Nakurat nalang akong amigo sa dihang sa pagkabuntag gitawagan siya sa iyang uyab ug giingnan nga dili na siya patawagon ug wala nay communication.
Wa intawon katingog akong amigo kay lagi sa pagkagabii ana, puro "I love you" ug "I miss you" ang gitilok nga mga pulong sa ilang panaghinabi sa telephone sa wala pag mag-goodnight. Unya pagkasunod adlaw, nalain naman ang templa sa babaye.
Ang babaye pud wala lang pud mangutana o mo-clarify. Midretso lang pud ug ratatat sa akong amigo. In other words, gi-itsapuwera akong higala sa kalit ug daklit nga higayon ug naglibog intawon siya unsay hinungdan.
Akong usa ka amigo nga Thai ug classmate usab sa klase mihimo ug imbestigasyon pinaagi sa pagtawag sa babaye aron suknaon kung unsa ang hinungdan sa iyang hinanali nga desisyon. Ug didto nahibaw-an sa akong amigo ug nahibaw-an namo nga diay ang babaye nasuko ngano nga nawala ang iyang pangalan sa Hi5.com (mura pud ni ug Friendster or Myspace social networking site) pero sikat sa Thailand ang Hi5.
Tungod sa technological error, nawala ang account sa babaye pero wa intawon pud kahibawo akong amigo kung ngano kay lagi error man to sa Hi5.com nga website.
Inosente akong amigo sa pagkawala sa name sa iyang uyab didto sa Hi5 network.
Dili unta sila magkabuwag kung nangutana lang unta ang babaye kung nganong wala na iyang ngalan sa Hi5 ug wala unta siya makabungat ug mga masakit nga pulong batok sa among amigo.
Walay perfect nga technology. Usa ni sa mga angay natong tugkaron. Dili unta ta magdali-dali sa atong mga desisyon kung wala pa ta kapangutana o kaha makadawat ug ensaktong impormasyon.
Mura ni sa estorya sa usa ka asawa nga labihang tagawtaw ug nag-wild na sa balay kay ang iyang bana dili motubag sa cellphone ug sige lang ga ring. Kaingon ang asawa nga nag-iring-iring na ug lain iyang bana.
Wala siya kahibalo nga nadisgrasya na diay ang sakyanan nga gi-drive sa iyang bana.
Linkback:
https://tubagbohol.mikeligalig.com/index.php?topic=14675.0