MikeLigalig.com

Isdang dimalason, bulahan ikaw!
Unsaon ta man, nabihag ka sa laang
Sa ginansilyong nylon nga baling
Nga gitaktak sa nangadlawong mangingisda.

Isdang bulahan, ikaw gidimalas!
Nagkisikisi, naghiyud-hiyod ka'ng
Gipareglahan, ug dayag nga gihuboan
Sa sinina mo'ng pilak.

Isdang palaran, isdang nagtinga,
Bisan ang gahum sa Magbubuhat
Wala mopugong sa lantip nga kutsilyong
Mitagud-tagod, mihiwa sa mga panakot.

Isdang alaut, hinungdan sa among pagmaya--
Ganina lang gatadlas-tadlas ka sa kaparatan.
Apan dimalas sa tanang dimalas,
Naglangoy ka na sa suka.

Kapait sa kapalaran sa isda.  Aw, ka-aslum diay kay suka man.

Butangi pud asin ug bitsin gamay aron molami! unya suka nga tuba man kaha to? payts na kaayo!!! hoo! akong salivary glands na stimulated naghuna huna lang sa kinilaw.... aguuuhhhh!!!! mao gyud na ang usa sa mga pagkaon nga akong kan on kung makauli na ko.... bantay lang nang mga isda sa kadagatan sa bohol inag abot nako!!!!