TUBAGBOHOL.com with Ligalig Mike Ortega

Inside Bohol => Pulong Bisaya => Topic started by: hubag bohol on March 21, 2010, 02:06:52 PM

Title: TUNGAW
Post by: hubag bohol on March 21, 2010, 02:06:52 PM
TUNGAW

balak ni Rene Estella Amper


Dugay nang wa ko makakitag tungaw.
Kaniadto ang kamalig luyo sa among payag
kanunayng nagbuskad sa mga sinangging mais.
Makigbugtaway ako kanunay
sa mga anino sa mansanitas sa kilid
sa among payag human sa pamahaw.
Inigkaudto gikang mangahoy kuyog ni Tatay,
Mohapit ko’g pamayabas. Inig-abot nako
sa amo, moingon si Tatay,
“Hala, panghinungaw!”

Buk-on sa uwak ang kaudtohon.
Kanunayng puno sa gangis ang kawayanan
sa ubos-ubos sa among kamalig.
Didto sa pantaw sayon kaayong utingkayon
ang mga paboritong luklokanan sa tongaw:
ang mga landong sa ilok,
ang mga tulokibong lugot sa pusod,
ang angtod nga kamingawan sa bulog.
Ang pagpanguhit og tongaw susamag bation
Sa pagpalupad og tabanog.

Gimingaw ako sa mga gamayng butang
sa akong pagkabata nga akong gibiyaan
sa dihang nagsugod na pagpanurok
ang mga tango sa gugma.
Karon nga usahay sila modalikyat
pagpamalik ngari kanako,
wa na akoy nahibiling kinuptanan
gikan kanila. Kon adunay mangutana,
tubson ko na lang sa pasumbingay
aron dili maugoy ang otoy-otoy sa balatian.

Si Nanay dugay nang mihunong sa pagpasuso.
Ang mga bukog ni Tatay amo nang gitipon
sa mga bukog sa iyang katigulangan.
Dugay nang wa ko makakitag tungaw.


:)
Title: Re: TUNGAW
Post by: fdaray on March 21, 2010, 03:37:11 PM
Extinct na kaayo ang tungaw, bisan diri sa Davao, wala nako nakapanguha ug tungaw sa akong testicle.   
Title: Re: TUNGAW
Post by: hofelina on March 21, 2010, 04:09:24 PM
Felix, na-a sa posod! ;D ;D
Title: Re: TUNGAW
Post by: lindy on March 22, 2010, 01:29:01 AM
porbida sab bitaw ning tungaw ngano nga ana man sab ni sila magtago sa itlog kon dili sa ilok.
Title: Re: TUNGAW
Post by: chicogon on March 22, 2010, 05:02:16 AM

Bwahahaha. Rare species na diay ni siya ron?  ;D
Title: Re: TUNGAW
Post by: hubag bohol on March 22, 2010, 08:55:56 AM

Dili na man gud ka ron mosum-ok sa kakugnan nga nagsul-ob og lawlaw nga purol, Sir FD... ;D
Title: Re: TUNGAW
Post by: fdaray on March 22, 2010, 08:54:49 PM
Unsay English sa tungaw?
Title: Re: TUNGAW
Post by: statesville on March 23, 2010, 02:47:37 AM
Ticks, it's  plentiful during summer months
Title: Re: TUNGAW
Post by: Bambi on March 23, 2010, 07:09:29 AM

Wa gjod ko kasuway ug tungaw sa itlog sa ilok ra gjod labina gikan mangahoy sa mga bata pa mi.
Title: Re: TUNGAW
Post by: bugsay on March 27, 2010, 04:36:55 PM
Tungaw

gamay nga wakwak
nga sa bugan ug ilok mamaak
tungod sa kakatol nawong magkulismaot
hinayi ug kawot ang panit dili mapaslot

maayo unta ug mahimo sab kong tungaw
aron dapit sa bugan pirme ko modungaw
agwantahon ang baho bahala'g way ligo
magsige'g sud-ong sa puto-maya nga maghinukbo. :o

 


Title: Re: TUNGAW
Post by: hubag bohol on March 29, 2010, 01:44:42 PM

Maayong magpabilin kang nagdungaw
Unsaon na lang kon ikaw motimpasaw--
Malumos kang naglutaw sa sabaw
Nga lag-og kay wala makahungaw.

