Sap-ongan ko ang pagdagayday sa tubod
nga magabisbis sa imong humayan
ug mga tanaman.
Kay kon pasagdan ko kini sa pagbuhagay
ngadto sa imong lapyahan,
di ko na ikalimod
kon dis-a kini gikan
ug asa kini padulong.
Sap-ongan ko kini
bisan pa’g mo-ingon ang tigulang nga
ang tubig kon pugngan,
mo-bun-og ra jud inig kadugayan
ug siya ang una nga ma-angol
nga nagpugong sa nag-uros-uros nga sug.
Sap-ongan ko kini kay
laing tubod ang nagsubay sa imong kahumayan,
laing tubod and nagbisbis sa imong tanaman,
laing tubod ang nakapatagbaw sa imong ka-uhaw.
Linkback:
https://tubagbohol.mikeligalig.com/index.php?topic=6674.0