Nakapili Na Gyod Ko by Marcelo Geocallo
Nia na gisuksok na nako siya
sa pako-pako sa akong pitaka;
kanang duna na
gani koy bayranan, mohimamat kanako ang mapahiyomon niyang panagway
daw nagpasidaan,
"Seguroa nga may ikabilin ka sa ubang adlaw kay ania na ako sa imong kiliran,
tambayayongan nato
unsay maayo alang sa atong hiniposan."
Kaanindot, nagbukal
ang kadasig sa gitimbol niya nga hunahuna;
ang gisaad ko kaniya
nahimong daguok sa sa busay: Wala nay bisyo nga gipagamot kos kaugalingon,
wala nay huluhapyod
sa mga paa sa igtatari kong hiniktan: kabyara, lakton ug sa kanhing mga sagabay sa alsa-baso ug sa mga sulting dugmok,
pagaduyanon sa
sa lawod sa pagakpak ug mga talidhay.
Matay wa gyod ko masayop, mingdako ang among banay kay ang iyang gibalon pagsulod namo sa kaminyoon, daan mang
gibinlan siyag usa ka anak, sa iyang bana
nga gitigbak sa pangilin sa Robocon ug ang akoa, tulo usab ka tubkan.
Nakasaad na ako
sa akong pagkabiyudo, ug siya, nag-usara na lamang usab sa kinabuhi,
akong nasuta ang iyang kabuotan, dinhi iugbok ko ang akong mohon nga ako siyang ampingan hangtod kanus-a manlugtas ang mga lanot nining kinabuhi.
- Marcelo A
Geocallo
tubagbohol.com
Linkback:
https://tubagbohol.mikeligalig.com/index.php?topic=121784.0
