TUBAGBOHOL.com with Ligalig Mike Ortega

Inside Bohol => Pulong Bisaya => Topic started by: glacier_71 on February 26, 2009, 09:43:28 AM

Title: Mga Jam'-Jam' ni Glacier 2
Post by: glacier_71 on February 26, 2009, 09:43:28 AM
Panghupaw Ni Tikboy

ang adlaw milagiting sa kainit
sa udtong totok nga gihawanan sa panganod.
si tikboy sa kakapoy nagaping-it, 
ang singot nagtulo sa panit niyang napagod.

ang kabaw nagaguyod sa balsahan
nga nagasubay sa gip-itong panginabuhi.
nagkalapok ang tiil sa umahan
nga nagtikad sa ugang yuta aron mabuhi.

ug miabot ang madanihong takna
sa iyang pagpahulay ilawom sa sagingan;
nabati ang tingog sa pagaw'ng trumpa,
nagpangagni og tapok sa tanan nga katawhan.

dool na man diay ang piniliay,
pagka-presidente, senador ug gobernador.
nanggingisi pa ang ilang panagway
gitabon sa buslotong bong-bong ug aparador.

kinsa na man kaha poy pilion ron?
naglumba pagpangambak ang ilang mga ngalan
sama sa nangahagbong mga dahon,
nagkaway-kaway, nitiurok sa handurawan

kaanindot kung mausab na kaha
ang hugaw nga pamaagi sa bugnong-lugaynon.
naglumba pagguwa ang mga luha
ni tikboy nga nagpanghupaw intawn sa kawad-on.

unsa na man poy mapaabot karon
human sa eleksyon ang mga saad mahanaw
ingon sila among dalan ayohon
kay ang libaong mura na'g tunaan sa kabaw

takna na man diay sa panihapon
murag gilaksi sa kagutom iyang tinai
Tok! tok! tok! Kinsa man ning misuroy 'ron?
Tikboy! Diay uwan-uwan! Palihog pangabli!
Title: Re: Mga Jam'-Jam' ni Glacier 2
Post by: colliers on March 24, 2009, 02:56:24 AM
election time is coming. welcome vote buying. a season of promises. he who has no money
surely loses.
Title: Re: Mga Jam'-Jam' ni Glacier 2
Post by: ms da binsi on March 24, 2009, 03:06:08 AM
Go Tikboy! hahahha

Glace your are a super-duper...
Title: Re: Mga Jam'-Jam' ni Glacier 2
Post by: grazie7y on March 24, 2009, 08:37:49 AM
Power kaayo ka mag jamjam, glace!
Powered by SMFPacks SEO Pro Mod | Sitemap
Mobile View
SimplePortal 2.3.7 © 2008-2020, SimplePortal