;D
Title: Re: TUNGAW
Post by: bugsay on March 29, 2010, 05:25:38 PM

??? - nawong sa tungaw nga na suffocate..
Title: Re: TUNGAW
Post by: hubag bohol on April 01, 2010, 12:45:25 PM
Hahay, kamingaw sa pajag...

Kanta na lang ta (with chords pa...)

Gitungaw Ako

Gm G7 Cm D7 Gm
Gitungaw ako o pinangga ko
G7 Cm D
Labi na ikaw ang may pangagod
Gm
Sa akong gugma
G7 Cm D7 Gm
Kakatol diay kon matungawan
G7 Cm D7
Ang pagkalot da ug kahigwaos
Gm - F7
Ang mahimo ko


CHORUS:
Bb
Dumdomon ko ikaw
G7 Cm
Bisan mahikigol dumdomon ko ikaw
F7
Bisan sa bugan pa

Pakit-on mo ako
Bb - D7
Akong nagsangga mo

G7 Cm D Gm
Gitungaw ako handum kanimo
G7 Cm D7
Luha day mahimo ug pangutkot lang
Gm
Gitungaw ako
D7 Gm
Gitungaw ako
D7 Gm
Gitungaw ako . . . . .

;D
Title: Re: TUNGAW
Post by: bugsay on April 01, 2010, 02:13:54 PM


katol pa's tungaw ning kantaha...hehehe
Title: Re: TUNGAW
Post by: hubag bohol on April 03, 2010, 06:20:23 PM

Ang kasingkasing nga masulob-ong nagtuaw
Walay kalainan sa itlog nga gitungaw....
Title: Re: TUNGAW
Post by: bugsay on April 03, 2010, 06:30:23 PM

tibuok gabiing nag tukaw :o
nawong mura na'g tiaw ???
ang mata nagliraw-liraw ::)
tungod sa itlog nga gitungaw :'(
Title: Re: TUNGAW
Post by: fdaray on April 03, 2010, 06:59:10 PM
Kon lalake, ang itlog maoy tungawon, kon babae unsay may tunghawon..., ang clitoris.
Title: Re: TUNGAW
Post by: hubag bohol on April 03, 2010, 07:06:57 PM

Bisan katulog ni Inday natugaw
Nakatawa gihapon sijag hilaw
Nga naminaw kang Ondoy nga gatyabaw
Tungod sa itlog nga gitungaw
Title: Re: TUNGAW
Post by: bugsay on April 03, 2010, 08:01:41 PM

gabiing dako si inday nagsigi'g yawyaw
sige'g pangiyogpos sa labihan ka tugnaw
tulomanon ni ondoy intawon nabaraw
tungod sa itlog nga gitungaw
Title: Re: TUNGAW
Post by: hubag bohol on April 03, 2010, 08:24:07 PM

Kaluoy ni Inday, napalaw!
Ang hunahuna gadawiraw,
Basa nga sakoban gahungaw--
Tungod sa itlog nga gitungaw.
Title: Re: TUNGAW
Post by: bugsay on April 03, 2010, 08:42:28 PM

 >:( - si inday nagyawyaw ug nangisog:

nagtuo man gud nga kublan
nanghambog nga sa pinaakan di sakitan
nanghubag na ang bilahan sa kinawtan
ay ra pakngan ang kanahan.

Title: Re: TUNGAW
Post by: hubag bohol on April 03, 2010, 09:04:31 PM

GITUNGAW ANG PATYANAN NI ONDOY

Tinuod nga si Ondoy may pagkakublan
Apan naay parte nga siya mapatyan
Dili dutlan ang tibuok kalawasan
Gawas sa bato-bato sa iyang bugan
Title: Re: TUNGAW
Post by: bugsay on April 03, 2010, 09:19:38 PM

hangtod nag-away si inday ug ondoy

inday: gitungaw...gitungaw

ondoy: ikaw, gibonhok...gibonhok

 ??? - silingan nga naminaw

Title: Re: TUNGAW
Post by: hubag bohol on April 04, 2010, 04:39:04 PM

Inday: Gibunhok kay kuwang sa tuslok! Gibunhok kay kuwang sa tuslok! ;D
Title: Re: TUNGAW
Post by: Scarb on April 07, 2010, 03:02:46 AM
@ Bugzkie and Hubzkie ma yatapZ kog hiki²
  kon kamong duha ang mag tubag² ug balak
    hik§hak§hok§

