TUBAGBOHOL.com with Ligalig Mike Ortega

Inside Bohol => Pulong Bisaya => Topic started by: Ligalig-Mike on April 26, 2007, 06:11:04 AM

Title: Inig Mingawon Ko Kanimo
Post by: Ligalig-Mike on April 26, 2007, 06:11:04 AM
(this poem was published in Sun-Star Daily Cebu, but i never had the chance to get hold of the copy)

Inig mingawon ko kanimo
Sud-ungon ko ang kapanganuran
Kay basin kanang samang mga panganod
Mapadpad tungod sa imong nahimutangan
Ug basin makahangad ka
Ug makita mo usab
Ang akong nasud-ong;
Bisan pa man ang mga panganod
Mausab ang ilang porma ug dagway
Apan nahimo gihapon silang
saksi
Sa akong paghanduraw kanimo

Inig mingawon ko kanimo
Gakson ko ang huyohoy
Pahagkan ko sa hangin
Ang akong aping
Basin ang susamang hangin
Mopanaw ngadto sa imong gipuy-an,
O kaha sa imong gitrabahoan
Ug ang huyuhoy moasoy kanimo
mahitungod
Sa akong mga paghandom

Inig mingawon ko kanimo
Bas-on ko sa dagat
Ang akong mga tiil –
Ug ang tubig sa baybayon
Daghan ug agianan
Paingon sa ubang mga dagat sa
kalibotan
Basin ang susamang tubig –
Kon ugaling mahianha ikaw
Sa usa ka baybayon –

Mohumod sa imong lapa-lapa
Ug ang dagat mohagawhaw
Mahitungod kon unsa ka
lawom
Ang kamingaw ko kanimo

written by www.mikeligalig.com
Title: Re: Inig Mingawon Ko Kanimo
Post by: Julai on June 28, 2007, 07:18:09 PM
aguyyyyyyyy kalisod diay sa imong buhaton ug mingawon ka niya..
mas sayon na ron ky pwede na tawagan or i chat..ahehehhe
Title: Re: Inig Mingawon Ko Kanimo
Post by: Ligalig-Mike on October 05, 2007, 03:30:44 AM

Julai, nothing can replace love letters in paper and ink.
Title: Re: Inig Mingawon Ko Kanimo
Post by: asianfairy on October 05, 2007, 03:32:25 AM
Mike, beautiful! I am still waiting for the Damgo nga balak:-))
Title: Re: Inig Mingawon Ko Kanimo
Post by: Ligalig-Mike on October 05, 2007, 03:38:07 AM

Asianfairy, gisalom ko pa sa atabay sa akong handurawan, inig tunga nako, ihatag ko kanimo kadtong maong balak. :)
Title: Re: Inig Mingawon Ko Kanimo
Post by: asianfairy on October 05, 2007, 03:43:48 AM
wow ha..banggiitan gyod kang mamamalak.

Thanks.
Title: Re: Inig Mingawon Ko Kanimo
Post by: Ligalig-Mike on October 05, 2007, 03:46:55 AM

The truth of the matter is that dili ra ba jud pwede salomon nang atabay kay lisud ikapay inig tunga, plus ngitngit sa ilawom. But that is poetry. Poetry departs from the mundane way of seeing and feeling things.
Title: Re: Inig Mingawon Ko Kanimo
Post by: hazel on October 05, 2007, 10:31:16 PM
nig mingawon ko kanimo
Bas-on ko sa dagat
Ang akong mga tiil –

******
Maayo nalang wala ko kamingawan, hehe

Tugnaw raba dire ang tubig ug mag basa na sa tiil.
Title: Re: Inig Mingawon Ko Kanimo
Post by: st. agnes on October 06, 2007, 01:00:54 AM
-HANGIN-

O, hangin
O, hangin
Sa Sakayan makapatulin
Ug dad-a siya sa daplin
Ug adto siya ibilin

Bow....
Title: Re: Inig Mingawon Ko Kanimo
Post by: Happy on October 06, 2007, 09:16:33 PM
Mike, bation manlang sab tag kamingaw aning balaka
Powered by SMFPacks SEO Pro Mod | Sitemap
Mobile View
SimplePortal 2.3.7 © 2008-2019, SimplePortal