normal_post - Walay Mangilad Kung Walay Magpailad - Pulong Bisaya Author Topic: Walay Mangilad Kung Walay Magpailad  (Read 1385 times)

Ligalig-Mike

  • FOUNDER
  • GURU
  • *****
  • avatar_1_1507939928 - Walay Mangilad Kung Walay Magpailad - Pulong Bisaya
  • Posts: 18912
  • medal1 - Walay Mangilad Kung Walay Magpailad - Pulong Bisayamedal2 - Walay Mangilad Kung Walay Magpailad - Pulong Bisaya
  • Need A Website? Email me: info@mikeligalig.com
    • Share Post
xx - Walay Mangilad Kung Walay Magpailad - Pulong Bisaya
Walay Mangilad Kung Walay Magpailad
« on: March 13, 2008, 09:39:42 PM »
image5 - Walay Mangilad Kung Walay Magpailad - Pulong Bisaya
Published by the Bohol Standard
www.theboholstandard.com

Nahugno nasab ang akong dughan pagkabasa sa balita nga mobalor sa duha ka milyon ka pesos ang nahupot human ang usa ka caregiver student nagpatuo-tuo nga may connection sa Canada ug makapahiluna sa mga caregiver students aron makatrabaho sa Canada.

Niaging semana atong nahisgutan sa Tumoy Sa Bangaw ang terminolohiya nga “Bachelor of Basa-basa.” Agi ug lakbit-hisgot, nakahinumdum ko sa giingon sa Bible nga “My people perish due to lack of knowledge.”

Kining kakulang sa kinaadman sa tawo maoy usa ka dakong hinungdan ngano daghang sipyat ug sayop nga mga desisyon.

Ug mahinumdum ta sa multi-million pyramiding scam sa Bohol niadtong tulo o upat na katuig ang nakalabay, makaingon ta nga kung ang tawo mogahin lang ug panahon sa pagduki-duki ug pagsusi kung unsa ba gayod ka tinuod ang nabati o nakita, makalingkawas unta ang tawo sa sayop nga desisyon.

Niadtong pyramiding scam sa Bohol, simple ra kaayo ang logic adto: naa ba gyuy multi-billion European company nga magtukod ug opisina sa Bohol? Ug mohatag ug 50% nga interest sa imong investment? Wa gani mohatag ug 50% interest ang Microsoft sa iyang mga stockholders. Ug nga kon gi-research pa unta to sa Internet kung naa ba ni nga company sa stock exchange, makita unta ang katag.

Mao pud ni sa caregiver scam karon. Ang mga hingtungdan nag-research unta ug maayo sa mga pamaagi o legal nga pag-adto sa Canada. Naa tanan atong mabasa sa Internet ang mahinungdanong kasayoran. Klaro nga gipadayag sa gobyierno sa Canada nga bisan empleyado sa Embassy sa Canada dili makagarantiya ug trabaho ni si bisan kinsa didto sa Canada.

Luoy huna-hunaon sa mga biktima nga nagkautang-utang intawon aron lang mahaw-as sa kalisud. Pero unsaon naman ni ron nga si Ms or Mrs Theiss tua naman sa Bahamas o kaha sa Barbados nagpahayahay nag-inum-inum ug orange juice samtang naghanggap sa lab-as nga hangin sa dagat samtang ang iyang mga nailad nagbangutan ug nagkadipo-dipo karon unsay ibayad sa mga utang.

Dihay mga nag-ingon nako kaniadto: Walay mangilad kung walay magpailad.

Subo palandungon, pero mao ni ang tinuod: Walay mangilad kung walay magpailad.

Linkback: https://tubagbohol.mikeligalig.com/index.php?topic=10754.0
Romans 10:9
"That if you shall confess with your mouth the Lord Jesus, and shall believe in your heart that God has raised him from the dead, you shall be saved."

Get FREE 500GB cloud storage:
https://www.pcloud.com/welcome-to-pcloud/?discountcode=fDiE7jtC01VPbCIygaM67jZV



Share via facebook Share via linkedin Share via pinterest Share via tumblr Share via twitter

xx
Walay Pulos Ang Pagpanigarilyo

Started by Ligalig-Mike on Pulong Bisaya

35 Replies
8390 Views
Last post August 05, 2010, 09:02:23 PM
by hubag bohol
 

SMF spam blocked by CleanTalk
Powered by SMFPacks SEO Pro Mod | Sitemap
Mobile View
SimplePortal 2.3.7 © 2008-2019, SimplePortal