MikeLigalig.com

Kon sa imong pagpauli, nangligabgab
Ang mga gangis ug wala motagbo
Ang sinilihang mga pulong:
(Diin ka na usab gikan?
Maayo ka nakainom og sabaw
Sa pasaw! Kami hangin ra!)

Ug dili na mobagting ang dalunggan
Inigkalawat sa ebanghelyo sa bata,
Paghubog ug paglipay
Kay bulahan ka.

Natulog na ang asawa nga magkaon
Og sili samtang maghangad sa Buwan.
Ug miuk-ok na ang dila
Sa napagaw nga bata.

Midayeg ako sa tanang mga balak ni Bisayantek nga contemporary and style. Usahay lawm kaayo ug lubog sa sa sobra nga ka-abstract.

Mura sa akong amigo nga artist (painting) nga mi ingon: Kung magka mature ug magka taas ang kalidad sa usa ka artist, magka laksot kuno ang iyang mga drawing, apan magka-lawm usab ang mensahe sa iyang gi drawing ug magka mahal ang bili. Sama ra usab ang usa ka balak.

Nakalimot diay ko ug vote sa poll.

Ang mga balak ni Bisyantek down-to-earth ug nagapahayag sa yano nga panginabuhi. Ang iyang mga materials indigenous ug iyang gi gamit ang mga butang nga iyang nakita ug nadungog sa iyang palibot.

Daghang salamat sa komento, Macky.

I think usa ka sa membro sa BOWACCC. Akong nasulat sa miaging tuig ang bahin sa inyong kapunongan og napatik sa Bisaya magazine ug Liwayway magazine.

Daghang salamat Bisyantek, nga pinaagi sa imong ka hanas sa pagsulat, naisabwag sa kadaghanan ang tumong ug tingoha sa among kahugpongan nga ginganlan ug BOWACCC.

Among gi isip nga dakong utang kabubot-on ug kini usa sa naghatag kanamo ug kalampusan.

Tingali nahisulat kini sa libro sa kaparan nga kitang tulo ni Mike magkahimamat dinhi sa Tubag Bohol. Nahinumdom ako nga ang BOWACCC mi hatag ug hinabang sa usa ka panghitabo nga diin may mga bata nga nahilo sa Balanghoy ug wala nako dahuma nga si Mike Ligalig diay ang nagsulat sa maong balita, niadtong kawani pa siya sa Bohol Chronicle.

Padayon sa imong mabolokon nga pag-ugmad sa pinolongang Binisaya.

Quote from: bisayantek on October 09, 2007, 10:02:35 AM
Kon sa imong pagpauli, nangligabgab
Ang mga gangis ug wala motagbo
Ang sinilihang mga pulong:
(Diin ka na usab gikan?
Maayo ka nakainom og sabaw
Sa pasaw! Kami hangin ra!)

Ug dili na mobagting ang dalunggan
Inigkalawat sa ebanghelyo sa bata,
Paghubog ug paglipay
Kay bulahan ka.

Natulog na ang asawa nga magkaon
Og sili samtang maghangad sa Buwan.
Ug miuk-ok na ang dila
Sa napagaw nga bata.

Bisayantek,

What comes to my mind is ERAP's homecoming after his pardon.

Quote from: bisayantek on October 09, 2007, 10:02:35 AM
Natulog na ang asawa nga magkaon
Og sili samtang maghangad sa Buwan.

Hmm. Tulukibon kaayo ning mga linyaha. Magkaon og sili? Maghangad sa buwan? Tilimad-on sa unsa?