TUBAGBOHOL.com with Ligalig Mike Ortega

Inside Bohol => Pulong Bisaya => Topic started by: Ligalig-Mike on April 27, 2007, 01:01:12 AM

Title: Sa 58, Unsa Pay Molukso?
Post by: Ligalig-Mike on April 27, 2007, 01:01:12 AM
Sinulat ni Dr. Erlinda Kintanar Alburo
(Alang kang Rene, sa Leap Year 2004)


Naa pay daghan dihang naglumpayat.
Pananglitan, ang ulan sa sandayong---
               Ang liso sa iyang bayanan --
               Ang itoy nga nagkiat --
               Ang mananaog sa lumba --
               Ang naghikog diha sa taytayan --
               Si Inday nga mao pay pagkadawat
                         og sulat ni Undo --
               ug ang kilatnong silaw gikan ni Buddha.

Makutlo sad gikan sa mga basahon, anaay duruha:
               Ang baki ni Basho nga milukso
               Human sa dakong kahilom
               Diha sa dakong linaw
               Nagpasiplat sa kalunhawng
               Nakapulpog sa tubigong salamin.
               Unya, naa sad diay si Sleeping Beauty
               Nga nahaigking pagbangon
               Ang iyang mga ngabil ug mata
               Napukaw tungod sa anino
               Sa usa ka malamatong halok.

Apan labaw sa tanan:
               Human sa hamubong hulaw
               Ang pinitik sa akong kasingkasing
               Nagkadagma-dagma
               Kay may balangaw ang imong mga mata
               Bisan karon,
               Labina
               Karon.

source: panitikan.com.ph
Powered by SMFPacks SEO Pro Mod | Sitemap
Mobile View
SimplePortal 2.3.7 © 2008-2019, SimplePortal