normal_poll - Inighulaw Sa Dughan - Pulong Bisaya Poll

Unsa imong ikasulti bahin niini?

Maayo
2 (100%)
Dili
0 (0%)

Total Members Voted: 2

normal_post - Inighulaw Sa Dughan - Pulong Bisaya Author Topic: Inighulaw Sa Dughan  (Read 2211 times)

bisayantek

  • STUDENT
  • *
  • avatar_30_1356467117 - Inighulaw Sa Dughan - Pulong Bisaya
  • Posts: 130
  • I will defend to death your freedom of speech.
    • Share Post
smiley - Inighulaw Sa Dughan - Pulong Bisaya
Inighulaw Sa Dughan
« on: August 18, 2007, 03:33:12 PM »
Kining maong balak sinulat ni Michael Ortega Ligalig
sa Virgen, Anda 6311 Bohol. Ipatik kini sa Bisaya magazine sa Septiyembre 26, 2007 nga isyu.

Inighulaw Sa Dughan

Gipili mong talikdan
Ang hamiling uma, tigbayon
Sa pahiyom ug katawa
Gipili mong mahilayo sa payag
Diin nakakaplag kag kapahulayan
   Gikan sa hataas
   Bugtaw sa pagpangita
   Ug tim-os nga pagpangga.
Gitugtan mong basta na lang
Sakmiton sa katalawg pagduhaduha
Ang binhi sa gugmag panumpa
Natisok na unta
Sa tabunok nga yuta sa mga damgo.

Karon miduaw ka
Sa darohan sa kagahapon
Pamasin duna pay mahagdawng
Lugas sa kalipay
Sa ngilit sa mga paghandom.

Apan tinghulaw na—
   napasmo na ang yuta,
   nagtinga ang mga dahom—
   dili na imo ang higayon…
Maong miligad ka sa balilihong paghanduraw
Naanugnan sa nalawos nga sugilanon.
Buot mong palakwon ang imong mga mata,
Tamakan ang tudling sa kanhiayng parayeg
Misulay pagpanggimok sa kaisipan.
Ug kay katol pa ang taliayong kapakyasan,
Walay kapahulayan ang dughan
Hangtod imong maunlanan
Ang mga bukton sa kamatuoran.
Kon imong ihabol ang hapon ug gabii
Sa dugang paghanduraw
Dili manalingsing ang nalaya mong kasingkasing.

Unsa kaha kon mouli ka sa bag-o mong uma?
   Kay bisan nihit ang ulan,
   Layo ang nahimutangan,
Naa ka pay mapaabot nga bunga
Sa napugas mong mga pangilaba.


Linkback: https://tubagbohol.mikeligalig.com/index.php?topic=3406.0

bisayantek

  • STUDENT
  • *
  • avatar_30_1356467117 - Inighulaw Sa Dughan - Pulong Bisaya
  • Posts: 130
  • I will defend to death your freedom of speech.
    • Share Post
xx - Inighulaw Sa Dughan - Pulong Bisaya
Re: Inighulaw Sa Dughan
« Reply #1 on: August 18, 2007, 03:37:25 PM »
Usa ka maayong balak nga akong nabasa. Giduyan-duyan ako sa kaanindot sa musika. Naghatag kini kanako og ideya nga mosulat og laing balak.

Ligalig-Mike

  • FOUNDER
  • GURU
  • *****
  • avatar_1_1507939928 - Inighulaw Sa Dughan - Pulong Bisaya
  • Posts: 18912
  • medal1 - Inighulaw Sa Dughan - Pulong Bisayamedal2 - Inighulaw Sa Dughan - Pulong Bisaya
  • Need A Website? Email me: info@mikeligalig.com
    • Share Post
xx - Inighulaw Sa Dughan - Pulong Bisaya
Re: Inighulaw Sa Dughan
« Reply #2 on: August 18, 2007, 04:39:29 PM »

I wrote this poem seven years ago. I remember I was at the foot of a hill sitting on a rock, looking out a cornfield near our house in Anda.

Pre, adunay mga gumunhap nga dili ko matukib ang nagpaluyo ning maong balak.

Dugay ko na kining gipadala sa Bisaya Magazine. Last year diha daw koy napatik nga balak apan wala ko kapalit ug kopya kay diri nako sa Thailand niadtong higayona.
Romans 10:9
"That if you shall confess with your mouth the Lord Jesus, and shall believe in your heart that God has raised him from the dead, you shall be saved."

Get FREE 500GB cloud storage:
https://www.pcloud.com/welcome-to-pcloud/?discountcode=fDiE7jtC01VPbCIygaM67jZV

bisayantek

  • STUDENT
  • *
  • avatar_30_1356467117 - Inighulaw Sa Dughan - Pulong Bisaya
  • Posts: 130
  • I will defend to death your freedom of speech.
    • Share Post
xx - Inighulaw Sa Dughan - Pulong Bisaya
Re: Inighulaw Sa Dughan
« Reply #3 on: August 18, 2007, 05:31:54 PM »
Pre,

Natandog ko sa imong balak. Nahinumdom ko sa amoa. Sa dagat nga maoy akong kalibotan kaniadto nga lima na ka tuig nga akong gitalikdan. Ug sa binuhat nga nagbilin og samad sa akong dughan.

