Gihandum nga mga Higala,
Gikasubo ko nga daghan pang mga PMs ug email nga wala pa nako mautingkay ug dili pa mahatagan ug tubag ang mga pangutana.
Sa ako nang gipaambit nga kasinatian, mura ko ug nalaming sa Internet diri sa Tagbilaran. Gawas nga kanunay hagip-ot ang higayon, ang pagpangita ug koneksyon sa Internet tungason kaayo. Maayo pay magtimba ug tubig sa buho kay makaseguro pa nga dili ka kahubsan sa tubod.
Dili pareha kaniadto sa gawas pa ka sa nasod nga wa pa gani ka kapanghuyatid ug kapanghuy-ab, naa ang Internet nagtikaw-tikaw gihapon.
Nia poy Bohol Light nga kompanya nga halos kapila sa usa ka adlaw nga moahat lang ug kapid-ok ang sugang dagitabnon. Nahadlok ko nga kining way batasan nga mga brownouts maoy mohunos sa kinabuhi sa akong laptop sanglit nailo ug nabalo naman intawon ni sa bateriya laptopa.
Ug akong pahasubo nga mataud-taud pa seguro ang paghagpat nako sa mga PM ug email.
Kaninyo maalagaron,
Mike
Linkback:
https://tubagbohol.mikeligalig.com/index.php?topic=20809.0