TUBAGBOHOL.com with Ligalig Mike Ortega

Inside Bohol => Pulong Bisaya => Topic started by: Ligalig-Mike on October 05, 2007, 03:34:24 AM

Title: Matunaw Ako Sa Kahayag Sa Imong Mga Mata
Post by: Ligalig-Mike on October 05, 2007, 03:34:24 AM
Matunaw Ako Sa Kahayag Sa Imong Mga Mata
sinulat ni m. ligalig

matunaw ko sa kahayag sa imong mga mata
daw sama sa adlaw ang imong pagtutok kanako
sama sa x-ray ang imong tinan-awan
ug imong gianinaw ang nataran sa akong dughan
imong gisusi ang matag suok
kung nagtindog ba ako tupad sa imong pahiyom.

matunaw ko sa kahayag sa imong mga mata
kahayag nga milapos sa lihokan nga kangitngit
ug mipahawa sa nagkalanrakas nga kasaba

buot ko mutago sa kurtena sa kagabhion
magpasalipud sa bulan
ug motago likud sa mga bituon
aron maka-ikyas ako
gikan sa mga kamot sa imong mga mata
nga buot mohukas sa sapot sa akong kahilom

hunong na sa pagtutok kanako
kay basin ang kahayag sa imong mga mata
mahimong mga anino sa akong damgo
Title: Re: Matunaw Ako Sa Kahayag Sa Imong Mga Mata
Post by: pinaybayan on October 05, 2007, 03:39:22 AM
biliba jud ko nimo mike oi, anad jud ka ug balak ba.... cguro balakan sad nimo ang imong asawa dah..sa pagpanguyab noh?? hehehe nice poem mike.. hunong sa pagtutok kay basin mahilis si mike hehehe peace po..
Title: Re: Matunaw Ako Sa Kahayag Sa Imong Mga Mata
Post by: Ligalig-Mike on October 05, 2007, 03:43:20 AM

Hi Pinaybayan,

Alas tres na sa kadlawon diri sa Thailand. Dili na ko motutok sa computer. :)
Title: Re: Matunaw Ako Sa Kahayag Sa Imong Mga Mata
Post by: hazel on October 05, 2007, 04:25:00 AM

mo bukad ang atay ug kasing-kasing inig ka human ug tunaw sa kahayag sa mata.
Powered by SMFPacks SEO Pro Mod | Sitemap
Mobile View
SimplePortal 2.3.7 © 2008-2019, SimplePortal