MikeLigalig.com

Sama Sa Dalan Paingon Sa Imong Dughan
gitagik ni Mike Ligalig

Gisud-ong mo ako
nga nagpakli-pakli
sa gatosan ka mga libro.

Miliki sa imong ngabil
ang hanap nga pahiyom
ug nangutana ka
kung unsa ang akong gipangita,
kung unsa kadtong mga libro
nga gihakgom sa akong mga bukton.

Gitunol ko kanimo
ang mga libro
aron imong mabasa
ang mga ulohan
nga sukad wa mo pa hidunggan.

Imong giuli kanako
ang mga libro
ug igo ka lang miyango-yango.

Tabangan mo kaha ako
sa pagpangita sa mga libro?

Sama sa akong pagpangita
sa liko-likong dalan
paingon sa imong dughan?

Aguy! murag kanta..."the long and winding road"

Tabangan mo kaha ako
sa pagpangita sa mga libro?

Sama sa akong pagpangita
sa liko-likong dalan
paingon sa imong dughan?

grabeh.. this is really poetry!!!

idol tlga kita mike,, i printed all your poems from your personal site,,

the best imong "dahong laya". i forgot the whole title.. basta.. n' ukay-ukay..

Hi BoyLawas, wala pa mahipno to nga site for all my Bisayan poems. Na-busy pa diri sa Tubag Bohol.

Kadtong "Ukay-ukay" nga balak, murag daghan man ang gitikon adto.

bag-o nako nahibal-an kini nga site, didto na ko naga-tambay daan sa imong site.

hapit na man gud ko mag thesis. plano sad nako nga bisaya poetry akong i-thesis.

basig pwede ta ka isulod sa akong acknowldgemnt..hehe. isip inspiration.

bitaw, nindot jud imong mga balak.

Salamat Boylawas. Diha naman toy taga Silliman nga Literature student nga mi-interview na ko para sa iyang thesis on Bisayan poetry. Murag nakaapil pud to sya sa National Writers Workshop sa Silliman. I forgot his name.

Daghang mga poets diri sa Tubag Bohol. Daghan pa usab akong balak nga wala pa nako i-post sa website kay busy pa.