TUBAGBOHOL.com with Ligalig Mike Ortega

Inside Bohol => Pulong Bisaya => Topic started by: Julai on July 20, 2007, 09:37:40 AM

Title: Nahanaw nga Pagbati
Post by: Julai on July 20, 2007, 09:37:40 AM
Here's another "balak" from yours truly.I wrote this one last April.Though funny,but it's straight from my heart. ;D(murag kanta,hehehe).This is for all the men I loved before, ahehehe. I just want them to know the way I feel. And my emotion for each one of them will be best described in a line of a certain song that goes " I still remember the boy, but not the feelings anymore",hahahaha!



Nahanaw nga Pagbati
by Julai


Nahigugma ako sa usa ka binuhat
bisan ug wala ko pa siya ikahimamat.
Ug sa diha nga nakita ko na siya,
nisamot ang akong dako nga gugma.

OO, ako nahigugma gihapon
bisan pa sa kamatuoran nga dili ko na siya maangkon.
Tungod kay siya aduna nay pinangga,
nga gihalaran sa iyang gugma ug ugma.

Busa giampo ko sa Kahitas-an
nga siya ako nang makalimtan.
Apan nilabay ang panahon
ug ang gugma ko nagpabilin sa gihapon.

Usa ka adlaw ako nahigmata na lamang
sa usa ka wala damha nga kamatuoran.
Dili ko man gusto i sibya apan pasensya na
sa katapusan ang gugma ko nahanaw na!

Pero bisan pa ug ang gugma ko nahanaw na
Ikaw magpabilin nga usa ka higala.
Usa ka maayong higala
bisan pa ug ang gugma ko alang kanimo nahanaw na!

Title: Re: Nahanaw nga Pagbati
Post by: Happy on July 20, 2007, 08:00:36 PM
Julai, of all your poems,this is what I like most..

Kahinumdum lang ko sa akong amiga, naa pud ron siya sa norway, kamao sab siya manghimo ug balak  :)
Title: Re: Nahanaw nga Pagbati
Post by: Julai on July 20, 2007, 08:02:29 PM

thank you very much for d appreciation cel..
mao ba..kinsa man cel ky basin kaila ko?ky aron mag ila2x mi diri...
Title: Re: Nahanaw nga Pagbati
Post by: Happy on July 20, 2007, 08:07:30 PM
Layo ilaha sa Oslo, minyo na pud, Mary Ann ang ngalan  :)
Title: Re: Nahanaw nga Pagbati
Post by: Julai on July 20, 2007, 08:09:32 PM

aww okies..murag wako kaila ana..ahehe
taga bohol pod cel?
Title: Re: Nahanaw nga Pagbati
Post by: Happy on July 20, 2007, 08:11:03 PM
Dili, taga-davao siya
Title: Re: Nahanaw nga Pagbati
Post by: hubag bohol on August 01, 2010, 10:04:08 AM

Nahigugma ako sa usa ka binuhat
bisan ug wala ko pa siya ikahimamat.
Ug sa diha nga nakita ko na siya,
dihadiha nawagtang akong gugma.

;D
Title: Re: Nahanaw nga Pagbati
Post by: statesville on August 01, 2010, 10:30:49 AM
dihadiha nawagtang akong gugma[/i].

;D

Ang gugma kalit nahanaw,
  ako mitimpasaw  didto sa linaw

Ang bayhon dinhang niatubang
   labihan kamakalilisang

Tangkugo gitagiptip
  mga mata nagsukdip

Morag kwaknit kadaut
  nawong salikwaot

Linaktan nagsusapinday
 nagtalagak ang laway

Nanimahong inodoro
 wala tingali makapangilo
 ;D

Hahaha, mao diay si Inday nilikay..
Title: Re: Nahanaw nga Pagbati
Post by: bugsay on August 01, 2010, 10:52:24 AM


ka ngilngig pod aning balaka...

Title: Re: Nahanaw nga Pagbati
Post by: bugsay on August 01, 2010, 10:55:27 AM
sorry ..na double post.
Title: Re: Nahanaw nga Pagbati
Post by: hubag bohol on August 01, 2010, 11:21:01 AM

Nakaigit dagway...

