normal_post - Paghandom - Pulong Bisaya Author Topic: Paghandom  (Read 898 times)

MIKELIGALIG.com

  • FOUNDER
  • Webmaster
  • *****
  • avatar_1382_1499847132 - Paghandom - Pulong Bisaya
  • Posts: 23454
  • medal1 - Paghandom - Pulong Bisayamedal2 - Paghandom - Pulong Bisayamedal3 - Paghandom - Pulong Bisaya
  • NEED A WEBSITE? email me: info@mikeligalig.com
    • Share Post
clip - Paghandom - Pulong Bisaya
Paghandom
« on: August 20, 2019, 12:35:39 AM »
PAGHANDOM
sinulat ni Ligalig Mike Ortega

Ug ako nahigmata gikan sa daklit nga pagkahitagpilaw samtang nagbasa sa nagpasad nga mga pamantalaan sa kwarto
kansang mga letra nagpangamay sa takna sa akong kahimungawong...
nasigpatan ko ang Adlaw nga mitoyhakaw
sa sidsid sa mga panganod, nagpatim-aw
sa paglarok sa orasan daw gihubsan sa iyang kainit - - - ug ako mikanaog aron manungkab
sa kaldero, nanghinaot nga aduna pay bahaw
nahibilin sa pamahaw;
kay sama kagahapon
ako nagplano unta nga maniudto gihapon
ug tsamparado, paborito nako ug paborito usab ni Mama.

Nalimot ko nga gamay ra diay ang nadung-ag, ug ang akong plano nga mag-samparado posibleng ang sangpotanan pasmo. Ania karon ang akong manghod
nanawag sa telepono; aporado nga makigpaniudto kay kono birthday nako
- ug miingon ko
nga pagtimo-timo sa ka ug una-una -
kay naa sa akong hunahuna basin sama nako
siya usab mapasmo - kay lagi kining peryodista magsuwat, magbasa, maghunahuna ug daghan, unya makalimot
usahay sa takna sa pagdigamo,
ug ang madali-dali mao ra gyud ang pag-abri sa tinapa...

Ning takna sa akong pag-inusara,
nahinumdom ko sa akong Papa
nga patay na, ug sama ni Mama,
dili gyud sila malimot sa akong adlawng natawhan,
ug bisan si Papa naputos sa utang sa iyang pagkapolis, daghang isda iyang dad-on sa balay aron adunay mahikay
kay lagi kono birthday sa iyang anak
nga sama niya magbabalak...

Nganong gibati ko ang kamingaw
karong adlawa?
Tungod ba kay di ko na makita si Papa?
Ug tungod ba kay wa pa katawag si Mama
aron motimbaya kanako ug happy birthday?

Nakita ko ang 3-in-one kape,
tingali kini sa lang akong ibangil sa tinai,
unya modalikyat ko sa Painitang Bol-anon
ug didto yarokon ang mainit nga sikwate,
ingon lang niini ang pagsaulog kos birthday
kay ang importante gipakabuhi pa ta sa Ginoo,
sanglit lumalabay lang kita ug dili mohangtod,
moabot ang adlaw nga kita itumod
sa mamingaw nga lapyahan sa mga panganod;
ang tanang atong talikdan
inig balik nato sa sabakan sa Langitnong Amahan...

Get FREE 500GB online storage:
https://www.pcloud.com/welcome-to-pcloud/?discountcode=fDiE7jtC01VPbCIygaM67jZV



Linkback: https://tubagbohol.mikeligalig.com/index.php?topic=90622.0
Romans 10:9-10
"If you declare with your mouth, Jesus is Lord, and believe in your heart that God raised him from the dead, you will be saved. For it is with your heart that you believe and are justified, and it is with your mouth that you profess your faith and are saved."

Get FREE 500GB cloud storage:
https://www.pcloud.com/welcome-to-pcloud/?discountcode=fDiE7jtC01VPbCIygaM67jZV



Share via facebook Share via linkedin Share via pinterest Share via tumblr Share via twitter

xx
Gabii Sa Paghandom

Started by Ligalig-Mike on Pulong Bisaya

11 Replies
2642 Views
Last post September 22, 2011, 09:27:48 PM
by Ligalig-Mike
 

SMF spam blocked by CleanTalk
Powered by SMFPacks SEO Pro Mod | Sitemap
Mobile View
SimplePortal 2.3.7 © 2008-2019, SimplePortal