Ania na usab ang usa sa ahong mga balak nga namugna niadtong niaging tuig.
Ug kini pahinungod sa ahong paborito nga "tuba"..basta kanang tam-is,di ko ug bahal kay aslum,ahehehe.
Tubaby Julai
Ohh ilimnon nga gikan sa lubing bantugan,
ang imong kalami gihandum sa adlaw nga tanan.
Ilimnon nga gikan sa sugong,
ang imong kalami di gayod makabong.
Matam-is kaman o mabahal,
sa akong kauhaw makatambal.
Bisan ako walay daghang sapi,
apan ako maningkamot nga kanimo makapalit.
Sa tanang ilimnon nga akong natilawan,
ikaw gayod ang pinaka namber wan,
tungod kay ang imong kalami,
dili ko na makalimtan.
Ako mapasalamaton kanimo,
sa labihan ka dako.
Kay tungod kanimo ako naka bungat
sa akong gibati ngadto kang inday nga binuhat.
Ikaw gayod ang hinungdan sa akong kalipay,
tungod kay gisugot na ako ni inday.
Ang babaye nga gipitik sa akong dughan,
sa dugay nang mga katuigan.
Ug karon nga kami usa na ka magtiayon,
ikaw apil na sa among kaminyoon.
Tungod kay kaming duha ni inday,
dili na mahinanok kung kanimo dili makatagay.
Linkback:
https://tubagbohol.mikeligalig.com/index.php?topic=1963.0