Nabitin jod ko aning akong gibasa ba kay wala nay space sa pagtubag si Noy Kulas.Pero kung kamo si Noy Kulas unsay itambag ninyo ni Maribet?
Tambagi ko Noy Kulas: Way gugma sa bana
Dear Noy Kulas,
Una sa tanan mangumosta ako kanimo diha. Manghinaot ko nga maanaa ka sa maayong panglawas. Noy, usa ako sa mga follower sa imong column. Tawga lang kog Maribet. Ang akong problema mahitungod sa akong bana nga maayo kaayong tawo, edukado maayo ang iyang trabaho.
Kami gud, Noy, gibuya mi sa among mga amahan. Nagsinaaray silang duha nga kon babaye sa akong amahan ug lalake sa iyaha, kami gyud ang magkadayon tungod lagi nga suod kaayo silang managhigala hangtod nga namatay silang duha. Tuod,
kining akong bana anaa tanang hiyas sa iyang kaugalingon: maskulado, taas og barog guwapo, matinahuron. Ang gipangita sa mga babaye anaa gyud kaniya.
Pero, Noy Kulas, bisan tuod og gamay lang wa gyud ko’y pagmahal sa akong bana. Gani, kapin na sa duha ka mga tuig sa among panag-uban, wa gyud siya makatandog sa akong pagkakabaye isip asawa niya, kay lagi di ko gusto, ilabi na wa koy pagmahal. Iyang gipakita ang tanan niyang pagmahal. Magluto una og breakfast para namo una siya molakaw. Way adlaw ug gabii nga di siya makahawok nako. Sakto sa oras siya nga mouli sa balay. Maayo ang among kahimtang. Tanan niyang suweldo iintriga niya sa akoa. Kanunay sad ko niyang palitan og mga butang para lang makakat-on ako og pagmahal kaniya. Sayod siya nga wa gyud ko’y gusto niya pero iyang gibuhat ang tanan para lang nga makakat-on kuno ako og pagmahal kaniya. Ambot nganong gahi kaayo ang akong kasingkasing.
Usa niana ka adlaw, Noy Kulas, wa siya makauli og sayo hangtod nga tungang gabii na siya niuli. Wa sad nako panumbalinga, diretso na hinuon og tulog sa laing kuwarto ug wa siya nako mohawok. Nagtuo kong siya gikapoy. Nisayo siyag bangon ug nibiya sa balay nga wa magluto ug mohawok nako. Nahilubong na kaayo ko niya, Noy Kulas, nganong nausab siya nako. Hangtod nga akong nakit-an ang iyang underwear ug kuwelyo sa iyang polo nga dunay lipstick sa babaye ug pefume nga akong nasimhutan. Di na siya mouli matag adlaw.
Hangtod nga niabot ang duha ka buwan sa iyang pag-usab. Ako siyang gipangutana nganong di siya sa balay. Ako mismo ang nasuko kaniya, pero kalma lang kaayo siya nako. Giingnan ko niya “Ngano man duna ba ako’y asawa nga nagpaabot nako?†Gisagpa nako siya sa akong kalagot, unya akong gipakita sa iyaha ang underwear ug polo niya. Iya man lang kong giingnan nga “Unsa may naa niana nga lipstick man na sa babaye maayo kay nasayod ka. Di sad ka angay nga magselos kay kinsa man ko nimo?†Hangtod, Noy Kulas, nga nasakpan gyud nako silang duha nga sweet kaayo sila ug loving pa kaayo. Mabdos ang iyang kabit. Gisukmatan nako sila pero ang iyang babaye nasayod na nga wa kuno ako’y pagmahal sa akong bana. Karon, gusto sa akong bana nga ipa annul ang among kasal.
Noy Kulas, di ko gusto nga biyaan ako sa kong bana. Karon pa nga nakamatikod na ako og gugma kaniya apan seguro sa tan-aw niya nako ulahi na kuno. Unsa may akong
buhaton, Noy Kulas, ikiha ko ba siya? Tambagi ko, Noy Kulas, asa naman ko padulong niani?
MARIBET
Maribet,
Daghang salamat sa imong pagsuwat ug pagsalig. Sa Huwebes na nako tubagon ang imong suwat kay wa na koy space. Maanindot ang imong story, dunay mapupo ang mga magtiayon nga sama ninyo.
NOY KULAS
Linkback:
https://tubagbohol.mikeligalig.com/index.php?topic=12707.0