  :-* lamat au


sumpay pod ko:

 hangtud ang mga tungaw ug bonhok na ang naggibugnö

  ;D ngiZi sa silingan nga nakaZaksi
Title: Re: TUNGAW
Post by: taga tigbao on April 13, 2010, 11:55:28 AM
Ang tawag sa tungaw nga daghan kaajo nga tungod sa kadaghan makita na nga klaro, kana bang mura sila ug magtampok unja ara nang ka mga busog sa nga tanan, NAGLUSONG na.
Title: Re: TUNGAW
Post by: AsPo on April 13, 2010, 07:09:27 PM
hubs og bugs tan awa injo itlog ,kay gabsin naglusong na ang tungaw.
hahahhah
Title: Re: TUNGAW
Post by: taga tigbao on April 14, 2010, 08:58:23 AM

Hahahahahaha. Rushes ra pud siguro Te.
Title: Re: TUNGAW
Post by: hubag bohol on April 15, 2010, 04:04:43 AM
Ok ra kon naay tungaw, bisan naglugsong na. Ang delikado, kon usa ray itlog! ;D
Title: Re: TUNGAW
Post by: taga tigbao on May 25, 2010, 04:07:07 PM
Dire sa Manila wa nay tungaw jamo. Ambot ug asa ra ning tungaw ron. Sa pag-uli naho sa amo mingadto ko sa kalibunan wa na pud tungaw didto nga sauna man unta basta mangadto mi dili jud kawad-an ug tungaw. ;D
Title: Re: TUNGAW
Post by: hubag bohol on May 25, 2010, 04:22:42 PM

Wa tingali unta ka magpurol, Bay Tigs, para kuninitan sa tungaw imong itlog... ;D
Title: Re: TUNGAW
Post by: taga tigbao on May 25, 2010, 04:26:47 PM

Hahahaha. Dingdong ding dong ang kampana sa simbahan ana Bay Hubs. Lahi jud to saun, bisan magpurol o dili may brief o wa naa juy tungaw. ;D
Title: Re: TUNGAW
Post by: fdaray on May 25, 2010, 04:32:29 PM
Unsay color sa tungaw.? Ang tungaw sa Bohol, pula. Diri sa amo kay itom.
Title: Re: TUNGAW
Post by: hubag bohol on May 25, 2010, 04:41:35 PM

Bwahaha! Basin lagomon ang mga itlog nga kumbitayan sa mga tungaw diha, Sir FD... ;D
Title: Re: TUNGAW
Post by: taga tigbao on May 25, 2010, 04:43:28 PM
Bwahahahahaha! Naay diay itom nga tungaw? Ahak!
Title: Re: TUNGAW
Post by: hubag bohol on May 25, 2010, 05:00:09 PM

Bwahaha! Naa man gani tingali violet! ;D
Title: Re: TUNGAW
Post by: taga tigbao on May 25, 2010, 05:03:37 PM

Green Bay Hubs, green!! Hahahaha
Title: Re: TUNGAW
Post by: hubag bohol on May 25, 2010, 05:13:06 PM

Green? Para na sa gilumotan nga bilahan, bwahaha! ;D
Title: Re: TUNGAW
Post by: AsPo on May 25, 2010, 06:36:48 PM

nganong gilumutan man?gi uwan uwan siguro hubs,mao nalumotan.
Title: Re: TUNGAW
Post by: hubag bohol on May 25, 2010, 06:39:35 PM

He he, pwede pud gilumotan kay way nibagnos, bwahaha! ;D
Title: Re: TUNGAW
Post by: islander on May 25, 2010, 06:57:43 PM

aha, morag bilahan sa okoy inyong gihisgotan da.  unsa man ni, nakalimtan na ba ninyo ang mga sirena? ;)

Title: Re: TUNGAW
Post by: AsPo on May 25, 2010, 07:51:08 PM

bwahaaaa
murag way bilahan ang serina.kay og naa mao nay klarong lumotan.
Title: Re: TUNGAW
Post by: hubag bohol on May 25, 2010, 08:23:54 PM