 >:( - nawong sa nakatimaho
Title: Re: Nahanaw nga Pagbati
Post by: bugsay on August 01, 2010, 11:59:38 AM

gitukbil na usab ang kamalinawon sa lim-aw
padulong na usab ang gumonhat nga magtimpasawa
tua ra si bai Hubag nagwara-wara sa iyang lagaraw
bantay mo tanan kinahanglang way mo baraw.
 ;D
Title: Re: Nahanaw nga Pagbati
Post by: hubag bohol on August 01, 2010, 12:11:16 PM

Tingali ang lim-aw karon malinawon
Kay ang banggiitang prinsipe out of town.
Mao nga ako nga mayokmok intawon
Mangawatkawat ron og kisaw, agawon.

;D
Title: Re: Nahanaw nga Pagbati
Post by: bugsay on August 01, 2010, 01:38:35 PM

dia ra ang usa ka majokmok nagtingsi.. ;D
sa kinawatkawat nga paagi sige'g lusi sa iyang buhi 8)
nagliraw-liraw ang mata sa daghang pangutana sa kinabuhi ::)
kon ingon man gani permi ani, makapangutana ko'g ngano pa gyud nga ako nagpatuli. ???
Title: Re: Nahanaw nga Pagbati
Post by: hubag bohol on August 01, 2010, 02:33:25 PM

Ayaw jud pagmahay nga ikaw nagpatuli
Kay basin moabot sa imong kinabuhi
Ang usa ka linalang nga mabilangkaron,
Siging pangablit nimo kay gustong darohon.

;D
Title: Re: Nahanaw nga Pagbati
Post by: islander on August 01, 2010, 10:36:34 PM

unsay tuli, unsay tuli, matod ni inday
igo na lang tawon siya sa panghayhay
pangutang ra man unta ang iyang tuyo
pagkaalaot, pabayran diay sa iyang buho.
Title: Re: Nahanaw nga Pagbati
Post by: bugsay on August 01, 2010, 10:44:59 PM

niining kalibutana mao ra gyud kana ang among tuyo
makigsambunotay tungod lang sa mao nga buho
alangan man ug paumigasan nalang kining amoa
o sa pultahan palugpitan inig sira. ;D
Title: Re: Nahanaw nga Pagbati
Post by: islander on August 01, 2010, 11:02:18 PM

ayaw daginota ang pultahan akong amigo
kay kining sira angay lang sa pagpanghingo
kun putlanay man intawon ang imong tuyo
vagina dentata ang angay iatbang nimo.


Title: Re: Nahanaw nga Pagbati
Post by: bugsay on August 01, 2010, 11:07:47 PM

kakuyaw pod ana'ng kahimtanga
joke ra man unta ang akoa
unsaon nalang ko putol na ang amoa
kon itlog lang unta ang kuhaon pwede ra...

 ??? - way itlog
Title: Re: Nahanaw nga Pagbati
Post by: hubag bohol on August 03, 2010, 08:42:38 AM

Unsaon na man lang nimo kon wa ka nay itlog
Di na tawon si junior niana makatindog
Magsalig na lang unya ka sa tudlo ug dila
Aron si Inday imong mabayaw sa himaya...

;D
Title: Re: Nahanaw nga Pagbati
Post by: taga tigbao on August 03, 2010, 09:51:50 AM
Nahanaw nga pagbating tampalasan,
Sa laing higajon dili na unta ko balikan,
Kay kon mobalik mang uganing ang tanan,
Basin tuyuon ko nalang akoa palugpitan,
Kay sa tanang nahitabo walay puslanan,
Kung sa nahanaw nga pagbati pagabalikan.

Nahanaw nga pagbati ajaw nag langan,
Lakaw na kauban sa handumanang tanan,
Kay sa pagdumdum mo may katapusan,
Sa paghangop kanimo may utlanan,
Salamat nga sa higajon nagtagbo ang atong dalan,
Nahanaw nga pagbati sa kalami natilapan.
Title: Re: Nahanaw nga Pagbati
Post by: hubag bohol on August 03, 2010, 11:40:05 AM

Aron sa nahanawng pagbati ikaw dili na pagabalikan
Pangitag laing maanyag, total naa may daghang kapilian--
Niining maong paagi pait nga kagahapon makalimtan
Kay karon pagtagad mo natingob sa imong gitilaptilapan.

;D
Title: Re: Nahanaw nga Pagbati
Post by: bugsay on August 03, 2010, 12:55:15 PM
bai Tigs, angkamatuoran mao ni:

nahanaw na ang pagbati
ang sakit nagpabilin ug sa kasingkasing nigisi
tindak sa pagmahay nagpungasi
sige'g li-li sa naminghoy nimo'ng buhi ;D
Title: Re: Nahanaw nga Pagbati
Post by: taga tigbao on August 03, 2010, 01:02:00 PM
Bwahahahaha.

