Human Sa Imong Paglabaysinulat ni M. Ligaligadunay nagpangablit nga Kasakit
sa dihang nagkaduol ka sa Dapit
diin kataposan mo syang Nakita
nagdala niadtong pula nga Bulak -
ang bulak nga salingsing sa Kalinghod
sa imong Panghuna-huna
makita mo gihapon ang Bintana
nga bugtong saksi sa pagkatawo sa mga Balili
nga naglibot sa mga kahoy nga Acacia
igo ka nalang mopasapidpid sa mga Sagbot
molingi, unya moduko human mopasiplat sa Bintana
human sa imong paglabay niadtong maong Dapit
imong nabatyagan ang kainit sa udtong Tutok
ug maoy mitulisok sa imong Pangisip
ang pagdumili nga dili na molingi sa maong Bintana
Linkback:
https://tubagbohol.mikeligalig.com/index.php?topic=13809.0