Author Topic: Peligro Kung Tiwasan Ka (A Commentary on Hospitals)  (Read 1245 times)

pioneer

  • To God be the glory alone
  • FOUNDER
  • GURU
  • *****
  • Posts: 18911
  • stay at home
    • View Profile
    • spiritual preparation
Peligro Kung Tiwasan Ka (A Commentary on Hospitals)
« on: May 24, 2009, 08:37:33 AM »
Peligro Kung Tiwasan Ka
by Mike Ligalig (published by the Bohol Chronicle)

      Ang tawo masakit man gyud. Way tawo nga dili masakit. Mosugot kag sa dili, moabot gyud ang higayon nga molurang ang kalig-on sa imong panglawas ug malup-og ang imong kahimsog.

      Apan ang angay nimong bantayanan kung ang hospital nga imong adtoan mao ray motiwas nimo. Atong pagtuo ang hospital makaayo – tinuod na – kana kung mapinanggaon ang hospital nga imong gisangkoan.

      Apan kung ang hospital nahimo nang garboso ug puro ngalan lang ang gadako ug ang tinuod walay tarong management ug lonlon tigpakarong-ingnon ug tigpasagad ang mga anaa sa sulod, panahon na nga mahigmata ta sa kamatuoran. Usahay makaingon nalang ta nga maayo pay modangop nalang sa mga M.D. (Murag Doctor).

      Dili pa lang dugay nagkahisgot mi ni Chito Visarra, ang way paglubad nakong higala, mahitungod sa kahimtang sa ubang mga hospital dinhi sa Tagbilaran ug sa Bohol (pwera lang sa mga maayo).

      Nagkatakdo ang among mga huna-huna – ug nasayod ako nga mao usab kini ang panahom sa kadaghanan – nga adunay mga hospital nga ngalan ra ang gadako apan sa tinuod mao ray motiwas nimo. Wala ta moingon nga tuk-on ka, apan unsa may imong ihingalan anang hospital nga pasagdan ra ka ug dili ka duaw-duawon hangtud molurat nalang imong mata? Dili ba diay na tiwas?

      Gawas nga daghan na ug sugilanon sa kapalpakan o kasaypanan ug kini wala mahibaloi sa kadaghanan, adunay mga hospital nga nagpatuyang nalang sa ilang kadanghag ug kapamahitas-on.

      Bisan sakto ka sa bayad ug deposito, adunay mga hospital nga dili gyud pagpangga sa pasyente ang anaa sa huna-huna sa mga tag-iya kon dili puro nalang kwarta. Ug kini subo palandungon kay lagi nagtuo man ta nga ang hospital motabang ug alim sa atong balatian apan ang tinuod nagnudnod sa atong kaalautan.

      Unsay buhaton kung nasinati nimo ang way klarong serbisyo sa hospital? Sirit nalang sa Cebu, kay matod pa lagi ni Chito Visarra, “mao ra ang gasto, makabarato pa ka, sakto pa ang serbisyo.”

      Walay problema sa mga doktor. Aduna pay mga banggiitang doktor dinhi sa Bohol nga kinasing-kasing motambal nimo. Apan lagi, sa nahisgutan na sa unahan, diha ka tiwasan sa kangil-ad sa management sa ubang mga hospital (pwera sa mga maayo).

      Pananglitan, nahurot na ang sulod sa dextrose sa imong pasyente. Nabalaka na ka kay dugo na ang misulod sa wire nga nagkutay sa kamot sa imong pasyente. Pag-adto nimo sa nurse station, walay anino sa tawo.

      Usa lang kini sa gatosan ka mga yangongo nga atong nasinati ug nabati sa uban nga mitagam sa ka way nada sa serbisyo sa ubang mga hospital. Naa pay cashier sa hospital nga kung mangasaba ug tawo murag siya ang tag-iya sa kalibutan. Kung naayo man tuod imong pasyente, apan naguba ang imong dughan sa kahiubos.

      Ang labing maayo nga maglikay nalang gyud nga masakit aron dili ka mahisugamak ug hospital nga midako na pag-ayo ang ulo ug garbo na sa kinabuhi ang nagpasulabi.

      Ug kun moabot gyud ang panahon nga gikinahanglan nimo nga magpatambal sa hospital, ayaw tan-awa ang ngalan sa hospital. Maoy sutaa kung kini nga hospital nga imong adtoan dili ka ba tiwasan. Pangitaa ang hospital nga maantigong mosapupo sa imong kasakit ug may tinuod nga gugma alang sa iyang isigkatawo.

      Ayaw paabota nga ikaw nga nagpa-admit maoy sunod mahospital tungod sa pagsilaob sa imong kasuko ug na-heart-attack ka gumikan sa usa ka garboso ug mapahitas-ong hospital.

Linkback: https://tubagbohol.mikeligalig.com/index.php?topic=20089.0
Romans 10:9
"That if you shall confess with your mouth the Lord Jesus, and shall believe in your heart that God has raised him from the dead, you shall be saved."
👇👇👇
Na-try mo na ba yung Tala app? Reliable sa unexpected expenses at laking tulong sa future! Use this code 9SO1TSL or visit www.tala.com to sign up!

unionbank online loan application low interest, credit card, easy and fast approval

Tags: