TUBAGBOHOL.com with Ligalig Mike Ortega

Inside Bohol => Pulong Bisaya => Topic started by: Ligalig-Mike on July 18, 2008, 07:16:34 PM

Title: Mao Niy Giingon Ni Nong Batoy
Post by: Ligalig-Mike on July 18, 2008, 07:16:34 PM
Mao Niy Giingon Ni Nong Batoy
sinulat ni M. Ligalig


Miingon si Nong Batoy,
ang bantugan nga manghihilot
sa matag kanto sa among baryo
ang nahiwi ug nabali
usa lamang ka lisa,
mao dili ta mabalaka
anaay daghang kasla
ihampol matag ngul-ngol

Miingon si Nong Batoy
nga kon ugaling mohubag
ang napiang nga kamot
kumoton lang ang luy-a,
sagolan ug banyos
sama sa Efficacent oil
ang duga ihid-hid
sa hinawob dahon sa kasla

Miingon si Nong Batoy
aron dili mabikil ang piang
magdasag ug duha ka lipak
bisan unsang panyo ibangan
libot sa kamot apan di hugtan

Tanang giingon ni Nong Batoy
anaay pahinungod nga sinsilyo
bisan ug dili ta motuo
nga ang bali nga kamot dili lisa
mobalit ta ug ugma ni Nong Batoy
aron, sa makausa, magpakonsulta
Title: Re: Mao Niy Giingon Ni Nong Batoy
Post by: kiamoy on July 18, 2008, 11:38:32 PM
unsay hinawob kuya?

when a True Friend leaves, a part of you dies...<-- :(
Title: Re: Mao Niy Giingon Ni Nong Batoy
Post by: statesville on September 04, 2010, 07:48:22 AM
Daghan na segurong sinsilyo nakolekta sa mga nikonsulta niya  ;D
Powered by SMFPacks SEO Pro Mod | Sitemap
Mobile View
SimplePortal 2.3.7 © 2008-2020, SimplePortal