Bwahaha! Bahalag gilumotan basta wa lang tuboi og sisi! Nah, matuli man pud tag usab anang kalakiha! ;D
Title: Re: TUNGAW
Post by: AsPo on May 25, 2010, 09:57:25 PM

maoy gidangat,kay ang tungaw tua na nipojo sa mga sisi.
bwahaaaaaaaa
Title: Re: TUNGAW
Post by: islander on May 25, 2010, 11:36:38 PM

ay, i stand corrected.  abi nakog naay bilahan kay nanimaho mang hasang.
Title: Re: TUNGAW
Post by: hubag bohol on May 28, 2010, 10:11:02 AM

Oops, too much personal information here... Peace, Ms. Isle! ;D
Title: Re: TUNGAW
Post by: islander on May 28, 2010, 12:51:39 PM

peace too, bai hubag!  bag-o lang gyod kong naagi-an ug okoy.  di lang ko sure, pero ikaw ba to?  nakatimaho man god pod kog hasang. ;D
Title: Re: TUNGAW
Post by: islander on May 28, 2010, 12:53:39 PM
question to bai hubs ug aspo:  unsa kadak-an ang pisik sa ihi sa tungaw?
Title: Re: TUNGAW
Post by: hubag bohol on May 28, 2010, 01:09:46 PM

Bwahaha! Ms. Isle, ang pisik sa ihi sa tungaw
Parehas ra kadak-a sa bangag nga nihungaw!

;D
Title: Re: TUNGAW
Post by: islander on May 28, 2010, 01:27:04 PM

hahaha, ikaw gyod bai hubs, pisik ra akong pangutana
ang tinubdan sa pisik ang naa sa imong hunahuna
na, hala, padayon sa imong mga damgong nanghungaw
apil ang kinaham nimong bangag nga ingon kadak-a sa tadjaw.

Title: Re: TUNGAW
Post by: hubag bohol on May 28, 2010, 01:55:53 PM

Kon naay tungaw ilawom sa imong niqab,
Ms. Isle, mapugos jud ka ani pag-ukab.
Mas maajo pa ang piyangaw
Kaysa salbahis nga tungaw.

;D

Title: Re: TUNGAW
Post by: islander on May 29, 2010, 04:07:41 PM

ilawom sa akong hinuwamang niqab, bai hubag
dimalas kay way tungaw nga nitulibagbag
apan ang piyangaw nga akong gisulod sa tadjaw
paghigawas nahimong perikong opaw.

Title: Re: TUNGAW
Post by: hubag bohol on May 29, 2010, 04:30:21 PM

Ug sa kataposan ang kamatuoran mitumaw
Nga adunay mahilig jamo sa perikong upaw
Nga maoy tambaw sa panahon sa tumang kauhaw.
Ug ang resulta? Naay nagtikangkang nga gatyabaw.

;D

(Oops sorry, nawala man diay ang tungaw sa passing. Sa sunod na lang, kaduhaon, bwahaha!)

Title: Re: TUNGAW
Post by: bugsay on July 13, 2010, 03:25:08 PM

nagtyabaw kay gipatapsingan sa amaw nga opaw
gisabsab pag-una ang ngilit nga naay tungaw
gamit iyang dila nga mura'g lagaraw
nagsige'g wara-wara nangita'g pag laing makuraw. ;D

Title: Re: TUNGAW
Post by: vhinz08 on July 13, 2010, 04:17:31 PM
mao ni ang tungaw.                                                                  .                 
Title: Re: TUNGAW
Post by: fdaray on July 13, 2010, 04:22:03 PM
Dugay nang gitungaw ang akong testicle. Wala may tungaw diri Sogid City.
Title: Re: TUNGAW
Post by: vhinz08 on July 13, 2010, 08:08:47 PM
Ang tungaw bow wa wow!
Ang tungaw maoy mamaak kanunay matag-adlaw
Mo lukluk bisan asang dapit ug bisan pa sa lim-aw
Nasusama sa langaw nga gadala ug kagaw

Ayaw pagkumpyansa kung ikaw gitungaw
Bisan makit-an ka nga ikaw morag giti-aw
Mokalit lang ug takilid unya dayong pang lingi ug manglantaw
Kay kaluton ang parti sa lawas nga gipuy-ag tungaw  ;D

Ug kung mahitabo man kini sa imoha akong amigo
Haplasi kini sa lana ug inum sa tubang sinabado
Dagkuti ang lamparilya nga ta-as ta-as ang pabilo
Inudnud unya diha sa parti sa lawas nga mura nag kalbaryo.  ???