Nahanaw nga pagbati dinhi gituki,
Bisan unsaon sa nagminghoy mahiuli,
Kay karon wa na may kalantugi,
Ug sa gabii pirming maglili dang wiwi. ;D
Title: Re: Nahanaw nga Pagbati
Post by: taga tigbao on August 03, 2010, 01:07:49 PM

Naa uroy daghang mapili sa kadaplinan,
Apan dughan nagdumili bisan dug-an,
Kay basin baya ug magabaan,
Laing dughan unya sa dugo matakdan,
Kay dili pa andam ang dughang gibijaan,
Maghuwat lang sa ug kanus-a maaliman,
Laing nilalang gilikajang mapasipad-an,
Langitnong kasuko ug silot unja matagamtaman.

Sagdi lang na tanang mga kapilian,
Sa saktong panahon unja mahalaran,
Asa ra man na, usa ra bitaw padulngan,
Sa kama sa gugma adto na unya pagasaw-an,
Kung ang pagbati nga karon pirmi nasakitan,
Ugma damlag mahikalimtan na ang tanan.
Title: Re: Nahanaw nga Pagbati
Post by: vhinz08 on August 03, 2010, 06:12:20 PM
Nahanaw nga Pagbati[/b]
by Julai


Usa ka adlaw ako nahigmata na lamang
sa usa ka wala damha nga kamatuoran.
Dili ko man gusto i sibya apan pasensya na
sa katapusan ang gugma ko nahanaw na!




Usa ka adlaw ako nahigmata na lamang
sa usa ka wala damha ako gibilangkaran
Dili ko man gusto, apan ako ginudnuran
Sa mga balhibuon daw simod ga basa dinhi sa akong atubangan


Title: Re: Nahanaw nga Pagbati
Post by: hubag bohol on August 03, 2010, 08:30:51 PM

Kinsa man tuod kita nga mobalibad
Kon potahe sa atubangan gihukad?
Tungod kay kita ligdong nga pagkatawo
Itahan nato ang atong kinatawo.

;D
Title: Re: Nahanaw nga Pagbati
Post by: vhinz08 on August 03, 2010, 09:02:42 PM

Ayaw abusohi ang akong kabu-otan
Kay bisag dinhi na lang kutob kita manag-uban
Hinono-a gamita kini aron kita mabulahan
Aron sa umaabot atong mga anak mahimo kini nilang sukaranan.

Kung mawagtang na kini akong pagbati
Mahisama na kini unya  sa akong nawong nga bati
Mo syagit na unya kining mga kauban natong mga baki
Kay ang yutang gipuy-an naughan ug unya nangliki.

 ;D
Title: Re: Nahanaw nga Pagbati
Post by: bugsay on August 03, 2010, 09:28:20 PM
Title: Re: Nahanaw nga Pagbati
Post by: hubag bohol on August 03, 2010, 09:36:40 PM

Salamat nga nahisama sa imong kapangdayagnan
Ang wala diring baki nga labihan kalampingasan
Sa pagkatinuod, uban kaninyo ako mituo
Nga ang maong baki angayan lumsan sa inodoro.

 >:(
Title: Re: Nahanaw nga Pagbati
Post by: BolBuhol on August 04, 2010, 12:05:52 AM
unsa gipang tarong ang nahanaw kay dili basta hikita
maayo ra sila kay kapeyet ilang gi bulgar
aron mahibawan sa kanilang tanan ug dili kita ra
Title: Re: Nahanaw nga Pagbati
Post by: hubag bohol on August 04, 2010, 10:18:26 AM

Tinuod, aron masabtan sa tanan ang ngitngit pas alkitran
Kay dili kita ra ang kita--apil ang duol sa bilahan
Human mapabantang sa kahayag ang tipal-o nga luoran.

:P
Title: Re: Nahanaw nga Pagbati
Post by: bugsay on August 04, 2010, 10:23:24 AM

bwahahaha..niabot na man nig tipla-o:

ang tipal-o mohayag kon imong hikapon
motoyhakaw ang simod murag itoy nga kinapon ;D


Title: Re: Nahanaw nga Pagbati
Post by: hubag bohol on August 04, 2010, 11:55:52 AM

Ang gipanulti diri mga tanghaga nga way kasulbaran
Kay ang nagkulukabildo morag sa pagbati nahanawan
Pun-an pa sa mga pasumbingay nga wa diri wa didto, an.

;D
Powered by SMFPacks SEO Pro Mod | Sitemap
Mobile View
SimplePortal 2.3.7 © 2008-2019, SimplePortal