MikeLigalig.com

PAGSAYLO
(Alang kang Ondoy Lito nga mitaliwan niadtong Septiyembre 30, 2010)

Alang kanako sama katulin ni Ruping
Ang dagan sa Dory. Misaylo
God ka sa gilubngan sa imong inunlan ug miabot
Sa dakbayan diin dili mabati
Ang bagting sa kampana.

Miliwas na ang pista sa Jagna. Naglaba
Na gani si Nanay sa imong labhonon
Samtang naglitanya sa imong bansagon
Nagpangita hain gipadpad
Ang imong mga katawa.

Kon ibatbat ang dapit naabtan, palihog ihunghong
Sa Hanging-habagat. Apan ayaw sultii
Si Nanay nga di ka na makamao moayo
Og kompyuter kay basin maglinog
Ang miyatyat niyang dughan ug padayon
Nga magbunok ang ulan sa Bitaugan.

 


Linkback: https://tubagbohol.mikeligalig.com/index.php?topic=32994.0