Ug kung inyo kining mabasa, ayaw biya ninyo kini seryosoha
Ang sugyot sa ubos ninyong amigong nagpunay ug labyog ning duyan nga nag inusara
Bunga lang kini sa akong pagkantakanta nga ako ra usa
Ilalom sa punu-an ug kung tawagon natog nara.


Vhinz08 as in Bintoy toratoy.  ;D
Title: Re: TUNGAW
Post by: bugsay on July 13, 2010, 10:06:06 PM

so, mao na'y rason nga gi tungaw nalang hinoon? ;D
Title: Re: TUNGAW
Post by: BolBuhol on July 13, 2010, 10:42:02 PM
tula ni diri nga thread mga kauban sa TB?
Title: Re: TUNGAW
Post by: bugsay on July 13, 2010, 10:43:44 PM

yes, sir.... ;D
Title: Re: TUNGAW
Post by: BolBuhol on July 13, 2010, 10:47:57 PM
ngano diay ni mga kauban nga tungaw man.
Title: Re: TUNGAW
Post by: bugsay on July 13, 2010, 10:50:04 PM

basaha lang palihug sa sinugdanan, Sir BolB..
Title: Re: TUNGAW
Post by: BolBuhol on July 13, 2010, 11:04:28 PM
salamat kaayo kaubang bugsay, ngano man nga bugsay ka?
Title: Re: TUNGAW
Post by: bugsay on July 13, 2010, 11:10:26 PM

kay mananagat man ko.....imoha pwede sab ug bugsay ug diba palo-palo kay gamiton man pod na sa panadero... ;D
Title: Re: TUNGAW
Post by: BolBuhol on July 13, 2010, 11:13:04 PM
asa ka nga dagat managat kauban diha sa bohol?
ako ka BolBohol lang kay mao man ang first syllable sa akong ngan.
 
Title: Re: TUNGAW
Post by: bugsay on July 13, 2010, 11:17:14 PM

tabok-tabok ra ko bai BolB...sa bohol ug cebu nya south china sea pod... ;D
Title: Re: TUNGAW
Post by: BolBuhol on July 13, 2010, 11:19:06 PM
layo diay imong ginabyahe kauban, unsa pod imong gigamit nga sakayan? layo pod diay imong gipangisdaan.
Title: Re: TUNGAW
Post by: BolBuhol on July 13, 2010, 11:20:00 PM
unsa sagad nimo mankuha nga mga isda diha sa inyoha?
Title: Re: TUNGAW
Post by: bugsay on July 13, 2010, 11:21:35 PM

sa una ra, ug mao sab na'y akong namat-an ang pagpanagat......kabahin ug tipik na sa akong kinabuhi ang Bugsay..... 8)
Title: Re: TUNGAW
Post by: bugsay on July 13, 2010, 11:22:52 PM

bolinaw.....himoong ginamos nga sinabado....
nakasimhot nakag ginamos nga sinabado? ;D
Title: Re: TUNGAW
Post by: BolBuhol on July 13, 2010, 11:23:25 PM
kabaw ka diay mo salum sir, kay mananagat ka man.
Title: Re: TUNGAW
Post by: bugsay on July 13, 2010, 11:26:05 PM

kon sa dagat, 1 minute sa ilawom....kon sa bilahan...15 minutes...nyahahahaha..joke lang
Title: Re: TUNGAW
Post by: vhinz08 on July 13, 2010, 11:32:00 PM

Na unsa ka bai bugs gitungaw ka na?  ;D
Title: Re: TUNGAW
Post by: BolBuhol on July 13, 2010, 11:33:51 PM
unsaon diay pagpalutaw kung lawom kauban, dili man gud ko kabalo molangoy
Title: Re: TUNGAW
Post by: bugsay on July 13, 2010, 11:39:09 PM

mao ni hagit sa panahon bai Vhinz.....makaagwanta kag 15 minutes? ;D
Title: Re: TUNGAW
Post by: vhinz08 on July 13, 2010, 11:42:53 PM

Aw nu-on pud grabe napod ng 15mins. ako sidlet man dayon ahong sipon sa ilong ana gawas dajon mao ng mutunga dalidali kay bisag makutasan sa kalami aw sa kalawom.   ;D
Title: Re: TUNGAW
Post by: bugsay on July 13, 2010, 11:43:14 PM

molutaw man gyud ang tawo kon buhi......syempre mokapay ug isikad sab ang tiil....

gawas kon mag scuba diving ka......ang isul-ob nimo nga wetsuit pasudlan raman nimo na ug hangin gikan sa tangke aron ka molutaw...ang pagpalugdang ang weight nga imong gibakos mauy magpalugdang nimo...

btw, asa man diay ka karon igsoon...naa ka sa Indonesia?
Title: Re: TUNGAW
Post by: bugsay on July 13, 2010, 11:44:51 PM

bwahahaha......ang ilong mauy gisimhot, ang tumoy mauy nisidlit... ;D
Title: Re: TUNGAW
Post by: BolBuhol on July 13, 2010, 11:46:39 PM
bisan ba ug ma ambak ko sa lawom nga tubig ug mag estede lang molataw gihapon ko? o kinahanglan jud magsikadsikad akong tiil.

unsay btw.  wala ko sa indonesia naa ko sa manila, bago rako god naka katon aning kumpyoter.
Title: Re: TUNGAW
Post by: vhinz08 on July 13, 2010, 11:49:26 PM

ngano man ning tungaw nga nag scuba naman?  ???
Title: Re: TUNGAW
Post by: bugsay on July 13, 2010, 11:55:03 PM

sultihan ta kag nganong nakahibawo kong molangoy......
lingkod ug bukong kay maghisgot tas nangagi..

naligo mi sa dagat....nga bukana sa sa suba...so medyo lawom....ang among silingan nga edaran na adtong panahuna, nagtuo nga kamao na ko molangoy, giitsa kos lawom....perti tawon nakong kapakapa...nagdali hinoon pod kog kuha pero daghan na kaayong tubig akong nainom....sukad ato sige na ko'g practice ug langoy....
pero sa wa pa ko, nakahibawong molangoy, hapit sab ko nalumos....ang nakakita nako atong panahuna si Jose...daghan diri sa TB ang kaila ni Jose kay bana siya sa Mayor sa Cortes....
maayo gani kay dihay nag boating nga mga babaye nga among silingan, gidali kog haw-as tawon.....
so ang akong experience sa dagat mauy nag-aghat nako nga makahibawong molangoy.

mao toy sinugdanan...... ;D

pero murag layo na man tas' topic nga tungaw...heheheh
Title: Re: TUNGAW
Post by: bugsay on July 13, 2010, 11:56:13 PM

bwahahahha..unsaon ning atong amigo nga daghan mag pangutana....pasayloa lang ko bai Vhinz

 ;D
Title: Re: TUNGAW
Post by: BolBuhol on July 13, 2010, 11:59:53 PM
pero gi unsa nimo pag practis sir diha ka ra sa daplin sa dagat, o kinahanglan mo adto jud sa lawom gusto man god ko makahimao kay mangaligo mi sa dagat ra ba kuyog akong gina pangulitawhan unya ulaw ra ba ug dili kabalo mulangoy
Title: Re: TUNGAW
Post by: bol-anon quo nyur! on July 14, 2010, 02:08:54 AM

 Bambi, asa mo tig pangahoy? Kami, ana mi tig pangahoy sa Luyo sa buwangan ni Segundo Lim. :)
Title: Re: TUNGAW
Post by: islander on July 14, 2010, 05:50:24 AM

kaguwapong istoryaha.  pareha ra nig na-scientist nga genius kay nahagbong ug math sa elementary pa.  (einstein?)  ako intawon, bisag mapaakan ug tungaw, wa gyod kakat-on ug langoy hangtod karon.  maayo pa si bai bugs, kay hapit malumos, da, naa nahimong okoy nga naka-wet suit.
Title: Re: TUNGAW
Post by: bol-anon quo nyur! on July 14, 2010, 05:55:21 AM
 Pastilan ni si Bugsay, ang silingan man maoy pasanginlan nga giitsa siya, dili tuod!....Pag PAAK sa tungaw nakurat ka! :D Ug miambak ka sa lawom :D Apan diay dili ka kahibaw molangoy ;) Ang TUNGAW maoy pasanginli ;)
Title: Re: TUNGAW
Post by: islander on July 14, 2010, 05:59:07 AM

