nanganak na si Gelyan baby boy cute kaau.

Quote from: willmerit on May 05, 2010, 10:29:58 PM
oi Cel musta na ang baby mo?  ang akoa 8 months na gahapon, naa nay usa ka gamayng ngipon nga nigitli, ang tupad coming na pod.  akong gihinol ganina hait naman pod.  di pa lagi kamaong mukamang pero makadaog na mualsa sa iyang lawas, pormang mukamang pero di diay hehehhe.  

Ams, kusoga na mokamang aning ako, mokabat na raba, wala pa lang ngipon. Ingon gud ako mama gilingkuran kuno ang ngipon, ako giingnan nga gikabatan naman gani nyahahaha

Kapoy na bantayan oi kay perti luhagana, magtuga-tuga ug kabat sa lamisa, nya ug di siya ka dretso barog, iya kalingawan paak ang kilid sa lamesa, madugay mohilak kay dina man kanaug

Mao jud bitaw bantayonon jud na kaayo, baw ring akoa siguro diretsog lakaw or lingkod ni di na muagig kamang kay ganahan man magsige ug barog, malooy lagi ko kay hawoyon iyang mga paa.  muaksiyon siyag kamang pero di man makalihok hangtod kapoyon muhilak or magligid ligid kay di kadaog muarsa sa iyang lawas tingali, jumbo purya buyag man gud. 

Mao nay lami Cel kusog na makaniwang kay magsige kag sunod sunod.  gasugod namig childproof kunuhay aring among sala kay na di pa gani kamaong  mulakaw mangawhat naman, labaw na ug makalakaw na ni puhon.  Dili ra ba padili, magwild jud.

na, maayo unta moniwang ko ani Ams hehe

Bitaw oi, ang imoha naana ngipon di mokamang, ang ako kusog kamang la ngipon. Grabe na lagi mokabat, iya na gani kalingawan paak ang kilid sa among coffee table bisan la ngipon hehe.