normal_post - Libre Unta Ang Mga Bol-anon - Pulong Bisaya Author Topic: Libre Unta Ang Mga Bol-anon  (Read 1257 times)

Ligalig-Mike

  • FOUNDER
  • GURU
  • *****
  • avatar_1_1507939928 - Libre Unta Ang Mga Bol-anon - Pulong Bisaya
  • Posts: 18912
  • medal1 - Libre Unta Ang Mga Bol-anon - Pulong Bisayamedal2 - Libre Unta Ang Mga Bol-anon - Pulong Bisaya
  • Need A Website? Email me: info@mikeligalig.com
    • Share Post
xx - Libre Unta Ang Mga Bol-anon - Pulong Bisaya
Libre Unta Ang Mga Bol-anon
« on: April 14, 2010, 04:56:52 PM »
By Mike Ligalig
published by the Bohol Standard

SIEM REAP, CAMBODIA – Sa akong pagbisita sa Angkor Wat, ang usa sa mga Seven Wonders of the World, didto sa Siem Reap, Cambodia, akong nahibaloan nga ang mga Cambodian walay bayad kung mosulod sila sa mga touristic place nila.

Una ko kini nga nahibaloan sa pagbisita nako sa S-21, ang torture prison cell nga gigamit sa panahon sa Pol Pot regime. Two U.S. dollars ang bayad sa matag foreigner nga mosulod sa maong lugar. Apan libre kini alang sa mga Cambodian.

Sa Angkor Wat, 20 U.S. dollars (900 pesos) ang entrance alang sa mga foreigner. Apan libre kini sa bisan kinsa nga Cambodian nga mosulod didto. Ug makasulod sila sa bisan unsang adlawa sa tuig. Ug lifetime kini nga libre.

Sa paghatag ug libre nga entrance sa mga Cambodian sa ilang mga tourist site, nakatabang kini ug dako sa ilang turismo. Ang among gipuy-an sa Pnom Penh madasigon nga misuroy sa iyang mga bisita sa mga talan-awon sa ilang syudad sanglit libre man siya.

Para nako, angayan kini nga sundon sa turismo sa Pilipinas. Pananglit diri sa Bohol, maayo unta ug libre ang mga Bol-anon kung sila moadto sa Chocolate Hills labina na gyud ang mga tour guide ug mga drayber.

Didto sa Cambodia, kung ang driver sa tuk-tuk (motorcycle) mohatod ug turista sa usa ka restaurant, automatic nga libre ang driver sa panihapon o paniudto o pamahaw. Wala kiniy apil sa charge sa imong gikaon. Gibuhat kini sa mga tag-iya sa restaurant isip “act of goodwill” o pang-PR alang sa mga drayber. Kung mohatod usab sila ug turista sa hotel o guesthouse, automatic ang mga drayber may pahinungod usab nga madawat.

Kung ang mga Bol-anon libre moadto sa Chocolate Hills, mas madasig ta nga modala ug bisita didto. Ug bisan asa nga tourist spot nato, kitang mga Bol-anon angayan unta libre na. Mas ganahan ta mohatod sa atong mga bisita sa Chocolate Hills o kaha sa museum sa Baclayon Church kay libre man ta.

Daghan ra ba sa ato sa Bohol ang gitawag ug “dayohan sa sariling bayan.” Ako mismo nakaadto sa Chocolate Hills pagkahuman na nako ug college sa Silliman. Kung mas daghang Bol-anon ang makasuroy sa atong mga talan-awon, mas daghan usab nga mga Bol-anon ang mopromote ug mopasigarbo sa atong lugar ngadto sa ilang mga kaila ug higala.

Pwede usab nga libre ang mga Bol-anon mosakay sa river cruise sa Loboc River bisan walay libre nga pagkaon basta lang maka-experience ang tanan sa kanindot sa lugar. Mahimo man seguro nga ang provincial government magbaton ug free boat sa Loboc River alang sa tanang Bol-anon. Mahimo usab nga adunay libre boat alang sa dolphin watching sa Pamilacan Island.

Nakita nimo ang epekto niini? Kita mismo mga Bol-anon ang mahimong marketer sa atong mga lugar ug dugang modagsa ang mga turista. Segurado ako nga daghang Bol-anon ang wala pa maka-experience sa Loboc River cruise ug dolphin watching. Daghan ganing mga Bol-anon ang wala pa makaadto sa mga makabibihag baybayon sa Anda ug Panglao.

Akong gidasig ang ni si bisan kinsa nga provincial board member nga mopasa ug ordinansa nga magpahiluna sa mga pamaagi nga malibre ang mga Bol-anon sa mga lugar sama pananglit sa Chocolate Hills ug Baclayon Museum.

Linkback: https://tubagbohol.mikeligalig.com/index.php?topic=26823.0
Romans 10:9
"That if you shall confess with your mouth the Lord Jesus, and shall believe in your heart that God has raised him from the dead, you shall be saved."