hahaha, dali ra gyod diay ko mailad, bqn.  shot ko sa bugsay story, patuo ko dayon.  sakto tuod, way laing nakapatiglawom ni bugs adto, tungaw ra gyod. ;D
Title: Re: TUNGAW
Post by: david on July 14, 2010, 06:05:04 AM
ag sa pebrero ni bakasyon ko unya namusil kog manok ihas sa bukid sa maribojoc naka kuha kog isa persang daghana og tungaw...abi kog wa nay tungaw rong panahuna
Title: Re: TUNGAW
Post by: hubag bohol on July 14, 2010, 06:08:35 AM

Bwahaha! Ug ayaw kalimti ang detalye nga ang iyang itlog maoy gikuninitan sa tungaw... ;D
Title: Re: TUNGAW
Post by: islander on July 14, 2010, 06:57:55 AM

itlog?  tug-an sa tinuod, bai hubs.  ang itlog nga hinuwaman ni bai bugs?  ug ikaw ang gihuwaman? ;D 
Title: Re: TUNGAW
Post by: hubag bohol on July 14, 2010, 08:51:22 AM

He he, unsaon pagkakat-on og langoy nga nagsigi mag kawot sa bilahan nga nanglabhag sa tungaw... ;D
Title: Re: TUNGAW
Post by: farimz on July 14, 2010, 10:52:55 AM
daghan japon kaau og tungaw sa amoa.....

labina sa lugar sa akong lola.....

mao nga kaplot dli jd mawala....

para og tungaw motapot...

sa kaplot maibot....... ;D ;D ;D
Title: Re: TUNGAW
Post by: hubag bohol on July 14, 2010, 11:25:56 AM

Oi, Ms. Farimz, long time no read! ;D

Ang tungaw nga motapot
Duol sa imong lubot
Sa tanto nimong kalot
Mosamot lang pagdukot.

;D
Title: Re: TUNGAW
Post by: farimz on July 14, 2010, 11:30:55 AM
lagi...krn pa ko nakabalik........... ;)
Title: Re: TUNGAW
Post by: hubag bohol on July 14, 2010, 11:41:10 AM

Namingaw baya ang balak-balak sa miaging pila ka bulan...
Title: Re: TUNGAW
Post by: islander on July 14, 2010, 11:45:42 AM

very fertile imagination... hinaot unta nga matiklopan kag bilahan ug laki nga wa matuli.

ayawg lihay.  tubaga una ang akong pangutana (post #89, this thread).
Title: Re: TUNGAW
Post by: hubag bohol on July 14, 2010, 01:27:45 PM

Morag tighuwam man tingali diay kag itlog...  :P
Title: Re: TUNGAW
Post by: Bambi on July 14, 2010, 04:12:33 PM

...unsa ug gikan dis-a man ning "TUNGAW"?.....is it an insect or....just to keep a boring person busy.....aron lang mangawot?  ;D
Title: Re: TUNGAW
Post by: hubag bohol on July 14, 2010, 04:18:05 PM

Insect man kuno ning tungaw, Bambs. Mangita nig parte sa lawas nga hot and moist, adto mosupsop og dugo...
Title: Re: TUNGAW
Post by: Bambi on July 14, 2010, 04:26:18 PM

tnxs hubs, perting gjod hasola ikawot ug tungaw...lisod ra ba gjod lugiton...pastilan intawon tong way mga dagom sa ato.   ;)
btw...yesteryears, may tungaw ko sa una sa ilok, kanang gikan mi mangahoy...makapungot kay mamukaw sa kakatol...mosamot ug suk-sok inig kuhit na  ;D
Title: Re: TUNGAW
Post by: hubag bohol on July 14, 2010, 04:36:38 PM

Mao ni mga dapit nga lisod--sama sa ilok ug itlog, kay dili even ang skin surface, daghang kasuksokan... :P
Title: Re: TUNGAW
Post by: hubag bohol on September 06, 2016, 09:11:04 PM
Bwahaha! Kaaleegre ani nga old thread. Layo kaayo ang gilupad sa tungaw... ;D
Powered by SMFPacks SEO Pro Mod | Sitemap
Mobile View
SimplePortal 2.3.7 © 2008-2020, SimplePortal