TINAHUD KONG BOL-ANON,
Tawga lang ako sa dagnay'ng dakog_itlog. Dili ako usa ka magsusuwat apan nagpakatakos ako pagtagik pagbalik ning sugilanon sa akong kinabuhi nga nahigapos sa problema sa gugma. Sa maka-usa ako-a na kining nahisulat sa pikas payag sa pamasin nga kahatagan ug tambag ug tugoti nga dinhi ako usab kining ipa-ambit ko usab kini sa dakong pagtu-o nga kahatagan ninyo ug dugang pang dan-ag kining naglagitum kong dughan tungod sa kapakyasan sa gugma.
Ginoong Bol-anon, usa ako ka kanhi manananggot, ubos lang tuod kining maong matang sa trabaho apan mapasigarbuhon ako niini. Gamay ra tuod ang akong kita apan nakahatag na akog kalipay sa akong Tatay ug Nanay sanglit makapalit man ako ug 1 ka kilong bugas ug 1 ka tasang ginamos matag adlaw diin maoy among gikabuhian. Tungod lagi sa usa ka ambisyon nga moangat-angat ug dyotay ang among kahimtang, mao nga nahipadpad ako sa dakbayan sa Tagbilaran diin didto nagtrabaho ako isip usa ka PANADERO. Nindot na tuod ang akong trabaho kay dili naman kinahanglang mokatkat pako sa lubi aron lang makakuha ug tuba pinaagi sa sanggot. Tuig 2000 katong higayona diin akong gika ila ang usa ka matahum nga binuhat nga ambot ug ngano ba dili man gyod mapapas ang iyang hulagway sa akong handurawan. Siya si FAYE diin nag eskwela pa sa UB niadtong higayona. Pila rabay estorya sa mga adlawng naglabay ako gyod nasulta nga nahigugma di ay ako kaniya ubos sa dakong kasayuran nga dili ug dili gyod ako angay kaniya. Apan bisan pa sa tanan, nagmasiboton gyod ako sa akong tinguha nga ikapadayag ko ngadto kaniya ang akong gugma nga diin siya ra ang nahalaran ko niini. Tuod man ako gyod napadayag kaniya ang akong gugma apan ambot ba nga bahakhak man lang sa katawa ang akong nadungog kaniya.. Tingali tungod kay usa lang ako ka ambisyosong manananggot nga nahimong panadero niadtong higayona mao nga wala gyod akoy luna sa iyang kasingkasing.
SAkit kaayo ang kapakyasan nga akong nahiaguman apan mao kini maoy gihimong kong hinagiban sa kinabuhi aron mabuntog ko ang mga kalisdanan nga nagababag sa akong gilaktan. Ang maong kapakyasan maoy gihimong kong inspirasyon aron makab-ot ko ang akong ambisyon nga mamahimong usa ka Disenyero sa umaabot nga katuigan. Tuod man binuligan ni Bathala wala ko damha nga dili lang kay nakab-ot, apan nagakus ko pa ang maong kalampusan.
Tuig 2004 nahipadpad ako sa halayong dapit aron didto akong ibubo ako ang akong kahibalo sa pag disensyo. Unya sa ka imbistayon gikan sa usa ka suod ko higala ang miabot sa akong email nga nag kanayon bay bisita pod panagsa sa TUBAGBOHOL. Tuod man sa dakong kadasig mibisita jod ako tungod kay gimingaw na lagi ko sa bohol. Ug dinhi wala ko damha nga akong gikahibalag pagbalik ang babaye nga maoy nahikulit na sa akong kasing2x. Ug dinhi nagtuyok kining akong mga pangutana na nahimong suliran sa akong kasing2x.
Maon kini ang akong mga pangutana Ginoong Bolanon:
1. Mas maayo kaha nga akong ipadayag ko kaniya sa ikaduhang higayon ang akong gugma?
2. Sayod kong kapakyasan lang gihapon ang akong madawat Ug ning Ikaduhang higayon madawat ko pa ba kaha ang maong kapakyasan? Nahadlok kong makahuna-huna ug hikog. Intawon tabangi ug tambagi ako.
Kanimo matinahuron,
dakog_itlog
Linkback:
https://tubagbohol.mikeligalig.com/index.php?topic=6693.0