Author Topic: Si Ulan ug si Buhawi  (Read 1271 times)

hubag bohol

  • AMBASSADOR
  • THE SOURCE
  • *****
  • Posts: 89964
  • "Better to remain silent and be thought a fool...
    • View Profile
Si Ulan ug si Buhawi
« on: November 08, 2013, 04:32:36 AM »
SuperBalita Cebu » Opinyon
Eskina: Lorenzo Niñal
Wednesday, November 6, 2013


NING nangaging mga semana, nakapangutana ko sa kaugalingon kon unsay naa sa Cebu ug Bohol nga mura’g paborito man sila sa mga katalagman. Ok ra man tingali og kausa lang, apan kon magsunod-sunod na pud, makahangad na ka sa langit ug makapangutana, “Lord, unsay nahimo namong sayop?” da­yon hilak.

Apan kon atong susihon pag-ayo, di ra man sab kining duha ra ka-probinsya ang gikulata sa mga kalamidad. Kapila na sab tang mga Bisaya nakasuway nga maghayang-hayang lang sa tumang kahayahay samtang ang ubang probinsya ninglutaw na sa tubig ug gipadpad na sa hangin.

Niadtong panahona, sila sab tingali ang nakai­ngon, “Lord, anong aming nagawang kasalanan?” sabay iyak.

Buot nakong ipasabot, dili mopili og lugar ang katalagman. Di sama natong mga tawo, ang kinaiyahan walay gidipigan o gidumtan nga probinsya. Wa siyay biases, kon sa iningles pa. Mao nga di ta kaingon, “Ka­gwapo natong mga Bisaya, nganong linogon man ta?”

Ang kinaiyahan, tira kon tira. Mao ni iyang kinaiya (nature), mao nga gitawag siya’g kinaiyahan (Nature). Kon makasulti pa to’ng linog sa niaging buwan, nananghid na tingali to siya aron makaandam ta: “Excuse me mga Bisaya, mag-aftershock na pud ko.”

O di ba kaha moingon ang lunop, “Magbaha ko ha kay opaw na inyong kabukiran” aron pagpahibawo nato nga di niya tuyo nga pasakitan ta.

Linkback: https://tubagbohol.mikeligalig.com/index.php?topic=76564.0
...than to speak out and remove all doubt." - Abraham Lincoln

Book your travel tickets anywhere in the world, go to www.12go.co

unionbank online loan application low interest, credit card, easy and fast approval

hubag bohol

  • AMBASSADOR
  • THE SOURCE
  • *****
  • Posts: 89964
  • "Better to remain silent and be thought a fool...
    • View Profile
Re: Si Ulan ug si Buhawi
« Reply #1 on: November 08, 2013, 04:33:21 AM »
Mao nga walay basihanan ang pagmahay. Kon naay usa ka butang nga atong mahinuklogan sa nangaging katalagman, kini mao ang kamatuoran nga pagkagamay ra gyud natong mga tawo itandi sa kinaiyahan. Buling ra ta sa kuko sa Ginoo nga way panghinguko.

Kon akoy pasultion, kabahin ta sa kinaiyahan. Usa ta sa yuta, sa tubig, sa hangin, sa panganod. Usa ta sa dagat ug sa bungtod, uban ta sa anod, kuyog ta sa uyog.

Kini ang rason nganong sa kinaiyahan nako gikuha ang mga pangan sa akong duha ka anak.

Ang akong dos anyos gihinganlan nako’g Ulan. Ang akong duha ka-buwan gihinganlan nako’g Buhawi.

Pagkahibawo niya ini, pwerteng katawa sa usa nako ka-paryente nga may mga anak nga gihinganla’g Madonna ug Britney.

Apan dili tanan nahimuot, labi na ning panahon sa katalagman. Basi’g may kalabotan ang akong duha ka-anak ining tanan, kinomedya pa’ng pung sa usa ka-silingan.

Di man sa tuo-tuohon ko, apan dihay kausa, akong gitutokan pag-ayo ang akong mga bata kon wa ba silay mga timailhan sa pagkagamhanan, sama sa ikog, sungay ug tango. Wala man hinuon. Gani, niadtong Lunes sa gabii nga kusog kaayo ang ulan ug may pakapin pa’ng buhawi, pwerte man hinuong katug ni Ulan ug Buhawi.

Apan aron lang pag-seguro, sunod namo nga anak among hatagan og pangan nga di kaayo bagsik. Ok ra tingali ang Taligsik. (@insoymada on Twitter)


8)

Linkback: https://tubagbohol.mikeligalig.com/index.php?topic=76564.0
...than to speak out and remove all doubt." - Abraham Lincoln

Book your travel tickets anywhere in the world, go to www.12go.co

islander

  • SUPREME COURT
  • THE LEGEND
  • *****
  • Posts: 46867
  • If you're from Pluto, you're welcome.
    • View Profile
    • Book Your Travel Tickets
Re: Si Ulan ug si Buhawi
« Reply #2 on: November 11, 2013, 10:20:20 PM »
Apan aron lang pag-seguro, sunod namo nga anak among hatagan og pangan nga di kaayo bagsik. Ok ra tingali ang Taligsik. (@insoymada on Twitter)


8)

dag-om na lang kaha ang ingan aron wa gyoy mabasa.  sure gyod hinoon ko nga kun baye, di gyod manganlan ug yolanda. ;D

Linkback: https://tubagbohol.mikeligalig.com/index.php?topic=76564.0
Republic Act 8485 (Animal Welfare Act of 1998, Philippines), as amended and strengthened by House  Bill 6893 of 2013--- violation means a maximum of P250,000 fine with a corresponding three-year jail term and a minimum of P30,000 fine and six months imprisonment

Book your travel tickets anywhere in the world, go to www.12go.co

unionbank online loan application low interest, credit card, easy and fast approval

Tags: