normal_post - Mitaliwan Si Saturn Sa Among Mga Bukton - Pulong Bisaya Author Topic: Mitaliwan Si Saturn Sa Among Mga Bukton  (Read 1188 times)

Ligalig-Mike

  • FOUNDER
  • GURU
  • *****
  • avatar_1_1507939928 - Mitaliwan Si Saturn Sa Among Mga Bukton - Pulong Bisaya
  • Posts: 18912
  • medal1 - Mitaliwan Si Saturn Sa Among Mga Bukton - Pulong Bisayamedal2 - Mitaliwan Si Saturn Sa Among Mga Bukton - Pulong Bisaya
  • Need A Website? Email me: info@mikeligalig.com
    • Share Post
xx - Mitaliwan Si Saturn Sa Among Mga Bukton - Pulong Bisaya
Mitaliwan Si Saturn Sa Among Mga Bukton
« on: January 05, 2008, 01:06:12 PM »
Mitaliwan Si Saturn Sa Among Mga Bukton
sinulat ni Michael Ligalig

(to saturn: six years after your death i am still haunted by the memory of your last moment on earth, so i write this poem for you.)


Daw gihiwa sa kutsilyo ang among kasing-kasing
inig kadungog namo sa imong pagping-it sa kasakit.
Bisan unsa nalang lamiang pagkaon among gibayang,
igo ka lang molingiw, moluklok sa suok, motago.
Naglibog mi ni Mama unsaon ka namo pagluwas
gikan nianang kalisud nga hilabihan.
Dili na makaantos ako ug si Mama
nga makabati sa imong dangoy-ngoy
sa adlaw ug sa gabii -

usa na ka semana nakalabay.
Amo kang napalgan sa gawas sa balay ni Nay Flora,
naghigda sa yuta, walay umoy, walay kadasig.
Kami nalang unta ang moantos sa imong pag-antos,
apan unsaon man, dili mo kami hisabtan.
Nagsabot mi ni Mama nga siya ang mogunit
sa imong lawas - lawas nga yagpis na intawon
kay lagi walay kaon, wala kay ganang mokaon.
Amo kang gipugos ug panga-nga, gibangilan
namo ug kahoy imong baba aron dili mi mapaakan.
Gialam-alaman ka ni Mama, gihapyod-hapyod
ang imong agtang ug tutonlan ug gisuginlan
nga dili ka mosupak sa among pagtabang kanimo.
Milugnot ka ug maayo, nagkisi-kisi, mitiyabaw.
Padayon ka namo nga gialam-alaman ug gisultihan
sa daghang mga pulong sa pagpangga ug pagmahal.
Pinaagi sa akong tudlo, gikuot ko imong tutonlan,
pamasin nga akong mahikapan ang bukog
o bisan unsa man nga nakabara ug nakasangit
sa imong tilaok o kaha sa punoan sa imong dila.
Pakyas ang paningkamot sa akong mga tudlo.
Mao nga nakahukom mi ni Mama nga pakan-on ka ug tundan
kay di mahimo iring ang mokamras sa imong tutonlan,
pamasin nga modailos ang bukog ngadto sa imong tiyan.
Bisan supak sa imong gusto ug milugnot ka pag-ayo,
akong gidasok ang hinog nga tundan sa imong tutonlan.
Unya, nadungog namo ang nagkahanap mong siyagit;
nabatyagan namo ang pagpamoypoy sa imong kusog;
nakita namo ang imong pagtinga, pagginhawa sa kataposan.
Wa mi makatingog ni Mama - nagtinan-away lang ming duha.
Ug amo kang gisud-ong nga mipahulay sa among mga bukton.
Wa mi kasabot sa among gibati nga kaguol ug pagbangutan.
Nagdungan ug gimaw ang among mga luha ni Mama,
nagdunga usab kami ug tiyabaw tungod sa imong pagpanaw.

Linkback: https://tubagbohol.mikeligalig.com/index.php?topic=8191.0
Romans 10:9
"That if you shall confess with your mouth the Lord Jesus, and shall believe in your heart that God has raised him from the dead, you shall be saved."

Get FREE 500GB cloud storage:
https://www.pcloud.com/welcome-to-pcloud/?discountcode=fDiE7jtC01VPbCIygaM67jZV

orChids

  • GURU
  • ****
  • avatar_18 - Mitaliwan Si Saturn Sa Among Mga Bukton - Pulong Bisaya
  • Posts: 8029
  • medal1 - Mitaliwan Si Saturn Sa Among Mga Bukton - Pulong Bisaya
  • kirschblüte....I'll be back guys..am too busy.
    • Share Post
xx - Mitaliwan Si Saturn Sa Among Mga Bukton - Pulong Bisaya
Reply: Mitaliwan Si Saturn Sa Among Mga Bukton
« Reply #1 on: January 05, 2008, 01:15:32 PM »
Grabe man ka mag pagaray garay jod Bro.Bisan makahilak man pod ko ani oy.Ang amo sa una pod si Bogoy,mao tawon to tig uban uban nako maghatod ug pagkaon sa akong Lolo sa uma,unya nasakit,lisod bitaw mag lantaw sa nagtinga. :'( :'(



Share via facebook Share via linkedin Share via pinterest Share via reddit Share via twitter
 

SMF spam blocked by CleanTalk
Powered by SMFPacks SEO Pro Mod | Sitemap
Mobile View
SimplePortal 2.3.7 © 2008-2019, SimplePortal