Get FREE 500GB cloud storage:
https://www.pcloud.com/welcome-to-pcloud/?discountcode=fDiE7jtC01VPbCIygaM67jZV

hofelina

  • DONOR
  • GURU
  • *****
  • avatar_1468_1343904761 - Libre Unta Ang Mga Bol-anon - Pulong Bisaya
  • Posts: 10009
  • medal1 - Libre Unta Ang Mga Bol-anon - Pulong Bisayamedal2 - Libre Unta Ang Mga Bol-anon - Pulong Bisaya
  • Always look at the bright side of life!
    • Share Post
xx - Libre Unta Ang Mga Bol-anon - Pulong Bisaya
Re: Libre Unta Ang Mga Bol-anon
« Reply #1 on: April 14, 2010, 06:29:29 PM »
Salamat sa imong thread, mao kini ang akong gusto nga ang mga locals makapahayay pod sama sakong gihisgut didto sa Cambuhat Oyster farm.

jorgeanna

  • LUMINARY
  • ***
  • avatar_87_1355394751 - Libre Unta Ang Mga Bol-anon - Pulong Bisaya
  • Posts: 5505
  • medal1 - Libre Unta Ang Mga Bol-anon - Pulong Bisaya
  • mmmmmmmmm
    • Share Post
xx - Libre Unta Ang Mga Bol-anon - Pulong Bisaya
Re: Libre Unta Ang Mga Bol-anon
« Reply #2 on: April 14, 2010, 06:36:39 PM »
Mike, nindot kaayo ang suggestions nmo nga dapat free unta ta nga mga taga bohol but unsaon ta man equality man daw..sakto ka nga murag dayuhan ta sa sariling bayan kaayo ta... kanang mga drivers sa atoa, naa pud na silay gamay madawat sa mga hotels kung makadala sila og mga guests...
a marriage can never be perfect.. but the love can be!

hofelina

  • DONOR
  • GURU
  • *****
  • avatar_1468_1343904761 - Libre Unta Ang Mga Bol-anon - Pulong Bisaya
  • Posts: 10009
  • medal1 - Libre Unta Ang Mga Bol-anon - Pulong Bisayamedal2 - Libre Unta Ang Mga Bol-anon - Pulong Bisaya
  • Always look at the bright side of life!
    • Share Post
xx - Libre Unta Ang Mga Bol-anon - Pulong Bisaya
Re: Libre Unta Ang Mga Bol-anon
« Reply #3 on: April 14, 2010, 06:43:34 PM »
this holds true in Lhasa (tibet), foreigners pays higher than the locals.

ms da binsi

  • EXECUTIVE
  • Webmaster
  • *****
  • avatar_404_1343332775 - Libre Unta Ang Mga Bol-anon - Pulong Bisaya
  • Posts: 24897
  • medal1 - Libre Unta Ang Mga Bol-anon - Pulong Bisayamedal2 - Libre Unta Ang Mga Bol-anon - Pulong Bisayamedal3 - Libre Unta Ang Mga Bol-anon - Pulong Bisaya
  • 2. You cannot change what you refuse to confront.
    • Share Post
xx - Libre Unta Ang Mga Bol-anon - Pulong Bisaya
Re: Libre Unta Ang Mga Bol-anon
« Reply #4 on: April 15, 2010, 09:23:03 AM »
nindot lagi sila noh? naa ba kaha sad sinahan or greedy  sa ilaha? taympa unsa gani ila major religion? Buddhist?
The best sermons are lived not preached.http://www.facebook.com/daBinsi



Share via facebook Share via linkedin Share via pinterest Share via tumblr Share via twitter

xx
Ako Unta Kadto: Ikaw Unta Kadto

Started by Ligalig-Mike on Pulong Bisaya

62 Replies
9587 Views
Last post November 18, 2007, 03:39:24 PM
by grazie7y
 

Latest Topics

Carlos Celdran by Ma. Isabel Ongpin by MIKELIGALIG.com
[Today at 06:39:42 AM]


Ghana and Philippines Energy Cooperation by MIKELIGALIG.com
[Yesterday at 09:51:35 PM]


Salary increase in Bohol by MIKELIGALIG.com
[October 12, 2019, 09:51:43 PM]


Bohol governor speaks at Asia Pacific Leaders Forum by MIKELIGALIG.com
[October 12, 2019, 09:28:48 AM]


Barangay officials meet with Gov Art Yap by MIKELIGALIG.com
[October 12, 2019, 09:25:04 AM]


Fastcat Cebu-Tubigon Fare Rate by MIKELIGALIG.com
[October 12, 2019, 09:22:07 AM]


Tubigon-Cebu Boat Schedule Fastcat by MIKELIGALIG.com
[October 12, 2019, 09:15:39 AM]


Cebu-Tubigon Fastcat Boat Schedule by MIKELIGALIG.com
[October 12, 2019, 09:13:50 AM]


Fastcat Contact Number by MIKELIGALIG.com
[October 12, 2019, 09:12:06 AM]


How Much Philippine Politicians Get by MIKELIGALIG.com
[October 12, 2019, 09:09:10 AM]

SMF spam blocked by CleanTalk
Powered by SMFPacks SEO Pro Mod | Sitemap
Mobile View
SimplePortal 2.3.7 © 2008-2019, SimplePortal