TUBAGBOHOL.com with Ligalig Mike Ortega

Inside Bohol => Pulong Bisaya => Topic started by: Ligalig-Mike on June 06, 2008, 09:23:46 PM

Title: Sa Babaye Nga Naghubo Didto Sa Baybayon Sa Obong
Post by: Ligalig-Mike on June 06, 2008, 09:23:46 PM
Sa Babaye Nga Naghubo Didto Sa Baybayon Sa Obong
sinulat ni Rene Estella Amper
(circa 1989)

Nahitimbakuwas ang akong panan-aw
sa kalit nga pagdailos
sa imong patadyong
daw ang labtik sa pasol
tadlas nianang nag-ugdo nga kabilin
diha sa puti mong dughan.

Kaayong pagkaladlad
Sa duha ka biyoos, nanuyhakaw
diha sa kabuntagon.
Kaayong ikinto ibabaw sa akong balikhaw!
Kaayong isinggit paghinay!
Kay samtang nagpanglingi ka
kon wa bay nakaambit sa imong pagpabaya,
nagbingkil ang mga dahon,
gitukmod sa lunhaw ang laya
aron motipon sa yuta;
nasaag ang huyohoy,
miong-ong ang akong mga mata
ilawom sa gamot sa kahoy;
midailos pagsamot ang patadyong
napasapasa ang imong kanindot,
gisapnay ka sa mga balud,
gisapupo ka sa tinubdan
sa kahayag ug anino,
gitinguha ka sa mga lusay
aron himoong gapasan
sa ilang alimungaw,
gihulad kang way kaindig
sa mga tinguha sa daman ug damgo,
ang imong pusod garbo sa Ludabi,
ang imong kiaykiay lunsayng Sugboanon;
gipasangil ko sa langit
ang akong himaya
kay sa paghagtos sa pasol,
gibinlan mog taga ang akong kasingkasing.
Title: Re: Sa Babaye Nga Naghubo Didto Sa Baybayon Sa Obong
Post by: orChids on June 06, 2008, 09:30:12 PM
Bro,unsa ning Obong?
Title: Re: Sa Babaye Nga Naghubo Didto Sa Baybayon Sa Obong
Post by: Ligalig-Mike on June 06, 2008, 09:34:40 PM
Aya, basin lugar ni sa Sugbo. Karon pa ko kadungog aning dapita.
Title: Re: Sa Babaye Nga Naghubo Didto Sa Baybayon Sa Obong
Post by: orChids on June 06, 2008, 09:36:32 PM
Karon pa man ko kadungog ani Bro.Pero nindot nga balak.Ako unya ning himuon,hahaha.
Title: Re: Sa Babaye Nga Naghubo Didto Sa Baybayon Sa Obong
Post by: hubag bohol on June 25, 2010, 04:59:38 PM
Pwede ni ilisan ang title:

Kulba-Hinam Ang Pagpamoso

Bwahaha! ;D
Title: Re: Sa Babaye Nga Naghubo Didto Sa Baybayon Sa Obong
Post by: bugsay on June 25, 2010, 11:00:38 PM
pwede pod:

"Wa Damha Nga Nakapamuso".

or "Ang Swerte Muabot Sa Takna Nga Wa Damha" 8)


OT:
Mingaw man ron....asa na kaha sila namuso? ;D
Title: Re: Sa Babaye Nga Naghubo Didto Sa Baybayon Sa Obong
Post by: hubag bohol on June 26, 2010, 06:59:11 AM
ug gihakop sa nagkurog kong palad
ang nag-igdal kong gamot...

;D
Title: Re: Sa Babaye Nga Naghubo Didto Sa Baybayon Sa Obong
Post by: hubag bohol on June 26, 2010, 07:12:39 AM

Bwahaha! kon mag-estambay kas baybayon, malagmit naay swerte nga moabot!

OT:
Asa na bitaw ang mga bososero (word used by Ms. Isle)?

;D
Title: Re: Sa Babaye Nga Naghubo Didto Sa Baybayon Sa Obong
Post by: statesville on August 04, 2010, 03:04:08 AM
Karon dili na kinahanglan mamoso, kay bisan asa ka  punta
  naa nay daghang pusod  giplastar
  may lawom may mabaw ug may budlot....
Title: Re: Sa Babaye Nga Naghubo Didto Sa Baybayon Sa Obong
Post by: hubag bohol on August 04, 2010, 10:19:31 AM

Appetizer ra man ang pusod... ;D
Title: Re: Sa Babaye Nga Naghubo Didto Sa Baybayon Sa Obong
Post by: BolBuhol on August 04, 2010, 06:40:55 PM
basta kong posod na borotborot ga panahot, ug ang posod galawom bitokon
Title: Re: Sa Babaye Nga Naghubo Didto Sa Baybayon Sa Obong
Post by: hubag bohol on August 05, 2010, 08:29:55 AM

He he, lawom jud tuod ang pusod kon bitokon kay moburot man ang tijan. Mao nga ang kigwahon lawom pud og igot-igot... ;D
Title: Re: Sa Babaye Nga Naghubo Didto Sa Baybayon Sa Obong
Post by: hubag bohol on August 05, 2010, 08:31:46 AM

layoa god ngano na abot man sa isda nga borotborot nga pusod man ang tapik
Title: Re: Sa Babaye Nga Naghubo Didto Sa Baybayon Sa Obong
Post by: bugsay on August 05, 2010, 04:30:09 PM

lami ang isda'ng borotborot....
ang init nga sabaw huwas sa panuhot....
pero imong sip-on moborot
makapaluag sa ilong nga ping-ot. ;D
Title: Re: Sa Babaye Nga Naghubo Didto Sa Baybayon Sa Obong
Post by: hubag bohol on August 05, 2010, 04:51:05 PM

Kon ang babayeng naghubo maoy gipanuhot
Unya mopabulhot og taman ang iyang sampot
Dihadiha matambalan ka sa imong ping-ot
Kay ang gibuga sa ilong mo manuhotsuhot.

;D
Title: Re: Sa Babaye Nga Naghubo Didto Sa Baybayon Sa Obong
Post by: bugsay on August 05, 2010, 04:58:01 PM

sa Obong kamong duha naghubonghubong
nagpang-lagaak ang kawayan nga bongbong
wa ka agwanta kamo silong ni suong
gilusak ang gamay niyang lusong
Title: Re: Sa Babaye Nga Naghubo Didto Sa Baybayon Sa Obong
Post by: insurectus on August 06, 2010, 02:19:49 AM
basin pasabot ani nga obong kay ang obong spring duol na sa boundary sa dalaguete og alcoy sa cebu
kaligoanan man murag porma anang kaligoanan ubos sa NFA sa atoa daghan bitaw maghubo mga batang gagmay
murag mga tarsan ang uban naay bagon
Title: Re: Sa Babaye Nga Naghubo Didto Sa Baybayon Sa Obong
Post by: hubag bohol on August 06, 2010, 04:32:36 PM

Bwahaha! Ug sa dihang kamo nasakpan,
Sa way seremonyas misutoy mog dagan.
Dimalas kay nakatunob kag kagingking
Mao nga mikaratil kang nagtakingking!

;D
Powered by SMFPacks SEO Pro Mod | Sitemap
Mobile View
SimplePortal 2.3.7 © 2008-2020, SimplePortal