Kini ang katahoman sa balak. Dili mapulog sa pulong ang kasinatian nga imong gipaambit.

Tuod diay kini ang imong balak nga napatik niadtong Septiyembre 6, 2006 sa Bisaya Magazine.


Mga Hulagway Sa Buntag Nga Hunahuna

Maoy mihangop kanimo
ang alimyon sa gininhawa sa kaadlawon
Ang talidhay sa huyuhoy miagbay
Sa imong pagpaso-paso sa kalsada
Imong nasud-ong ang nagbad-ay
nga trangka sa inyong balay
ug ang nahunlak nga lantay
diin dinhi nimo gipang-ipon
ang mga damgo sa kagabhion
Nalantawan mo ang nakanlat nga ang-ang
sa hagdan sa balay ni Nong Ilaryo
Natataw mo ang kadarohan sa kamaisan
nga nagpaabot pugsan og mga singot
sa kabos nga agtang

(Didto sa kasadpan nanglili
sa nagbungtod nga panganod
ang nanghuyatid nga kilat
ug ang kabituonan nanghawid
sa sidsid sa gilukot nga kangitngit)

Giduol ka ni Neptune, mikitiw-kitiw iyang ikog
milamano nimo, ug misunod sa imong paglakaw
hangtod nagkalayo ka gikan
sa lim-aw sa kahayag sa poste
ug maoy mipasunding karon
ang mga imahen sa laksot nga kamatuoran:

hutoy sa kawad-on
ping-it sa kagutom
tiyabaw sa kapit-os
agulo sa kapait





Macky Ferniz

  • EXECUTIVE
  • EXPERT
  • *****
  • avatar_149 - Inighulaw Sa Dughan - Pulong Bisaya
  • Posts: 2606
  • "The Sophomore's Dream"
    • Share Post
xx - Inighulaw Sa Dughan - Pulong Bisaya
Re: Inighulaw Sa Dughan
« Reply #4 on: August 18, 2007, 06:18:53 PM »
"Inig Hulaw sa Dughan"
Mabulokon kaayo ang maong balak, daw huni ang dagan, lalim ug mo-lanog sa dughan. Dawata ang masipang pak-pak.
There is no death, there is the Force

There are things that meant more than what you say...they are things that you do...

Lazada.com.ph Search ProductsBooking.com Hotel Search | SitemapRSS Feeds

Ligalig-Mike

  • FOUNDER
  • GURU
  • *****
  • avatar_1_1507939928 - Inighulaw Sa Dughan - Pulong Bisaya
  • Posts: 18912
  • medal1 - Inighulaw Sa Dughan - Pulong Bisayamedal2 - Inighulaw Sa Dughan - Pulong Bisaya
  • Need A Website? Email me: info@mikeligalig.com
    • Share Post
xx - Inighulaw Sa Dughan - Pulong Bisaya
Re: Inighulaw Sa Dughan
« Reply #5 on: August 18, 2007, 07:35:50 PM »

Isip mga magbabalak, Pre, usahay dili mogimaw ang mga matahom nga pulong sa atong handurawan kung walay mga gisi ang dughan sa tawhanong pagbati.

Dunay mga higayon nga kinahanglan nga matagak una ang mga luha gikan sa atong mga mata aron ang maong mga luha mamatay sa yuta sa paghikalimot - ug unya moturok ang bag-ong liso sa mga paghandum.



Share via facebook Share via linkedin Share via pinterest Share via reddit Share via twitter
 

Latest Topics

Diwanag Festival by mikeortegaligalig
[Yesterday at 06:53:39 PM]


REVITALIZATION OF CULTURE AND ARTS in Bohol by mikeortegaligalig
[Yesterday at 06:53:06 PM]


REVITALIZATION OF CULTURE AND ARTS in Bohol by mikeortegaligalig
[Yesterday at 06:48:02 PM]


Business Permit in Kidapawan City by mikeortegaligalig
[Yesterday at 05:29:26 PM]


BIFF’s war materials recovered anew in Maguindanao by mikeortegaligalig
[Yesterday at 01:13:12 PM]


OPTICAL ILLUSIONS GALLERY by hubag bohol
[Yesterday at 09:12:49 AM]


Bana Gidunggab sa Asawa by hubag bohol
[Yesterday at 09:03:53 AM]


Illegal Fishing in Bohol by hubag bohol
[Yesterday at 08:58:58 AM]


Best friends forever by hubag bohol
[Yesterday at 08:41:31 AM]


Days in the life of Aylandil by hubag bohol
[Yesterday at 08:39:31 AM]

SMF spam blocked by CleanTalk
Powered by SMFPacks SEO Pro Mod | Sitemap
Mobile View
SimplePortal 2.3.7 © 2008-2019, SimplePortal