TUBAGBOHOL.com with Ligalig Mike Ortega

Inside Bohol => Pulong Bisaya => Topic started by: Ligalig-Mike on November 18, 2007, 10:46:55 PM

Title: Kung Sud-ongon Ko Man Ikaw
Post by: Ligalig-Mike on November 18, 2007, 10:46:55 PM
Kung Sud-ong Ko Man Ikaw
sinulat ni m. ligalig

kung sud-ongon ko man ikaw
piyongon ko akong mga mata
aron dili ako matusok
sa kasulaw sa imong pagtan-aw,
motago ang akong kalimutaw
sa hagdanan sa akong kilay
ug akong pilok moluklok
sa suok sa akong tilaok
kay wala na akoy masulti,
wala na akoy mabati
nga huni nga moalisngaw
sa akong kasingkasing
sa higayong makita ko ikaw

kung sud-ongon ko man ikaw
magtalikod lang ko
sa nagbansiwag mong hulagway
aron dili magisi ang samad
sa imong pagsalikway kanako,
aron dili matabas ang uwat
nga handumanan sa imong pagbiya,
ug aron dili na maukay
ang wala pa malubong
nga apdo sa kapait ug kasakit
sa nadubok tang kagahapon

kung sud-ongon ko man ikaw
dinhi lang ko sa halayo
sa imong nahimutangan -
magdungo, magbakho, magtikoko -
mamasin nga imong madamgohan
inig kahigmata mo ning kalibotan,
ang kalibotan nga nalubngan
sa sugilanong wala masugdi
apan gihandom ang kataposan

kung sud-ongon ko man ikaw
wala kay mabating tingog
gikan sa bintana ning mga mata -
dili ko sangpiton imong pangalan,
dili ko ihunghong imong apelyido,
dili ko ihagawhaw imong dagnay -
wala... wala... wala... wala...
wala kay madungog nga dahunog
gikan sa nadunot kong mga bukog 
Title: Re: Kung Sud-ongon Ko Man Ikaw
Post by: hazel on November 19, 2007, 02:57:04 AM

di ni mag silbi naku....magaksan gyud. :D
Title: Re: Kung Sud-ongon Ko Man Ikaw
Post by: ms da binsi on November 19, 2007, 03:00:24 AM
sa sugilanong wala masugdi
apan gihandom ang kataposan





Yuna ra, does this mean nga naay paglantaw ang author sa usa sa atong higala sa TB?

mao ba ni buot  i pasabot aning balaka, my dear???

 ;D  ;D  ;D
Title: Re: Kung Sud-ongon Ko Man Ikaw
Post by: Brownman on November 19, 2007, 03:03:49 AM
I remember the late Pres. Carlos Garcia kuyaw to muhimo ug balak, manglimbawut atong balhibo!
Title: Re: Kung Sud-ongon Ko Man Ikaw
Post by: grazie7y on November 19, 2007, 03:04:22 AM
Pagkamaluluoy ani oi! Sawi kaayo! hahahah

Hazel, kakulba ba nimo mang gakos man jud hahahahahah!
Title: Re: Kung Sud-ongon Ko Man Ikaw
Post by: Glen on November 19, 2007, 06:00:42 AM
Kung Sud-ong Ko Man Ikaw[/color]
sinulat ni m. ligalig


kung sud-ongon ko man ikaw
wala kay mabating tingog
gikan sa bintana ning mga mata -
dili ko sangpiton imong pangalan, ( kay ako lang huna huna-on sa akung dughan)
dili ko ihunghong imong apelyido, (  kay napatak na sa akung libro)
dili ko ihagawhaw imong dagnay -(  Kay ako kalang damgohon sa kanunay)
wala... wala... wala... wala...      ( wala lagi ka mawala)
wala kay madungog nga dahunog ( sa nag buto buto kong panungog )
gikan sa nadunot kong mga bukog ( agoy kanindot sod-ongon gayod)  


Mike kalami baning balaka oy! mura man naa koy mahinumdoman ani ;D



Title: Re: Kung Sud-ongon Ko Man Ikaw
Post by: C2H4 on November 19, 2007, 06:04:04 AM
Agay

ning vibrations na pud akong bolang kristal da

kuwang ra kuno nang gakos,

kinahanglan pud kuno ug kisspirin

 ;) ;D
Title: Re: Kung Sud-ongon Ko Man Ikaw
Post by: Glen on November 19, 2007, 06:11:54 AM

C2 nagkatawa jod ko pag ayo kay mora ni vibrate ang imong bolang Kristal sa balak ni Mike. Hehehhehe asa man
ta manguha og kisspirin?
Title: Re: Kung Sud-ongon Ko Man Ikaw
Post by: C2H4 on November 19, 2007, 10:14:49 AM
Ms GLeN,

Si Ginger ug si Admin,

murag kahibaw na sila asa mapalit ning kisspirin

atong pangutan-on

 ;)
Title: Re: Kung Sud-ongon Ko Man Ikaw
Post by: Ligalig-Mike on November 19, 2007, 10:31:35 AM

Kini si Ethyl, she owns a pharmacy in the U.S. so didto ta mamalit ug kisspilit ug yakapsul niya. :)
Powered by SMFPacks SEO Pro Mod | Sitemap
Mobile View
SimplePortal 2.3.7 © 2008-2019, SimplePortal