TUBAGBOHOL.com with Ligalig Mike Ortega

Inside Bohol => Pulong Bisaya => Topic started by: fdaray on December 24, 2008, 02:52:46 PM

Title: Manaygon ta
Post by: fdaray on December 24, 2008, 02:52:46 PM
Sa among panahon kaniadto sa dili pa kami mosaka sa balay aron manaygon,
Mokanta pa mi diha sa silong.

Maglipay kita
Kay Pasko karon.
Ang atong Ginoo
Nagpakatawo.
Ug kon mahimo,
Padayona kami
Kay among awiton
Kining among daygon ::)

Pagkahuman ug kanta, tawagon mi sa tagbalay ug mosaka me dayon.

Mokanta me ug usab. Ang among kanta nag-asoy sa kaagi ni Jesus
diin natawo siya sa Belen.

O berhin santa Maria
Si Jose ang bana niya
Sa paglakat sa kanunay ta
Si lawas nagamaluya na

Ginoong haring tagbalay
Sarang ba kami makapahulay
Si Maria gihago'g budlay
Kay wala ninyo iangay.

Malooy ninyong hatagan
Ug bisan sa sook lamang
Kang Maria nga pagaangkan
Kay matawo na ang  Balaan.

Ug dihay ilang hingtan-awan
Kamalig kadtong karaan
Gipuy-an sa mga hayopan.
Ug si Jesus didto nagpakatawo.

Mingkunsad ang mga angeles.
Giduyugan sa mga pastores.
Dalaygon duol na matapos
Gihapon kay amen Jesus ::)

Kining maong karaan mga daygon, talagsa na nato
karon madungog tungod sa kausaban sa panahon.
Title: Re: Manaygon ta.....
Post by: alfonso_potane on December 24, 2008, 03:28:38 PM
uban ko bi...
Title: Re: Manaygon ta.....
Post by: Brownman on December 24, 2008, 03:58:20 PM
kining kantaha paborito sad namo sa kan hi ayng panahun                                     

Kasaya Ning Takna - a


Kasadya ning takna-a
Dapit sa kahimayaan
Maoy among nakita ang
Tagbalay nga masanagon
Bulahan ug bulahan
Ang tagbalay nga giawitan
Awit nga halangdonon sa tanang Pasko
Magmalipayon!


Chorus: Repeat above then...

Bag-ong tuig
Bag-ong kinabuhi
Duyog sa atong mga pagbati
Atong awiton ug atong laylayon
Aron magmalipayon!


Title: Re: Manaygon ta
Post by: Raquelproud boholana on December 25, 2008, 03:18:47 AM
Karon pa ko kabasa anang daygon nimo Fdaray.Bitaw wala gyud ko kadungog ana nga kanta nindot siguro na no ug tuno.As in nindot ang lyrics.
Title: Re: Manaygon ta
Post by: hubag bohol on November 07, 2012, 04:08:05 PM

Hmm, naa pa ba kahay manaygon nga kini maoy kantahon... :-\
Title: Re: Manaygon ta
Post by: Lollapalooza on November 07, 2012, 04:10:20 PM
http://youtu.be/7icvlpsp9Ko (http://youtu.be/7icvlpsp9Ko)

8) ;D
Title: Re: Manaygon ta
Post by: Pikoy on November 07, 2012, 04:52:18 PM
magdalag megaphone mubalak una sa deli pa mukanta:


"Unta magpakita kita sa atong gugma ug pasalamat alang sa maulaon nga sakripisyo sa Manluluwas pinaagi sa atong yano, manggiloloy-on nga mga buhat sa pagserbisyo."



ANI-A KAMI
NING GABII SA AMONG PAGDAYGON
HINAUT PA
NGA KANINYO DILI MAKATUGAW

Chorus:

PASKO KARON
PANAHON PANAHON SA KALIPAY
KAY NATAWO NA
ANG MANUNUBOS SA KALIBUTAN
 
(solo)

Sa alas dose ang takna
may natawo sa pasungan
gitagna ug ginatuhuan
Ang Manunubos sa kalibutan


(back to chorus and repeat the last line for the finale)
 
 
 
 
 
 
 
 
MAAYONG PASKO!!!
 
 
 
 



   
Title: Re: Manaygon ta
Post by: hubag bohol on November 07, 2012, 05:00:18 PM
Kasadya ning taknaa
Dapit sa kahimayaan
Maoy atong makita
Mga borit naghapahapa
Bulahan ug bulahan
Ang tagbalay nga giawitan
Awit nga halandomon kon tanang Pasko
May Wistirn Yunyon!


;D

Title: Re: Manaygon ta
Post by: bugsay on November 07, 2012, 05:16:10 PM
Kasadya ning taknaa
Dapit sa kahimayaan
Maoy atong makita
Mga borit naghapahapa
Bulahan ug bulahan
Ang tagbalay nga giawitan
Awit nga halandomon kon tanang Pasko
May Wistirn Yunyon![/size]

;D


...gikan sa pasko nilikoy nga rapol..;D
Title: Re: Manaygon ta
Post by: hubag bohol on November 07, 2012, 05:20:27 PM
He he, imbis "Manaygon ta", nahimong "Dayegon ta"... ;D
Title: Re: Manaygon ta
Post by: Pikoy on November 07, 2012, 05:23:02 PM

ma gyud pasko na, angay na natong isalikway ang mga yamokmok sa atong galamhan ug mga uhot sa atong belatian.. :) dina ta anang rapol2x hatag ta sa kinasing kasing sa way kusmod nga way rapol2x.. :)
Title: Re: Manaygon ta
Post by: hubag bohol on November 07, 2012, 05:34:14 PM

Bitaw, angay silhigon ang mga pintol ug ginabas sa gigambalay tang kahiusahan ginamit ang pag-od tang salaboten... ;D
Title: Re: Manaygon ta
Post by: BolBuhol on November 15, 2012, 04:31:30 PM
Gikan sang dayon among laylajong hang mga huni
pasko sang katuigang sang amon ginag kantahang
hang mga langgam sang bokid motogdong sang mga kabalayang
nenong kag nenang magaawit sang ilang kantahan

koros

balik balik sang katawhan
ginagkalipay hang tanang
bata sang tiguwang
ginagkahanglang magsagya hatagang hang
katawhang

tuway

lagi lagi pasko sang amon
lagi lagi pasko sang inyo
tinibook humba pangsit

balik koros
Powered by SMFPacks SEO Pro Mod | Sitemap
Mobile View
SimplePortal 2.3.7 © 2008-2020, SimplePortal