adlaw man o gabii ikaw ang gihanduraw
hulagway mo ang kanunayng mahi-umol sa akong panan-aw
hangtud asa ug kanus-a ang kinutuban ning maong ti-aw
ti-aw nga nahi-uban sa matag salop ug sidlak sa adlaw
faye, kasing-kasing ko sa gugma naghigwa-os
nagpangapngap sa tubag niining akong mga pag-antus
mga pangutanang niining dughan walay kinutuban
kon kining gugma ko kanimo aduna bay katumanan
bathala, ning dakog_itlog ikaw lang ang kadangpan
sa matag huhuninghong ning dughan ikaw lang ang gisuginlan
kalampusan o kapakyan itugyan ko nalang kanimo ang tanan
ug hina-ot nga ikaw kanako kanunayng maga-uban
nanag ginukdanay'ng mga balod sa kadagahan
nanag luparang panganod sa kalangitan
dinan-agan adlaw, buwan ug kabito-onan
maoy saksi niining gugma nga kang inday faye man lamang
Linkback:
https://tubagbohol.mikeligalig.com/index.php?topic=6691.0