Hinumdumi,
kon ikaw magpaugat
ug di gyud mobati
sa akong pangamuyo
rakrakan tika sa akong mga litaniya
aron masayod ka
sa hagishis sa akong kasingkasing
pukawon ko ang nahikatulog mong gugma
nga nagpayupo sa imong dughan
aron masinati nimo akong pagduka
sa imong pabungol-bungol ug bagulbol
isabwag ko ang mga liso
sa akong pagbati
aron motuybo ug mogamot
diha sa sam-ang sa imong kasing-kasing
ug bation mo usab akong pagbati
sa biyong-biyong sa imong mata
sa kaanyag sa imong panagway
gibistihan mo
ang luspad ug walay kinabuhi
nga kahimtang ko
giabunohan mo ug kahayag
ang ngi-ob kong kinabuhi
hinumdumi,
yabag na ang kampana
giduka na ang buwan
pagaw na ang amang,
apan, sa gihapon
huwaton tika
iingon ko,
huwaton tika
hangtud kanus-a
ang adlaw takigan.
-Glenn Tek-ing Muñez -
Linkback:
https://tubagbohol.mikeligalig.com/index.php?topic=18505.0